ലോറിയിലെത്തിച്ച പ്ലാസ്റ്റിക്​ മാലിന്യം പുഴയോരത്ത്​ കത്തിച്ചു

ദേ​ശം: സാ​മൂ​ഹി​ക വി​രു​ദ്ധ​ർ ലോ​റി​യി​ലെ​ത്തി​ച്ച പ്ലാ​സ്റ്റി​ക്​ മാ​ലി​ന്യം പു​ഴ​ത്തീ​ര​ത്ത് ​ത​ള്ളി തീ​യി​ട്ട​തി​ൽ വ്യാ​പ​ക പ്ര​തി​ഷേ​ധം. ദേ​ശം-​കാ​ല​ടി റോ​ഡി​ൽ ചെ​ങ്ങ​മ​നാ​ട് പ​ഞ്ചാ​യ​ത്ത് പ​രി​ധി​യി​ലെ പു​റ​യാ​ർ റെ​യി​ൽ​വേ ഗേ​റ്റി​ൽ നി​ന്ന് തു​രു​ത്തി​ലേ​ക്ക് പോ​കു​ന്ന റോ​ഡ​രി​കി​ലെ പു​ഴ​യോ​ര​വും റെ​യി​ൽ​വെ മേ​ൽ​പാ​ല​ത്തി​ന്‍റെ കീ​ഴ്ഭാ​ഗ​വും ഉ​ൾ​പ്പെ​ട്ട ഭാ​ഗ​ത്താ​ണ് ഞാ​യ​റാ​ഴ്ച വൈ​കീ​ട്ട് ച​ര​ക്ക് വാ​ഹ​ന​ത്തി​ൽ കൊ​ണ്ടു​വ​ന്ന അ​പ്പോ​ൾ​സ​റി സ്പോ​ഞ്ച്, പ്ലാ​സ്റ്റി​ക്, ആ​ക്രി അ​വ​ശി​ഷ്ട​ങ്ങ​ൾ അ​ട​ക്ക​മു​ള്ള​വ കൂ​ട്ടി​യി​ട്ട് ക​ത്തി​ച്ച​ത്. പാ​രി​സ്ഥി​തി​ക പ്ര​ശ്നം സൃ​ഷ്ടി​ക്കു​ന്ന മാ​ലി​ന്യം ആ​ളി​ല്ലാ സ​മ​യ​ത്ത്​ ഇ​വി​ടെ​യെ​ത്തി​ച്ച് ക​ത്തി​ക്കു​ക​യാ​ണ്. നി​രീ​ക്ഷ​ണ ക്യാ​മ​റ​ക​ൾ സ്ഥാ​പി​ക്കാ​ൻ സൗ​ക​ര്യ​മി​ല്ലാ​ത്ത​താ​ണ് സാ​മൂ​ഹി​ക വി​രു​ദ്ധ​ർ​ക്ക് തു​ണ​യാ​കു​ന്ന​ത്. ര​ണ്ടാ​ഴ്ച മു​മ്പ് മാ​ലി​ന്യം ത​ള്ളു​ന്ന​തി​നെ​തി​രെ ‘മാ​ധ്യ​മം’ വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു.

മ​ണി​ക്കൂ​റു​ക​ളോ​ളം ക​ത്തു​ന്ന പ്ലാ​സ്റ്റി​ക് അ​ട​ക്ക​മു​ള്ള മാ​ലി​ന്യ​ത്തി​നാ​ണ്​​ ഞാ​യ​റാ​ഴ്ച തീ​യി​ട്ട​ത്. തീ ​ആ​ളി​പ്പ​ട​ർ​ന്ന് വ​ഴി​യാ​ത്ര​ക്കാ​ർ​ക്കും ട്രെ​യി​ൻ യാ​ത്ര​ക്കാ​ർ​ക്കും വ​രെ ഭീ​ഷ​ണി ഉ​യ​ർ​ത്തി.

റെ​യി​ൽ​വെ​യു​ടെ പ​ല കേ​ബി​ളു​ക​ൾ സ്ഥാ​പി​ച്ചി​ട്ടു​ള​ള ഭാ​ഗ​ത്താ​ണ് തീ​യി​ട്ട​ത്. സം​ഭ​വ​മ​റി​ഞ്ഞ് നാ​ട്ടു​കാ​ർ ത​ടി​ച്ചു​കൂ​ടി. തീ​യ​ണ​ക്കാ​നു​ള്ള നാ​ട്ടു​കാ​രു​ടെ ശ്ര​മം വി​ഫ​ല​മാ​യി.

ഗ്രാ​മ​പ​ഞ്ചാ​യ​ത്ത് അം​ഗ​ങ്ങ​ളാ​യ ന​ഹാ​സ് ക​ള​പ്പു​ര​യി​ൽ, കെ.​ഇ. നി​ഷ എ​ന്നി​വ​ർ സ്ഥ​ല​ത്തെ​ത്തി ജാ​ഗ്ര​ത ന​ട​പ​ടി സ്വീ​ക​രി​ച്ചു. തൊ​ട്ട് പി​റ​കെ റെ​യി​ൽ​വേ പൊ​ലീ​സും, ആ​ലു​വ അ​ഗ്നി ര​ക്ഷ സേ​ന​യു​മെ​ത്തി. സേ​ന തീ​യ​ണ​ച്ച് പോ​യെ​ങ്കി​ലും വീ​ണ്ടും തീ ​ഉ​യ​ർ​ന്നു.

അ​തോ​ടെ അ​ങ്ക​മാ​ലി അ​ഗ്നി ര​ക്ഷ​സേ​ന​യു​മെ​ത്തി രാ​ത്രി 9.30ഓ​ടെ​യാ​ണ് തീ​യ​ണ​ച്ച​ത്. മാ​ലി​ന്യം ത​ള്ളു​ന്ന​വ​രെ ക​ണ്ടെ​ത്താ​ൻ വ​രും​ദി​വ​സ​ങ്ങ​ളി​ൽ ശ​ക്ത​മാ​യ ന​ട​പ​ടി സ്വീ​ക​രി​ക്കു​മെ​ന്ന് പ​ഞ്ചാ​യ​ത്ത് അം​ഗ​ങ്ങ​ൾ അ​റി​യി​ച്ചു.