മു​ന്ന​റി​യി​പ്പ് ബോ​ർ​ഡെ​ങ്കി​ലും സ്ഥാ​പി​ച്ചു​കൂടെ...?

കി​ഴ​ക്ക​മ്പ​ലം: കി​ഴ​ക്ക​മ്പ​ലം പു​ക്കാ​ട്ടു​പ​ടി റോ​ഡി​ൽ അ​പ​ക​ട​ങ്ങ​ൾ പെ​രു​കു​മ്പോ​ഴും മു​ന്ന​റി​യി​പ്പ് ബോ​ർ​ഡു​ക​ൾ സ്ഥാ​പി​ക്കാ​ത്ത​തി​ൽ വ്യാ​പ​ക പ്ര​തി​ഷേ​ധം. ഒ​രാ​ഴ്​​ചക്കു​ള്ളി​ൽ ര​ണ്ട് അ​പ​ക​ട​ങ്ങ​ളാ​ണ് ന​ട​ന്ന​ത്. അ​തി​ൽ ഒ​രാ​ൾ മ​രി​ക്കു​ക​യും ഒ​രാ​ൾ ഗു​രു​ത​രാ​വ​സ്ഥ​യി​ൽ ചി​കി​ത്സ​യി​ലു​മാ​ണ്.

നി​ര​വ​ധി വാ​ഹ​ന​ങ്ങ​ൾ ക​ട​ന്നു പോ​കു​ന്ന റോ​ഡി​ൽ അ​പ​ക​ട​ങ്ങ​ൾ പെ​രു​കു​മ്പോ​ഴും മു​ന്ന​റി​യി​പ്പ് ബോ​ർ​ഡ് പോ​ലും സ്ഥാ​പി​ക്കാ​ത്ത​തി​ൽ പ്ര​തി​ഷേ​ധം ശ​ക്ത​മാ​ണ്. ദി​നം​പ്ര​തി നി​ര​വ​ധി അ​പ​ക​ട​ങ്ങ​ളാ​ണ് റോ​ഡി​ൽ ന​ട​ക്കു​ന്ന​ത്. അ​പ​ക​ട​ത്തി​ൽ പെ​ടു​ന്ന​തി​ല​ധി​ക​വും ഇ​രു​ച​ക്ര വാ​ഹ​ന യാ​ത്രി​ക​രോ കാ​ൽ ന​ട​യാ​ത്രി​ക​രോ ആ​ണ്. റോ​ഡി​ലെ വ​ള​വും അ​ശാ​സ്ത്രീ​യ നി​ർ​മാ​ണ​വു​മാ​ണ് അ​പ​ക​ട കാ​ര​ണം.

ക​ഴി​ഞ്ഞ മൂ​ന്ന് വ​ർ​ഷ​ത്തി​ന​കം അ​പ​ക​ട​ത്തി​ൽ നി​ര​വ​ധി പേ​രാ​ണ് മ​രി​ച്ച​ത്. ബി.​എം.​ബി.​സി നി​ല​വാ​ര​ത്തി​ലു​ള്ള റോ​ഡാ​യ​തി​നാ​ൽ വാ​ഹ​ന​ങ്ങ​ൾ അ​മി​ത വേ​ഗ​ത​യി​ലാ​ണ് പോ​കു​ന്ന​ത്. വ​ള​വു​ക​ളി​ൽ പാ​ഞ്ഞെ​ത്തു​ന്ന വാ​ഹ​ന​ങ്ങ​ളെ എ​തി​ർ ദി​ശ​യി​ൽ നി​ന്നെ​ത്തു​ന്ന വാ​ഹ​ന​ങ്ങ​ൾ​ക്ക് കാ​ണാ​ൻ ക​ഴി​യി​ല്ല. മാ​ത്ര​മ​ല്ല അ​മി​ത വേ​ഗ​ത​യി​ൽ വ​ള​വു​ക​ൾ തി​രി​യു​മ്പോ​ൾ നി​യ​ന്ത്ര​ണം ന​ഷ്ട​പ്പെ​ട്ട വാ​ഹ​ന​ങ്ങ​ൾ എ​തി​ർ ദി​ശ​യി​ലെ വാ​ഹ​ന​ങ്ങ​ൾ​ക്ക് ഭീ​ഷ​ണി​യാ​കു​ന്ന​തും പ​തി​വാ​ണ്. ഏ​ത് സ​മ​യ​വും തി​ര​ക്ക് അ​നു​ഭ​വ​പ്പെ​ടു​ന്ന റോ​ഡി​ൽ വ​ഴി​യാ​ത്ര​ക്കാ​ർ​ക്കും സ്കൂ​ൾ കു​ട്ടി​ക​ൾ​ക്കും റോ​ഡ് മു​റി​ച്ചു ക​ട​ക്കാ​ൻ പ​റ്റാ​ത്ത അ​വ​സ്ഥ​യാ​ണ്. റോ​ഡി​നി​രു​വ​ശ​വും ബ​സ് സ്റ്റോ​പ്പാ​ണ്. റോ​ഡി​ൽ സ്പീ​ഡ് നി​യ​ന്ത്ര​ണ സം​വി​ധാ​നം ഏ​ർ​പ്പെ​ടു​ത്ത​ണ​മെ​ന്ന്​ നാ​ട്ടു​കാ​ർ ആ​വ​ശ്യ​പ്പെ​ട്ടു.