ജലക്ഷാമം രൂക്ഷം; ജനപ്രതിനിധികള്‍ പെരിയാര്‍വാലി ഓഫിസ് ഉപരോധിച്ചു

പെ​രു​മ്പാ​വൂ​ർ: കു​ടി​വെ​ള്ള ക്ഷാ​മം രൂ​ക്ഷ​മാ​യ​തി​നെ തു​ട​ർ​ന്ന്​ മു​ട​ക്കു​ഴ പ​ഞ്ചാ​യ​ത്തം​ഗ​ങ്ങ​ൾ പെ​രി​യാ​ർ​വാ​ലി ഓ​ഫി​സ് ഉ​പ​രോ​ധി​ച്ചു. പു​ഴ​യി​ലും തോ​ടു​ക​ളി​ലും വെ​ള്ള​മി​ല്ലാ​ത്ത​തി​നാ​ൽ കി​ണ​റു​ക​ൾ വ​റ്റി​വ​ര​ണ്ട സ്ഥി​തി​യി​ൽ മെ​യി​ൻ ക​നാ​ലു​ക​ളി​ൽ​നി​ന്ന്​ വെ​ള്ളം തു​റ​ന്നു​വി​ടാ​ത്ത​തി​ൽ പ്ര​തി​ഷേ​ധി​ച്ചാ​യി​രു​ന്നു പ​ട്ടാ​ലി​ലെ പെ​രി​യാ​ർ​വാ​ലി ഓ​ഫി​സ് ഉ​പ​രോ​ധി​ച്ച​ത്.

ഓ​ണ​ത്തി​നു മു​മ്പ് ഒ​രു​ദി​വ​സ​മെ​ങ്കി​ലും വെ​ള്ളം തു​റ​ന്നു​വി​ട്ട് കു​ടി​വെ​ള്ള ക്ഷാ​മ​ത്തി​ന് പ​രി​ഹാ​രം കാ​ണ​ണ​മെ​ന്ന് ജ​ന​പ്ര​തി​നി​ധി​ക​ൾ അ​സി. എ​ൻ​ജി​നീ​യ​ർ പി. ​സീ​ന​യോ​ട് ആ​വ​ശ്യ​പ്പെ​ട്ടു.

ചൂ​ര​മു​ടി, വ​ക്കു​വ​ള്ളി, മു​ട​ക്കു​ഴ അ​ട​ക്ക​മു​ള്ള സ്ഥ​ല​ങ്ങ​ളി​ൽ വെ​ള്ള​മി​ല്ല. പ​ഞ്ചാ​യ​ത്തി​ൽ​നി​ന്ന് ടാ​ങ്ക​ർ ലോ​റി​ക​ളി​ൽ വെ​ള്ളം കൊ​ടു​ക്ക​ണ​മെ​ങ്കി​ൽ ക​ല​ക്ട​റു​ടെ അ​നു​വാ​ദം കി​ട്ടി ക​രാ​ർ വെ​ക്കാ​ൻ കാ​ല​താ​മ​സം വ​രും.

പ​ഞ്ചാ​യ​ത്ത് പ്ര​സി​ഡ​ന്റ് പി.​പി. അ​വ​റാ​ച്ച​ന്റെ നേ​തൃ​ത്വ​ത്തി​ൽ വൈ​സ് പ്ര​സി​ഡ​ന്റ്​ ഡോ​ളി ബാ​ബു, സ്ഥി​രം​സ​മി​തി അ​ധ്യ​ക്ഷ​രാ​യ ജോ​സ് എ. ​പോ​ൾ, വ​ത്സ വേ​ലാ​യു​ധ​ൻ, റോ​ഷ്‌​നി എ​ൽ​ദോ, സോ​മി ബി​ജു എ​ന്നി​വ​ർ ഉ​പ​രോ​ധ​ത്തി​ൽ പ​ങ്കെ​ടു​ത്തു.

ക​ല​ക്ട​റു​മാ​യി ആ​ലോ​ചി​ച്ച് പ​രി​ഹാ​രം കാ​ണു​മെ​ന്ന് ഉ​ദ്യോ​ഗ​സ്ഥ അ​റി​യി​ച്ച​താ​യി പ്ര​സി​ഡ​ന്റ് പ​റ​ഞ്ഞു.