കുളമ്പുരോഗം പടരുന്നു; ആവശ്യമായ ചികിത്സ ലഭ്യമാക്കുന്നില്ലെന്ന്​ പരാതി

പെ​രു​മ്പാ​വൂ​ര്‍: ക്ഷീ​ര​വ​കു​പ്പി​ന് കീ​ഴി​ലു​ള്ള കൂ​വ​പ്പ​ടി ബ്ലോ​ക്ക് പ​രി​ധി​യി​ലെ കൂ​വ​പ്പ​ടി, ഒ​ക്ക​ല്‍ രാ​യ​മം​ഗ​ലം, മു​ട​ക്കു​ഴ, പെ​രു​മ്പാ​വൂ​ര്‍ ന​ഗ​ര​സ​ഭ എ​ന്നീ ത​ദ്ദേ​ശ സ്ഥാ​പ​ന​ങ്ങ​ളു​ടെ പ​രി​ധി​യി​ലെ മൃ​ഗ​ങ്ങ​ള്‍ക്ക് കു​ള​മ്പുരോ​ഗം പ​ട​ര്‍ന്നു​പി​ടി​ക്കു​ന്ന​താ​യി ബി.​ജെ.​പി പെ​രു​മ്പാ​വൂ​ര്‍ മ​ണ്ഡ​ലം ക​മ്മി​റ്റി ആ​രോ​പി​ച്ചു. ക​റ​വ​യു​ള്ള പ​ശു​ക്ക​ളി​ലാ​ണ്​ കൂ​ടു​ത​ലാ​യും രോ​ഗം ക​ണ്ടു​വ​രു​ന്ന​ത്. മൃ​ഗാ​ശു​പ​ത്രി​ക​ളി​ൽ ചെ​ല്ലു​ന്ന ക​ര്‍ഷ​ക​രെ പ​നി​യാ​ണെ​ന്ന് തെ​റ്റി​ദ്ധ​രി​പ്പി​ക്കു​ക​യാ​ണ്. രോ​ഗ ല​ക്ഷ​ണ​ങ്ങ​ള്‍ കാ​ണു​മ്പോ​ള്‍ പ​ല​പ്പോ​ഴും മ​റ്റ് സ്ഥ​ല​ങ്ങ​ളി​ല്‍നി​ന്ന്​ ഡോ​ക്ട​ര്‍മാ​രെ വി​ളി​ച്ചു​വ​രു​ത്തി ചി​കി​ത്സ ന​ട​ത്തേ​ണ്ട അ​വ​സ്ഥ​യാ​ണ്. ഇ​ത് ക​ര്‍ഷ​ക​ര്‍ക്ക് ന​ഷ്ടം വ​രു​ത്തു​ക​യാ​ണ്.

മൃ​ഗാ​ശു​പ​ത്രി​ക​ളി​ല്‍ മാ​സ​ങ്ങ​ളാ​യി മ​രു​ന്നി​ല്ല. ആ​ശു​പ​ത്രി​ക​ളി​ല്‍നി​ന്ന് മ​രു​ന്ന് പു​റ​മേ​ക്ക് എ​ഴു​തി കൊ​ടു​ക്കു​ക​യാ​ണ്. ഡോ​ക്ട​റെ വീ​ടു​ക​ളി​ലേ​ക്ക് എ​ത്തി​ക്കു​മ്പോ​ള്‍ ഓ​രോ ത​വ​ണ​യും 500ല്‍ ​പ​രം രൂ​പ ക​ര്‍ഷ​ക​ന് ന​ഷ്ട​മാ​കു​ന്നു. നി​ല​വി​ല്‍ പ​ശു​ക്ക​ളെ വി​റ്റ് ക​ട ബാ​ധ്യ​ത​യി​ല്‍ നി​ന്ന് ര​ക്ഷ​പ്പെ​ടു​ക​യാ​ണ് ക​ര്‍ഷ​ക​ര്‍. പ​ഞ്ചാ​യ​ത്തു​ക​ളി​ല്‍ ക്ഷീ​ര വി​ക​സ​ന​ത്തി​ന് ക​മ്മി​റ്റി​ക​ളു​ണ്ടെ​ങ്കി​ലും പ്ര​വ​ര്‍ത്ത​ന​മി​ല്ലെ​ന്നും പ്ര​ശ്ന​ത്തി​ന് പ​രി​ഹാ​രം ക​ണ്ടി​ല്ലെ​ങ്കി​ല്‍ സ​മ​ര പ​രി​പാ​ടി​ക​ളു​മാ​യി മു​ന്നോ​ട്ടു​പോ​കു​മെ​ന്നും നേ​താ​ക്ക​ള്‍ അ​റി​യി​ച്ചു.