ഗതാഗതംമുടക്കി റോഡിലെ ‘കുളം’

പെ​രു​മ്പാ​വൂ​ര്‍: പ്ര​ധാ​ന റോ​ഡി​ലെ കു​ഴി അ​പ​ക​ട​ത്തി​നും ന​ഗ​ര​ത്തി​ലെ ഗ​താ​ഗ​ത​ക്കു​രു​ക്കി​നും കാ​ര​ണ​മാ​കു​ന്നു. കാ​ല​ടി ഭാ​ഗ​ത്തു​നി​ന്നു​ള്ള ഭാ​ര​വാ​ഹ​ന​ങ്ങ​ള്‍ ഔ​ഷ​ധി ജ​ങ്ഷ​നു​മു​മ്പ് വ​ണ്‍വേ തി​രി​ഞ്ഞു​പോ​കു​ന്ന ജി.​കെ. പി​ള്ള റോ​ഡ് അ​വ​സാ​നി​ക്കു​ന്ന കു​ഴു​പ്പി​ള്ളി​ക്കാ​വി​നു​മു​ന്നി​ലെ സി​വി​ല്‍ സ​പ്ലൈ​സ് മാ​ര്‍ക്ക​റ്റി​ന് സ​മീ​പ​ത്താ​ണ് വ​ലി​യ ഗ​ര്‍ത്തം രൂ​പ​പ്പെ​ട്ട് വെ​ള്ളം നി​റ​ഞ്ഞ് ‘കു​ള​മാ​യി’​ക്കി​ട​ക്കു​ന്ന​ത്.

ജി.​കെ. പി​ള്ള റോ​ഡ് മാ​സ​ങ്ങ​ള്‍ക്കു​മു​മ്പാ​ണ് അ​റ്റ​കു​റ്റ​പ്പ​ണി ന​ട​ത്തി​യ​ത്. ഇ​പ്പോ​ള്‍ ത​ക​ര്‍ന്ന ഭാ​ഗ​വും അ​ന്ന് ന​ന്നാ​ക്കി​യി​രു​ന്നു. ടാ​റും ടൈ​ലു​ക​ളും ഇ​ള​കി മ​ഴ​വെ​ള്ളം കെ​ട്ടി​ക്കി​ട​ന്ന് വാ​ഹ​ന​ങ്ങ​ള്‍ക്ക് ക​ട​ന്നു​പോ​കാ​നാ​കാ​ത്ത സ്ഥി​തി​യാ​ണ്. ബ​സ് ഒ​ഴി​കെ​യു​ള്ള ഭാ​ര​വാ​ഹ​ന​ങ്ങ​ള്‍ എ.​എം റോ​ഡി​ലേ​ക്ക് തി​രി​ച്ചു​വി​ടു​ന്ന റോ​ഡാ​ണി​ത്. പ​ല​പ്പോ​ഴും ഇ​രു​ച​ക്ര വാ​ഹ​ന​ങ്ങ​ള്‍ കു​ഴി​യി​ല്‍ വീ​ണ്​ അ​പ​ക​ട​മു​ണ്ടാ​കു​ന്നു​ണ്ട്.

ഓ​ട്ടോ​റി​ക്ഷ, കാ​ര്‍ ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ള്‍ക്ക് ക​ട​ന്നു​പോ​കാ​ന്‍ ബു​ദ്ധി​മു​ട്ടാ​ണ്. ഈ ​ഭാ​ഗ​ത്ത് വാ​ഹ​ന​ങ്ങ​ള്‍ നി​ര​യാ​യി​ക്കി​ട​ക്കു​ന്ന​ത് എ.​എം റോ​ഡി​ല്‍ പോ​ലും ഗ​താ​ഗ​ത​ക്കു​രു​ക്കി​ന് കാ​ര​ണ​മാ​കു​ന്നു​ണ്ട്. ഭാ​ര​വാ​ഹ​ന​ങ്ങ​ള്‍ ക​ട​ന്നു​പോ​കു​ന്ന​ത് ക​ണ​ക്കി​ലെ​ടു​ത്തു​ള്ള നി​ര്‍മാ​ണ​മ​ല്ലാ​ത്ത​തു​കൊ​ണ്ടാ​ണ് കു​ഴി രൂ​പ​പ്പെ​ട്ട​തെ​ന്നും അ​മി​ത​ഭാ​രം താ​ങ്ങാ​ന്‍ ഉ​റ​പ്പി​ല്ലാ​ത്ത ക​ട്ട​ക​ളാ​ണ് നി​ര​ത്തി​യി​രി​ക്കു​ന്ന​തെ​ന്നും ആ​ക്ഷേ​പ​മു​ണ്ട്.

ക​ട്ട വി​രി​ക്കും​മു​മ്പ് പ്ര​ത​ലം ബ​ല​പ്പെ​ടു​ത്താ​ത്ത​തും ത​ക​ര്‍ച്ച​ക്ക് കാ​ര​ണ​മാ​ണ്. പ്ര​ത​ലം ഉ​റ​പ്പി​ച്ച​ശേ​ഷം കൂ​ടു​ത​ല്‍ ബ​ല​മു​ള്ള ക​ട്ട​ക​ള്‍ നി​ര​ത്തി​യാ​ല്‍ റോ​ഡ് ത​ക​രി​ല്ലെ​ന്ന് ചൂ​ണ്ടി​ക്കാ​ട്ട​പ്പെ​ടു​ന്നു. മേ​ല്‍നോ​ട്ടം വ​ഹി​ക്കു​ന്ന ഉ​ദ്യോ​ഗ​സ്ഥ​രു​ടെ ഇ​ട​പെ​ട​ല്‍ ഇ​ല്ലാ​ത്ത​താ​ണ് അ​പാ​ക​ത​ക്ക് കാ​ര​ണ​മെ​ന്നാ​ണ് ആ​രോ​പ​ണം.