റോഡെല്ലാം എറണാ'കുളം'

യാ​ത്രാ​ദു​രി​തം പേ​റി ജ​നം

കൊ​ച്ചി: മ​ഴ ക​ന​ത്ത​തോ​ടെ കു​ള​മാ​യി ജി​ല്ല​യി​ലെ റോ​ഡു​ക​ൾ. കാ​ല​വ​ർ​ഷ​മെ​ത്തും മു​മ്പേ ക​ഴി​ഞ്ഞ ദി​വ​സ​ങ്ങ​ളി​ൽ ത​ക​ർ​ത്തു​പെ​യ്ത വേ​ന​ൽ​മ​ഴ​യാ​ണ് റോ​ഡു​ക​ളു​ടെ ത​ക​ർ​ച്ച​ക്ക് ആ​ക്കം കൂ​ട്ടി​യ​ത്. ഇ​തോ​ടെ പ​ല​യി​ട​ങ്ങ​ളി​ലും കാ​ൽ​ന​ട​പോ​ലും ദു​സ്സ​ഹ​മാ​യി. ഇ​തോ​ടൊ​പ്പം ജി​ല്ല​യി​ലെ പ്ര​ധാ​ന​പ്പെ​ട്ട ദേ​ശീ​യ​പാ​ത​ക​ൾ കേ​ന്ദ്രീ​ക​രി​ച്ച് ന​ട​ക്കു​ന്ന അ​റ്റ​കു​റ്റ​പ്പ​ണി​ക​ളും ജ​ല​ജീ​വ​ൻ മി​ഷ​ൻ പൈ​പ്പി​ട​ൽ പ്ര​വൃ​ത്തി​ക​ളും റോ​ഡു​ക​ളി​ൽ വി​ത​ക്കു​ന്ന ദു​രി​തം ചി​ല്ല​റ​യ​ല്ല. കൊ​ച്ചി ന​ഗ​ര​ത്തി​ലെ പ്ര​ധാ​ന​റോ​ഡു​ക​ളി​ലെ​ല്ലാം കു​ഴി​ക​ൾ രൂ​പ​പ്പെ​ട്ടു​ക​ഴി​ഞ്ഞു. നൂ​റു​ക​ണ​ക്കി​ന് ബ​സു​ക​ളെ​ത്തു​ന്ന വൈ​റ്റി​ല ഹ​ബ്ബി​ലേ​ക്കു​ള്ള റോ​ഡ്​ അ​ക്ഷ​രാ​ർ​ഥ​ത്തി​ൽ കു​ളം പോ​ലെ​യാ​ണ്.

പേ​രി​നെ പ​റ​യി​പ്പി​ക്കാ​ൻ എ​റ​ണാ​കു​ളം- തേ​ക്ക​ടി ഹൈ​വേ!

