ഓട്ടോറിക്ഷകള്‍ക്ക് ബോണറ്റ് നമ്പറും സ്റ്റാന്‍ഡും ഏർ​പ്പെടുത്തിയത് അംഗീകാരമില്ലാതെ

പെ​രു​മ്പാ​വൂ​ര്‍: ടൗ​ണി​ല്‍ ഓ​ട്ടോ​റി​ക്ഷ​ക​ള്‍ക്ക് ബോ​ണ​റ്റ് ന​മ്പ​ര്‍ സം​വി​ധാ​ന​വും സ്റ്റാ​ന്‍ഡും ഏ​ര്‍പ്പെ​ടു​ത്തി​യ​ത് അം​ഗീ​കാ​ര​മി​ല്ലാ​തെ. ഇ​തു​സം​ബ​ന്ധി​ച്ച ഉ​ത്ത​ര​വി​ന്‍റെ കോ​പ്പി ഓ​ഫി​സി​ല്‍ സൂ​ക്ഷി​ച്ചി​ട്ടി​ല്ലെ​ന്ന് ജോ​യ​ൻ​റ് ആ​ര്‍.​ടി ഓ​ഫി​സ് വ്യ​ക്ത​മാ​ക്കി​യ​തോ​ടെ​യാ​ണ് അം​ഗീ​കാ​ര​ത്തോ​ടെ​യ​ല്ലെ​ന്ന വി​വ​രം പു​റ​ത്തു​വ​രു​ന്ന​ത്.

ടൗ​ണി​ല്‍ സ്ഥി​ര​മാ​യി ഓ​ടി​യി​രു​ന്ന ഓ​ട്ടോ​റി​ക്ഷ​ക​ളു​ടെ അ​നി​യ​ന്ത്രി​ത പാ​ര്‍ക്കി​ങ് ഒ​ഴി​വാ​ക്കി അ​ടു​ക്കും ചി​ട്ട​യും വ​രു​ത്തു​ന്ന​തി​ന്‍റെ ഭാ​ഗ​മാ​യി 2012-13 കാ​ല​ഘ​ട്ട​ത്തി​ലാ​ണ് സ്ഥി​ര​മാ​യി ഓ​ടു​ന്ന​വ​ർ​ക്ക്​ പാ​ര്‍ക്കി​ങ് നി​യ​ന്ത്ര​ണം ഏ​ര്‍പ്പെ​ടു​ത്തി​യ​ത്. തു​ട​ര്‍ന്ന് ടൗ​ണി​ല്‍ സ​ര്‍വി​സ് ന​ട​ത്തു​ന്ന ഓ​ട്ടോ​റി​ക്ഷ​ക​ളു​ടെ ക​ണ​ക്ക്​ യൂ​നി​യ​നു​ക​ളു​ടെ സ​ഹ​ക​ര​ണ​ത്തോ​ടെ ശേ​ഖ​രി​ച്ചു.

ഇ​തി​ന്‍റെ അ​ടി​സ്ഥാ​ന​ത്തി​ല്‍ കൃ​ത്യ​മാ​യ പെ​ര്‍മി​റ്റു​ള്ള ആ​യി​ര​ത്തോ​ളം ഓ​ട്ടോ​ക​ള്‍ പൊ​തു​ജ​ന​ങ്ങ​ള്‍ക്കും മ​റ്റു വാ​ഹ​ന​ങ്ങ​ള്‍ക്കും വ​ലി​യ ത​ട​സ്സം​വ​രാ​ത്ത രീ​തി​യി​ല്‍ പാ​ര്‍ക്ക് ചെ​യ്യാ​ന്‍ അ​നു​വാ​ദം കൊ​ടു​ക്കു​ക​യാ​ണു​ണ്ടാ​യ​ത്.

