പെരുമ്പാവൂര്‍-കാലടി റോഡില്‍ സീബ്രാലൈൻ ഇല്ല; കാല്‍നടക്കാര്‍ പ്രതിസന്ധിയിൽ

പെ​രു​മ്പാ​വൂ​ര്‍: കാ​ല്‍ന​ട​ക്കാ​ര്‍ക്ക് റോ​ഡ് മു​റി​ച്ചു​ക​ട​ക്കാ​ന്‍ സം​വി​ധാ​ന​ങ്ങ​ള്‍ ഇ​ല്ലാ​ത്ത​ത് പ്ര​തി​സ​ന്ധി​യാ​യി മാ​റു​ന്നു. എം.​സി റോ​ഡി​ലും എ.​എം റോ​ഡി​ലെ​യും പ്ര​ധാ​ന ജ​ങ്ഷ​നു​ക​ളി​ലാ​ണ് കാ​ല്‍ന​ട​ക്കാ​ര്‍ ബു​ദ്ധി​മു​ട്ടു​ന്ന​ത്.

പ​ട്ട​ണ​ത്തി​ലെ ഏ​റ്റ​വും തി​ര​ക്കു​ള്ള ഔ​ഷ​ധി ജ​ങ്ഷ​നി​ല്‍ യാ​ത്ര​ക്കാ​ര്‍ ഇ​രു വ​ശ​ത്തേ​ക്കും ക​ട​ക്കാ​ന്‍ പ്ര​യാ​സ​പ്പെ​ടു​ക​യാ​ണ്. വ​ട​ക്ക​ന്‍ മേ​ഖ​ല​യി​ല്‍നി​ന്നു​ള്ള ദീ​ര്‍ഘ​ദൂ​ര ബ​സു​ക​ളും അ​ങ്ക​മാ​ലി, കാ​ല​ടി ഭാ​ഗ​ങ്ങ​ളി​ല്‍നി​ന്നു​ള​ള സ്വ​കാ​ര്യ ബ​സു​ക​ളും നി​ര്‍ത്തു​ന്ന സ്ഥ​ല​ത്ത് റോ​ഡ് മു​റി​ച്ചു​ക​ട​ക്കാ​ന്‍ ആ​ളു​ക​ള്‍ ഏ​റെ സ​മ​യം കാ​ത്തു​നി​ല്‍ക്കു​ക​യാ​ണെ​ന്ന് ഇ​വി​ട​ത്തെ വ്യാ​പാ​രി​ക​ള്‍ പ​റ​യു​ന്നു.

ന​ട​ക്കാ​ന്‍ ബു​ദ്ധി​മു​ട്ടു​ള്ള​വ​രും രോ​ഗി​ക​ളും പ​ല​പ്പോ​ഴും ക​ഷ്ട​പ്പെ​ടു​ന്ന സാ​ഹ​ച​ര്യ​മാ​ണ്. ഭൂ​രി​പ​ക്ഷം ഡ്രൈ​വ​ര്‍മാ​രും കാ​ല്‍ന​ട​ക്കാ​ര്‍ക്ക് പ​രി​ഗ​ണ​ന ന​ല്‍കാ​റി​ല്ല. പെ​രു​മ്പാ​വൂ​ര്‍-​കാ​ല​ടി റോ​ഡി​ല്‍ പ​ല ഭാ​ഗ​ത്തും സീ​ബ്രാ​ലൈ​നു​ക​ള്‍ ഇ​ല്ല. ഉ​ണ്ടാ​യി​രു​ന്ന​ത് മാ​ഞ്ഞ് കാ​ണാ​നാ​കാ​ത്ത നി​ല​യി​ലാ​ണ്. ക​ടു​വാ​ളി​ല്‍ ക്രി​സ്റ്റ​ല്‍ സൂ​പ്പ​ര്‍ മാ​ര്‍ക്ക​റ്റി​ന് മു​ന്നി​ലും കാ​ഞ്ഞി​ര​ക്കാ​ട് ജ​ങ്ഷ​നും പ​ള്ളി​പ്പ​ടി​ക്കും മ​ധ്യ​ത്തി​ലു​ള്ള സ്ഥ​ല​ത്തും മാ​ഞ്ഞ് പോ​കാ​ത്ത രീ​തി​യി​ല്‍ ഒ​രു​ക്കി​യി​രി​ക്കു​ന്ന വ​ര​ക​ള്‍ ഒ​ഴി​കെ മ​റ്റെ​ല്ലാം അ​പ്ര​ത്യ​ക്ഷ​മാ​ണ്.