പ​തി​റ്റാ​ണ്ടാ​യി ത​ക​ർ​ന്നു​കി​ട​ക്കു​ന്ന എ​റ​ണാ​കു​ളം- തേ​ക്ക​ടി ഹൈ​വേ​യി​ലെ കി​ഴ​ക്ക​മ്പ​ലം മു​ത​ൽ നെ​ല്ലാ​ട് വ​രെ ഭാ​ഗം യാ​ത്ര​ക്കാ​ർ​ക്ക് ദു​രി​ത​മാ​ണ് സ​മ്മാ​നി​ക്കു​ന്ന​ത്. അ​റ്റ​കു​റ്റ​പ്പ​ണി​ക്കാ​യി കോ​ടി​ക​ൾ പൊ​ടി​ക്കു​ന്നു​ണ്ടെ​ങ്കി​ലും റോ​ഡ് ത​ക​ർ​ന്ന് ത​രി​പ്പ​ണ​മാ​യി​ക്ക​ഴി​ഞ്ഞു. പു​ന​ർ​നി​ർ​മാ​ണ ഫ​ണ്ട് അ​നു​വ​ദി​ച്ചെ​ന്ന പ്ര​ഖ്യാ​പ​ന​ങ്ങ​ൾ പ​ല​വ​ട്ടം വ​ന്നെ​ങ്കി​ലും സാ​ങ്കേ​തി​ക​ത്വ​ത്തി​ൽ കു​രു​ങ്ങി ഇ​തൊ​ന്നും ന​ട​പ്പാ​യി​ല്ല. ഒ​രു പ​തി​റ്റാ​ണ്ടു​മു​മ്പാ​ണ് റോ​ഡി​ൽ അ​വ​സാ​ന​മാ​യി റീ​ടാ​റി​ങ് അ​ട​ക്കം പു​ന​ർ​നി​ർ​മാ​ണ പ്ര​വൃ​ത്തി​ക​ൾ ന​ട​ന്ന​ത്. ഇ​തി​നി​ടെ ത​ന്നെ കാ​ക്ക​നാ​ട്- മൂ​വാ​റ്റു​പു​ഴ നാ​ലു​വ​രി​പ്പാ​ത​യും ത​ങ്ക​ളം കാ​ക്ക​നാ​ട് പാ​ത​യും പ്ര​ഖ്യാ​പ​ന​ത്തി​ൽ വ​ന്നെ​ങ്കി​ലും ര​ണ്ടും നി​ല​ച്ച​മ​ട്ടാ​ണ്.

ത​രി​പ്പ​ണം; ആ​ലു​വ-​മൂ​ന്നാ​ർ റോ​ഡ്

ആ​ലു​വ: മ​ഴ ശ​ക്ത​മാ​യ​തോ​ടെ ആ​ലു​വ - മൂ​ന്നാ​ർ ദേ​ശ​സാ​ത്​​കൃ​ത റോ​ഡി​ൽ യാ​ത്ര​ക്കാ​രു​ടെ ദു​രി​തം ഇ​ര​ട്ടി​യാ​യി. പ​ല ഭാ​ഗ​ങ്ങ​ളും ത​ക​ർ​ന്ന റോ​ഡി​ൽ, ജ​ൽ​ജീ​വ​ന്‍ മി​ഷ​ൻ പ​ദ്ധ​തി​യി​ലെ അ​പാ​ക​ത​ക​ൾ ദു​രി​തം കൂ​ട്ടു​ക​യാ​ണ്. മാ​സ​ങ്ങ​ളാ​യി അ​നു​ഭ​വി​ക്കു​ന്ന ദു​രി​തം മ​ഴ തു​ട​ങ്ങി​യ​തോ​ടെ​യാ​ണ് ഇ​ര​ട്ടി ദു​രി​ത​മാ​യ​ത്. ജ​ൽ​ജീ​വ​ന്‍ മി​ഷ​ൻ പ​ദ്ധ​തി​യി​ലെ പൈ​പ്പി​ട​ൽ പ്ര​വൃ​ത്തി​ക​ളാ​ണ് ദു​രി​ത​മാ​യി തു​ട​രു​ന്ന​ത്.