ഈ ​വാ​ഹ​ന​ങ്ങ​ളെ തി​രി​ച്ച​റി​യു​ന്ന​തി​ന് പി.​എം.​സി എ​ന്ന് സ്റ്റി​ക്ക​ര്‍ പ​തി​ച്ച് ഓ​ട​ണ​മെ​ന്ന അ​ഭി​പ്രാ​യം വ​ന്നു. തു​ട​ര്‍ന്ന് ജോ​യ​ൻ​റ് ആ​ര്‍.​ടി.​ഒ​യു​ടെ നി​ർ​ദേ​ശ​പ്ര​കാ​രം സ്റ്റി​ക്ക​റി​ല്‍ ഒ​ന്നു​മു​ത​ല്‍ 1000 വ​രെ​യു​ള്ള ക്ര​മ​ന​മ്പ​ര്‍കൂ​ടി ഉ​ള്‍പ്പെ​ടു​ത്തി ബോ​ണ​റ്റ് ന​മ്പ​ര്‍ പ​തി​ച്ച പെ​ര്‍മി​റ്റ് അ​നു​വ​ദി​ക്കു​ക​യാ​ണു​ണ്ടാ​യ​ത്. ഇ​തി​ന്‍റെ ഉ​ത്ത​ര​വ് പ​ക​ര്‍പ്പു​ക​ള്‍ ഓ​ഫി​സി​ല്‍ സൂ​ക്ഷി​ച്ചി​ട്ടി​ല്ലെ​ന്ന് മു​ടി​ക്ക​ല്‍ കി​ട​ങ്ങാ​ശേ​രി വീ​ട്ടി​ല്‍ കെ.​എ. റ​ഹീ​മി​ന് ല​ഭി​ച്ച വി​വ​രാ​വ​കാ​ശ മ​റു​പ​ടി​യി​ല്‍ പ​റ​യു​ന്നു. ഈ ​വി​ഷ​യ​ത്തി​ല്‍ കൂ​ടു​ത​ല്‍ വി​വ​ര​ങ്ങ​ള്‍ക്ക് ന​ഗ​ര​സ​ഭ​യെ സ​മീ​പി​ക്കാ​ന്‍ ജോ​യ​ൻ​റ് ആ​ര്‍.​ടി.​ഒ അ​പേ​ക്ഷ​ക​ന് മ​റു​പ​ടി ന​ല്‍കി.

ന​ഗ​ര​സ​ഭ​യി​ല്‍ ന​ല്‍കി​യ അ​പേ​ക്ഷ​ക്കു​ള്ള മ​റു​പ​ടി​യി​ല്‍ ഗു​ഡ്‌​സ് പാ​സ​ഞ്ച​ര്‍ ഓ​ട്ടോ​റി​ക്ഷ സ്റ്റാ​ന്‍ഡു​ക​ള്‍ക്ക് അം​ഗീ​കാ​രം ന​ല്‍കു​ക​യോ പാ​ര്‍ക്കി​ങ്ങി​ന് സ്ഥ​ലം ന​ല്‍കു​ക​യോ ചെ​യ്തി​ട്ടി​ല്ലെ​ന്ന് പ​റ​യു​ന്നു.

2012-13ല്‍ ​ഇ​തു​സം​ബ​ന്ധി​ച്ച് ചേ​ര്‍ന്ന യോ​ഗ​ങ്ങ​ളു​ടെ മി​നി​റ്റ്​​​സും ന​ഗ​ര​സ​ഭ​യി​ല്‍ ഇ​ല്ല​ത്രേ. ബോ​ണ​റ്റ് ന​മ്പ​റി​ന് ജോ​യ​ൻ​റ് ആ​ര്‍.​ടി ഓ​ഫി​സ് ഫീ​സ് ഈ​ടാ​ക്കു​ന്നു​ണ്ടെ​ന്നാ​ണ് വി​വ​രം. ഈ ​തു​ക സ​ര്‍ക്കാ​റി​ലേ​ക്ക് ന​ല്‍കു​ന്നു​ണ്ടോ എ​ന്ന​ത് പ​രി​ശോ​ധി​ക്ക​ണ​മെ​ന്ന ആ​വ​ശ്യ​മു​യ​രു​ന്നു​ണ്ട്. പെ​ര്‍മി​റ്റി​ല്‍ ബോ​ണ​റ്റ് ന​മ്പ​ര്‍ രേ​ഖ​പ്പെ​ടു​ത്തി ന​ല്‍കു​ന്ന​ത് നി​യ​മ​വി​ധേ​ന​യ​ല്ലെ​ന്ന് ആ​ക്ഷേ​പ​മു​ണ്ട്.

ഓ​ട്ടോ​റി​ക്ഷ മ​റി​ച്ച് വി​ല്‍പ​ന ന​ട​ത്തു​മ്പോ​ള്‍ പി.​എം.​സി ന​മ്പ​റി​ന് കു​റ​ഞ്ഞ​ത് 50,000 രൂ​പ വ​രെ ഉ​ട​മ വാ​ങ്ങു​ന്നു​ണ്ടെ​ന്നാ​ണ് ആ​ക്ഷേ​പം. ന​ഗ​ര​ത്തി​ലെ അ​നു​വ​ദി​ച്ച സ്റ്റാ​ന്‍ഡി​ല്‍ ഓ​ടാ​മെ​ന്നു​ള്ള​തു​കൊ​ണ്ട് പ്ര​തി​ഫ​ലം ന​ല്‍കാ​ന്‍ വാ​ങ്ങു​ന്ന​യാ​ള്‍ ത​യാ​റാ​വു​ക​യാ​ണ്.