ക​ടു​വാ​ള്‍ ജ​ങ്ഷ​ന്‍, സെ​ന്റ് ജോ​ര്‍ജ് പ​ള്ളി​യു​ടെ മു​ന്‍വ​ശം, കാ​ഞ്ഞി​ര​ക്കാ​ട് ജ​ങ്ഷ​ന്‍, പ​ള്ളി​പ്പ​ടി, വ​ല്ലം-​ചൂ​ണ്ടി മ​സ്ജി​ദി​ന് സ​മീ​പം എ​ന്നി​വി​ട​ങ്ങ​ളി​ലെ​ല്ലാം വ​ര​ക​ള്‍ മാ​ഞ്ഞു. ഏ​റ്റ​വും അ​പ​ക​ട സാ​ധ്യ​ത​യു​ള്ള​തും നി​ര​വ​ധി കാ​ല്‍ന​ട​ക്കാ​ര്‍ റോ​ഡ് മു​റി​ച്ചു​ക​ട​ക്കു​ന്ന​തു​മാ​യ സ്ഥ​ല​ങ്ങ​ളാ​ണ് ഇ​വ.

രാ​ത്രി​യും പ​ക​ലും ഗ​താ​ഗ​ത​ക്കു​രു​ക്കു​ള്ള വ​ല്ലം ജ​ങ്ഷ​നി​ല്‍ കാ​ല്‍ന​ട​ക്കാ​രു​ടെ ജീ​വ​ന് ഒ​രു വി​ല​യും ക​ല്‍പി​ക്കാ​ത്ത രീ​തി​യി​ലാ​ണ് വാ​ഹ​ന​ങ്ങ​ള്‍ ക​ട​ന്നു​പോ​കു​ന്ന​ത്. റോ​ഡി​ന് അ​പ്പു​റം എ​ത്ത​ണ​മെ​ങ്കി​ല്‍ ട്രാ​ഫി​ക് പൊ​ലീ​സു​കാ​ര്‍ ക​നി​യ​ണ​മെ​ന്ന സ്ഥി​തി​യാ​ണെ​ന്ന് നാ​ട്ടു​കാ​ര്‍ ചൂ​ണ്ടി​ക്കാ​ട്ടു​ന്നു. മൂ​ന്ന് റോ​ഡു​ക​ള്‍ സ​ന്ധി​ക്കു​ന്ന ജ​ങ്ഷ​നും അ​പ​ക​ട മേ​ഖ​ല​യും എ​ന്ന നി​ല​ക്ക് ഇ​വി​ടെ കാ​ല്‍ന​ട​ക്കാ​ര്‍ക്കും ഇ​രു​ച​ക്ര വാ​ഹ​ന​ങ്ങ​ള്‍ക്കും സ​ഞ്ച​രി​ക്കാ​നു​ള്ള സൗ​ക​ര്യം ഒ​രു​ക്ക​ണ​മെ​ന്ന ആ​വ​ശ്യം നി​ല​നി​ല്‍ക്കെ സീ​ബ്രാ​ലൈ​നു​ക​ള്‍പോ​ലും ഒ​രു​ക്കാ​തെ അ​ധി​കൃ​ത​ര്‍ അ​വ​ഗ​ണി​ക്കു​ക​യാ​ണെ​ന്ന് ആ​ക്ഷേ​പ​മു​ണ്ട്.

ക​ടു​വാ​ളി​ലെ അ​ന്ന​പൂ​ര്‍ണ ഹോ​ട്ട​ലി​ന് സ​മീ​പം ബ്രോ​ഡ് വേ ​എം.​സി റോ​ഡി​ല്‍ ചേ​രു​ന്ന ഭാ​ഗ​ത്ത് സീ​ബ്രാ​ലൈ​ന്‍ വേ​ണ​മെ​ന്ന ആ​വ​ശ്യം പ​രി​ഗ​ണി​ക്ക​പ്പെ​ട്ടി​ട്ടി​ല്ല. അ​മൃ​ത സ്‌​കൂ​ളി​ലേ​ക്കും മ​റ്റും കു​ട്ടി​ക​ളും വാ​ഹ​ന​ങ്ങ​ളും പോ​കു​ന്ന ജ​ങ്ഷ​നാ​ണി​ത്. കാ​ല്‍ന​ട​ക്കാ​രു​ടെ സു​ര​ക്ഷ​ക്ക് പ്രാ​ധാ​ന്യം ന​ല്‍കു​ന്ന ഗ​താ​ഗ​ത​സം​വി​ധാ​നം ഒ​രു​ക്ക​ണ​മെ​ന്ന ആ​വ​ശ്യം വ്യാ​പ​ക​മാ​ണ്.