വിവരാവകാശ കമീഷണറുടെ ഉത്തരവ് അനുസരിക്കാതെ വനം വകുപ്പ്

പെ​രു​മ്പാ​വൂ​ര്‍: മു​ഖ്യ വി​വ​രാ​വ​കാ​ശ ക​മീ​ഷ​ണ​ര്‍ ഉ​ത്ത​ര​വി​ട്ടി​ട്ടും മ​റു​പ​ടി ന​ല്‍കാ​തെ കോ​ട​നാ​ട് വ​നം വ​കു​പ്പ് അ​ധി​കൃ​ത​ര്‍ ലം​ഘ​നം ന​ട​ത്തു​ന്ന​താ​യി ആ​ക്ഷേ​പം. മ​ല​യാ​റ്റൂ​ര്‍ ഫോ​റ​സ്റ്റ്​ ഡി​വി​ഷ​ന്​ കീ​ഴി​ല്‍ കാ​ട്ടാ​ന​ശ​ല്യം ത​ട​യാ​നും കാ​ട്ടു​തീ ത​ട​യാ​നും ക​ഴി​ഞ്ഞ അ​ഞ്ചു കൊ​ല്ല​ത്തി​നി​ട​യി​ല്‍ സ്വീ​ക​രി​ച്ച ന​ട​പ​ടി​ക​ളും ഇ​തി​നാ​യി ചെ​ല​വ​ഴി​ച്ച തു​ക​യു​ടെ ക​ണ​ക്കും ആ​വ​ശ്യ​പ്പെ​ട്ട് വെ​ല്‍ഫെ​യ​ര്‍ പാ​ര്‍ട്ടി ജി​ല്ല ക​മ്മി​റ്റി അം​ഗം തോ​മ​സ് കെ. ​ജോ​ര്‍ജ് 2021 ജ​നു​വ​രി​യി​ല്‍ അ​പേ​ക്ഷ ന​ല്‍കി​യി​രു​ന്നു.

ഇ​തി​ന് കോ​ട​നാ​ട് വ​നം വ​കു​പ്പ് മ​റു​പ​ടി ന​ല്‍കാ​ത്ത​തി​നെ തു​ട​ര്‍ന്ന് സം​സ്ഥാ​ന മു​ഖ്യ വി​വ​രാ​വ​കാ​ശ ക​മീ​ഷ​ണ​റെ സ​മീ​പി​ച്ചി​രു​ന്നു. ഡി​സം​ബ​റി​ല്‍ ന​ല്‍കി​യ ഉ​ത്ത​ര​വി​ല്‍ വി​ശ​ദ​മാ​യ റി​പ്പോ​ര്‍ട്ട് ബ​ന്ധ​പ്പെ​ട്ട രേ​ഖ​ക​ളു​ടെ പ​ക​ര്‍പ്പ് സ​ഹി​തം ക​മീ​ഷ​ന്‍ മു​മ്പാ​കെ സ​മ​ര്‍പ്പി​ക്കാ​ന്‍ ഡി.​എ​ഫ്.​ഒ​ക്ക് നി​ർ​​ദേ​ശം ന​ല്‍കി​യി​രു​ന്നു. വി​വ​രാ​വ​കാ​ശ നി​യ​മ​ത്തി​ലെ വ്യ​വ​സ്ഥ​ക​ളും നി​ർ​ദേ​ശ​ങ്ങ​ളും യ​ഥാ​വി​ധി ന​ട​പ്പാ​ക്കി​യി​ട്ടു​ണ്ടൊ എ​ന്ന വി​വ​രം കൂ​ടി റി​പ്പോ​ര്‍ട്ടി​ല്‍ ഉ​ള്‍പ്പെ​ടു​ത്ത​ണ​മെ​ന്നും നി​ർ​ദേ​ശി​ച്ചി​രു​ന്നു. 2021 ഡി​സം​ബ​ര്‍ മൂ​ന്നി​ന് പു​റ​പ്പെ​ടു​വി​ച്ച ഉ​ത്ത​ര​വി​ല്‍ മ​ട​ക്ക ത​പാ​ലി​ല്‍ ക​മീ​ഷ​നും പ​രാ​തി​ക്കാ​ര​നും റി​പ്പോ​ര്‍ട്ട് ല​ഭ്യ​മാ​ക്ക​ണ​മെ​ന്ന് നി​ര്‍ദേ​ശി​ച്ചി​രു​ന്നു​വെ​ങ്കി​ലും ഒ​ന്ന​ര മാ​സം ക​ഴി​ഞ്ഞി​ട്ടും റി​പ്പോ​ര്‍ട്ട് ല​ഭ്യ​മാ​യി​ട്ടി​ല്ല.