ചാ​ല​ക്ക​ൽ പ​ക​ല​മ​റ്റം മു​ത​ൽ തോ​ട്ടു​മു​ഖം വ​രെ ഭാ​ഗ​ങ്ങ​ളി​ലെ റോ​ഡി​ന്‍റെ ഇ​രു​സൈ​ഡി​ലും പു​തി​യ പൈ​പ്പു​ക​ൾ ഇ​ട്ടി​ട്ടു​ണ്ട്. പൈ​പ്പി​ട​ൽ പൂ​ർ​ത്തി​യാ​ക്കി ഇ​വി​ടെ​യെ​ല്ലാം മ​ണ്ണി​ട്ടു മൂ​ടി​യെ​ങ്കി​ലും ടാ​ർ ചെ​യ്തി​ട്ടി​ല്ല. പൈ​പ്പി​ടാ​ൻ റോ​ഡ് പൊ​ളി​ച്ച ഭാ​ഗ​ങ്ങ​ളി​ൽ വ​ലി​യ കു​ഴി​ക​ളാ​യി​ട്ടു​ണ്ട്. ഇ​ത്​ വാ​ഹ​നാ​പ​ക​ട​ങ്ങ​ൾ​ക്കും ഗ​താ​ഗ​ത​ക്കു​രു​ക്കി​നും ഇ​ട​യാ​ക്കു​ന്നു​ണ്ട്. ഇ​രു​ച​ക്ര വാ​ഹ​ന യാ​ത്ര​ക്കാ​രാ​ണ് കൂ​ടു​ത​ലും അ​പ​ക​ട​ത്തി​ൽ പെ​ടു​ന്ന​ത്. 10 വ​ർ​ഷ​ത്തി​ല​ധി​ക​മാ​യി ഈ ​റോ​ഡ് പൂ​ർ​ണ​മാ​യി ടാ​ർ ചെ​യ്തി​ട്ട്. ഇ​തി​നി​ട​യി​ൽ നാ​ലു​വ​രി​പ്പാ​ത പ​ദ്ധ​തി വ​ന്നെ​ങ്കി​ലും പ​ണി ഇ​തു​വ​രെ ആ​രം​ഭി​ച്ചി​ട്ടി​ല്ല.

അ​ട​പ​ട​ലം പാ​ളി മൂ​വാ​റ്റു​പു​ഴ ന​ഗ​ര​വി​ക​സ​നം

മൂ​വാ​റ്റു​പു​ഴ: ന​ഗ​ര​റോ​ഡ് വി​ക​സ​നം സ്തം​ഭി​ച്ച​തോ​ടെ പി.​ഒ ജ​ങ്ഷ​ൻ മു​ത​ൽ വെ​ള്ളൂ​ർ​ക്കു​ന്നം വ​രെ ര​ണ്ട് കി​ലോ​മീ​റ്റ​ർ ദൂ​ര​ത്തി​ൽ റോ​ഡ് ത​ക​ർ​ന്ന നി​ല​യി​ലാ​ണ്. പി.​ഒ ജ​ങ്‌​ഷ​ൻ മു​ത​ൽ വെ​ള്ളൂ​ർ​ക്കു​ന്നം വ​രെ എം.​സി റോ​ഡ് ഭാ​ഗ​ത്താ​ണ് റോ​ഡ് ത​ക​ർ​ന്നി​രി​ക്കു​ന്ന​ത്. ന​ഗ​ര​റോ​ഡ് വി​ക​സ​നം ഏ​താ​ണ്ട് നി​ല​ച്ച മ​ട്ടാ​ണ്. മൂ​ന്നു​മാ​സ​മാ​യി ഒ​രു നി​ർ​മാ​ണ പ്ര​വ​ർ​ത്ത​ന​ങ്ങ​ളും ന​ട​ക്കു​ന്നി​ല്ല. ന​ഗ​ര​വാ​സി​ക​ളു​ടെ ദു​രി​തം ദി​നം​പ്ര​തി വ​ർ​ധി​ക്കു​ന്ന​തി​നി​ടെ​യാ​ണ് റോ​ഡി​ൽ കു​ഴി​ക​ൾ നി​റ​ഞ്ഞ് ഗ​താ​ഗ​തം താ​റു​മാ​റാ​യി​രി​ക്കു​ന്ന​ത്. ര​ണ്ട് കി​ലോ​മീ​റ്റ​ർ ക​ട​ക്കാ​ൻ അ​ര​മ​ണി​ക്കൂ​റാ​ണ് നി​ല​വി​ൽ വേ​ണ്ട​ത്. കി​ഴ​ക്കേ​ക്ക​ര ആ​ശ്ര​മം റോ​ഡും ത​ക​ർ​ന്നി​ട്ട് വ​ർ​ഷം ര​ണ്ടു​ക​ഴി​ഞ്ഞു. ഈ ​റോ​ഡി​ലെ കു​ഴി​ക​ളി​ൽ വീ​ണ് ഇ​രു​ച​ക്ര​വാ​ഹ​ന​യാ​ത്രി​ക​ർ അ​പ​ക​ട​ത്തി​ൽ​പെ​ടു​ന്ന​തും പ​തി​വാ​ണ്. ന​ഗ​ര​ത്തി​ൽ ഗ​താ​ഗ​ത​ക്കു​രു​ക്ക് രൂ​ക്ഷ​മാ​കു​മ്പോ​ൾ വാ​ഹ​ന​ങ്ങ​ൾ വ​ഴി തി​രി​ച്ചു​വി​ടു​ന്ന​ത് ഈ ​റോ​ഡി​ലൂ​ടെ​യാ​ണ്.

