അനുമതിയില്ലാതെ സ്വകാര്യ സ്ഥാപനം റോഡ് വെട്ടിപ്പൊളിച്ചതിന് കേസ്

പെ​രു​മ്പാ​വൂ​ര്‍: അ​നു​മ​തി​യി​ല്ലാ​തെ എ.​എം റോ​ഡ് പൊ​ളി​ച്ച​തി​ന്​ പൊ​ലീ​സ് കേ​സെ​ടു​ത്തു. ലോ​റി സ്റ്റാ​ൻ​ഡി​ന് സ​മീ​പം യൂ​നി​യ​ന്‍ ബാ​ങ്കി​ന് മു​ന്നി​ല്‍ അ​ധി​കൃ​ത​രു​ടെ അ​നു​മ​തി​യി​ല്ലാ​തെ സ്വ​കാ​ര്യ സ്ഥാ​പ​നം ആ​ഴ​ത്തി​ല്‍ റോ​ഡ് വെ​ട്ടി​പ്പൊ​ളി​ച്ച​തി​ന് ​​വി.​കെ.​ജെ ഇ​ന്‍ഫ്രാ​സെ​ക്ട​ര്‍ എ​ന്ന സ്ഥാ​പ​ന​ത്തി​നെ​തി​രെ​യാ​ണ് പൊ​ലീ​സ് കേ​സ്​ ര​ജി​സ്റ്റ​ര്‍ ചെ​യ്ത​ത്. സ്ഥാ​പ​ന​ത്തി​നെ​തി​രെ ന​ഗ​ര​സ​ഭ​യും കെ.​എ​സ്.​ഇ.​ബി​യും പ​രാ​തി ന​ല്‍കി​യി​രു​ന്നു. തി​ങ്ക​ളാ​ഴ്ച റോ​ഡ് പൊ​ളി​ക്കു​ന്ന​തി​നി​ടെ കെ.​എ​സ്.​ഇ.​ബി​യു​ടെ കേ​ബി​ളു​ക​ള്‍ പൊ​ട്ടി. ഇ​തോ​ടെ​യാ​ണ് ഒ​രു​വി​ഭാ​ഗ​ത്തി​ന്റെ​യും അ​നു​മ​തി​യി​ല്ലാ​തെ​യാ​ണ് റോ​ഡ് പൊ​ളി​ച്ച​തെ​ന്ന വി​വ​രം പു​റ​ത്തു​വ​ന്ന​ത്.

പ്ര​തി​ഷേ​ധം ഉ​യ​ര്‍ന്ന​തോ​ടെ പി.​ഡ​ബ്ല്യു.​ഡി പ​ണി നി​ര്‍ത്തി​വെ​പ്പി​ക്കു​ക​യാ​യി​രു​ന്നു. യൂ​നി​യ​ന്‍ ബാ​ങ്കി​ന് സ​മീ​പ​ത്തെ ത്രീ ​സ്റ്റാ​ര്‍ ഹോ​ട്ട​ലി​ലെ വെ​ള്ള​ക്കെ​ട്ട് ഒ​ഴി​വാ​ക്കാ​നും മ​ലി​ന​ജ​ലം ഒ​ഴു​ക്കാ​നു​മാ​ണ് കാ​ന നി​ര്‍മാ​ണ​മെ​ന്ന്​ ആ​ക്ഷേ​പ​മു​ണ്ട്. വെ​ല്‍ഫെ​യ​ര്‍ പാ​ര്‍ട്ടി​യു​ടെ നേ​തൃ​ത്വ​ത്തി​ല്‍ ബു​ധ​നാ​ഴ്ച പി.​ഡ​ബ്ല്യു.​ഡി ഓ​ഫി​സി​ന് മു​ന്നി​ല്‍ ധ​ര്‍ണ ന​ട​ത്തു​ക​യും അ​ധി​കൃ​ത​ര്‍ക്ക് പ​രാ​തി ന​ല്‍കു​ക​യും ചെ​യ്ത​തോ​ടെ വെ​ള്ളി​യാ​ഴ്ച രാ​വി​ലെ 11ന് ​പൂ​ര്‍വ​സ്ഥി​തി​യി​ലാ​ക്കാ​ന്‍ പി.​ഡ​ബ്ല്യു.​ഡി എ​ക്‌​സി​ക്യൂ​ട്ടി​വ് എ​ൻ​ജി​നീ​യ​ര്‍ സ്ഥാ​പ​ന​ത്തി​ന് നോ​ട്ടീ​സ് ന​ല്‍കി. ഇ​ക്കാ​ര്യം ന​ട​പ്പാ​ക്കി​യി​ട്ടി​ല്ലെ​ന്നും ഇ​തു​സം​ബ​ന്ധി​ച്ച് പൊ​തു​മ​രാ​മ​ത്ത് സെ​ക്ര​ട്ട​റി​ക്ക് റി​പ്പോ​ര്‍ട്ട് ന​ല്‍കു​മെ​ന്നും ഒ​ന്ന​ര​ല​ക്ഷ​ത്തി​ന് മു​ക​ളി​ല്‍ ന​ഷ്ടം സം​ഭ​വി​ച്ചി​ട്ടു​ണ്ടെ​ന്നും അ​സി. എ​ക്‌​സി​ക്യൂ​ട്ടി​വ് എ​ൻ​ജി​നീ​യ​ര്‍ അ​റി​യി​ച്ചു. വൈ​കീ​ട്ട് പി.​ഡ​ബ്ല്യു.​ഡി​യു​ടെ നേ​തൃ​ത്വ​ത്തി​ല്‍ പ​ണി ആ​രം​ഭി​ച്ചു.

വെ​ട്ടി​പ്പൊ​ളി​ച്ച ഭാ​ഗം നി​ര്‍മാ​ണം ആ​രം​ഭി​ച്ച​തി​ല്‍ വെ​ല്‍ഫെ​യ​ര്‍ പാ​ര്‍ട്ടി അ​ഭി​വാ​ദ്യ​മ​ര്‍പ്പി​ച്ചു. മ​ണ്ഡ​ലം നേ​താ​ക്ക​ളാ​യ ഇ. ​ബാ​വ​ക്കു​ഞ്ഞ്, പി.​എ. സി​ദ്ദീ​ഖ്, ടി.​എം. മു​ഹ​മ്മ​ദ്കു​ഞ്ഞ്, പി.​എ​ച്ച്. നി​സാ​ര്‍, എം.​എം. റ​ഫീ​ഖ്, ആ​ദം അ​സീ​സ്, സു​ധീ​ര്‍, റ​ഫീ​ഖ് ബാ​വ, അ​ന​ഫ് അ​ലി, ഇ.​വി. ഷ​മീ​ര്‍, കെ.​എം. ഇ​ക്ബാ​ല്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.