ഉദ്ഘാടനം കഴിഞ്ഞിട്ടും തുറക്കാതെ

പെ​രു​മ്പാ​വൂ​ര്‍: താ​ലൂ​ക്ക് ആ​ശു​പ​ത്രി​യു​ടെ ഒ.​പി ബ്ലോ​ക്ക് തു​റ​ന്നു​കൊ​ടു​ക്കാ​ത്ത​തു​കൊ​ണ്ട് രോ​ഗി​ക​ള്‍ ദു​രി​ത​ത്തി​ല്‍. ഉ​ദ്ഘാ​ട​നം ക​ഴി​ഞ്ഞ് മാ​സ​ങ്ങ​ള്‍ പി​ന്നി​ട്ടി​ട്ടും തു​റ​ന്നു കൊ​ടു​ക്കാ​ത്ത​ത് അ​ധി​കൃ​ത​രു​ടെ അ​നാ​സ്ഥ​യാ​ണെ​ന്നാ​ണ് ആ​ക്ഷേ​പം. ഒ​രു കോ​ടി​യോ​ളം ചെ​ല​വ​ഴി​ച്ച് നി​ര്‍മി​ച്ച കെ​ട്ടി​ട​മു​ണ്ടാ​യി​ട്ടും രോ​ഗി​ക​ള്‍ വെ​യി​ലും മ​ഴ​യും കൊ​ള്ളേ​ണ്ട അ​വ​സ്ഥ​യാ​ണ്.

ഡോ​ക്ട​ര്‍മാ​ര്‍ പ​രി​ശോ​ധ​ന ന​ട​ത്തു​ന്ന​തൊ​ഴി​കെ ചീ​ട്ടും മ​രു​ന്നും കൊ​ടു​ക്കു​ന്ന​തും ബി​ല്‍ അ​ട​ക്കു​ന്ന​തു​മാ​യ പ്ര​ധാ​ന കാ​ര്യ​ങ്ങ​ളെ​ല്ലാം പ​ഴ​യ കെ​ട്ടി​ട​ത്തി​ലാ​ണ്. മ​നോ​ഹ​ര​മാ​യ ക​വാ​ടം ഒ​രു​ക്കി​യി​ട്ടു​ണ്ടെ​ങ്കി​ലും കെ​ട്ടി​ട​ത്തി​ന്റെ മു​ന്‍വ​ശം തു​റ​ന്നു​കൊ​ടു​ത്തി​ട്ടി​ല്ല.

പ​ഴ​യ വാ​ര്‍ഡി​ന് സ​മീ​പ​ത്താ​ണ് അ​ത്യാ​ഹി​ത വി​ഭാ​ഗം പ്ര​വ​ര്‍ത്തി​ക്കു​ന്ന​ത്. പ​ക​ര്‍ച്ച വ്യാ​ധി​ക​ള്‍ പ​ട​ര്‍ന്നു​പി​ടി​ക്കു​ന്ന സ​മ​യ​ത്ത് ഇ​വി​ടെ എ​ത്തു​ന്ന​വ​ര്‍ക്ക് യാ​തൊ​രു സു​ര​ക്ഷ​യു​മി​ല്ല. അ​ത്യാ​ഹി​ത വി​ഭാ​ഗ​ത്തി​ലെ ഡോ​ക്ട​ര്‍ ഇ​രി​ക്കു​ന്ന​യി​ട​വും ന​ഴ്‌​സ് റൂ​മും പ​രാ​ധീ​ന​ത​ക​ള്‍ക്ക് ന​ടു​വി​ലാ​ണ്. പോ​സ്റ്റു​മോ​ര്‍ട്ടം ബ്ലോ​ക്കി​ന് സ​മീ​പ​ത്ത് ആ​ളു​ക​ള്‍ക്ക് നി​ല്‍ക്കാ​ന്‍ ഒ​രു സൗ​ക​ര്യ​വു​മി​ല്ല. മ​രു​ന്നു​ക​ള്‍ സൂ​ക്ഷി​ച്ചി​രി​ക്കു​ന്ന​ത് സു​ര​ക്ഷി​ത​മ​ല്ലെ​ന്ന ആ​ക്ഷേ​പം നി​ല​നി​ല്‍ക്കു​ക​യാ​ണ്.

പ​ഴയ കെ​ട്ടി​ട​ങ്ങ​ള്‍ പു​ന​ര്‍നി​ര്‍മി​ക്കേ​ണ്ട സ​മ​യം പി​ന്നി​ട്ടി​ട്ടും തു​ട​ങ്ങി​വെ​ച്ച​ത് പൂ​ര്‍ത്തി​യാ​ക്കാ​ത്ത​ത് കെ​ടു​കാ​ര്യ​സ്ഥ​ത​യാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്നു. ഫ​ണ്ടി​ന്റെ അ​പ​ര്യാ​പ​ത മൂ​ലം പ​ണി​ക​ള്‍ നി​ല​ച്ചി​രി​ക്കു​ക​യാ​ണ്. ആ​ദ്യ​ഘ​ട്ട​ത്തി​ലെ തു​ക ല​ഭി​ച്ചി​ട്ടി​ല്ലെ​ന്ന് ക​രാ​റു​കാ​ര​ന്‍ പ​റ​യു​ന്നു. പ​ല​പ്പോ​ഴും ആ​വ​ശ്യ​ത്തി​ന് ഡോ​ക്ട​ര്‍മാ​രി​ല്ലാ​ത്ത​തും രോ​ഗി​ക​ളെ വ​ല​ക്കു​ന്നു.