പ​രി​താ​പ​ക​രം ഓ​ണം​കു​ളം-​ഊ​ട്ടി​മ​റ്റം റോ​ഡ്

പെ​രു​മ്പാ​വൂ​ര്‍: നി​യോ​ജ​ക മ​ണ്ഡ​ല​ത്തി​ൽ ഏ​റ്റ​വും ശോ​ച്യാ​വ​സ്ഥ​യി​ലു​ള്ള​ത്​ വെ​ങ്ങോ​ല പ​ഞ്ചാ​യ​ത്തി​ലെ ഓ​ണം​കു​ളം-​ഊ​ട്ടി​മ​റ്റം റോ​ഡാ​ണ്. വ​ര്‍ഷ​ങ്ങ​ളാ​യി അ​റ്റ​കു​റ്റ​പ്പ​ണി​പോ​ലും ന​ട​ക്കാ​ത്ത​തി​നാ​ല്‍ കു​ണ്ടും കു​ഴി​യു​മാ​യി ന​ട​ക്കാ​ന്‍പോ​ലും ബു​ദ്ധി​മു​ട്ടാ​ണ് ഇ​വി​ടെ. വ​ർ​ഷ​കാ​ലം തു​ട​ങ്ങി​യ​തോ​ടെ റോ​ഡി​ലെ കു​ഴി​ക​ൾ വെ​ള്ളം നി​റ​ഞ്ഞ് കു​ള​ത്തി​ന് സ​മാ​ന​മാ​ണ്. റോ​ഡ് പു​ന​ര്‍നി​ര്‍മി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട് നാ​ട്ടു​കാ​ര്‍ നി​ര​വ​ധി നി​വേ​ദ​ന​ങ്ങ​ള്‍ അ​ധി​കാ​രി​ക​ള്‍ക്ക് സ​മ​ര്‍പ്പി​ക്കു​ക​യും പ്ര​തി​ഷേ​ധ​ങ്ങ​ള്‍ സം​ഘ​ടി​പ്പി​ക്കു​ക​യും ചെ​യ്തി​ട്ടും ഫ​ല​മു​ണ്ടാ​യി​ല്ല. സ​മീ​പ പ്ര​ദേ​ശ​ങ്ങ​ളി​ൽ ക്ര​ഷ​റു​ക​ളും വ്യ​വ​സാ​യ സ്ഥാ​പ​ന​ങ്ങ​ളും സ്ഥി​തി ചെ​യ്യു​ന്ന​തി​നാ​ല്‍ ടോ​റ​സ് പോ​ലു​ള്ള നി​ര​വ​ധി ഭാ​ര​വാ​ഹ​ന​ങ്ങ​ളാ​ണ് ദി​നം​പ്ര​തി ക​ട​ന്നു​പോ​കു​ന്ന​ത്. മ​റ്റ് റോ​ഡു​ക​ളു​ടെ പു​ന​ര്‍നി​ര്‍മാ​ണ​ത്തി​ന് ഫ​ണ്ട് അ​നു​വ​ദി​ച്ചി​ട്ടും ഓ​ണം​കു​ളം-​ഊ​ട്ടി​മ​റ്റം റോ​ഡി​നെ അ​വ​ഗ​ണി​ക്കു​ക​യാ​ണെ​ന്ന് നാ​ട്ടു​കാ​ർ പ​റ​യു​ന്നു.