വാട്ടർ അതോറിറ്റിയുടെ കുഴിയിൽ വീണ് സ്കൂട്ടർ യാത്രക്കാരിയുടെ കാലൊടിഞ്ഞു

ശ്രീ​മൂ​ല​ന​ഗ​രം: എം.​എ​ൽ.​എ റോ​ഡി​ൽ ജല അ​തോ​റി​റ്റി അ​റ്റ​കു​റ്റ​പ്പ​ണി​ക്കാ​യി കു​ഴി​ച്ച കു​ഴി​യി​ൽ വീ​ണ് സ്കൂട്ടർ യാത്രക്കാരിയു​ടെ കാ​ലൊ​ടി​ഞ്ഞു. ശ​നി​യാ​ഴ്ച രാ​വി​ലെയാണ്​ സംഭവം. വെ​ള്ളാ​ര​പ്പി​ള്ളി സ്വ​ദേ​ശി​നിയാണ്​ അപകടത്തിൽപെട്ടത്​. പി.​ഡ​ബ്ല്യു.​ഡി റോ​ഡി​ലെ കു​ഴി​യി​ൽ സ്കൂട്ടർ വീ​ണ് യുവതി തെ​റി​ച്ചു വീഴുക​യാ​യി​രു​ന്നു.

കു​ഴി​യി​ൽ വീ​ണ സ്കൂ​ട്ട​ർ നി​യ​ന്ത്ര​ണം വി​ട്ട് 100 മീ​റ്റ​ർ ദൂ​ര​ത്തി​ൽ റോ​ഡി​ലൂ​ടെ തെ​ന്നി​പ്പോ​യാ​ണ് നി​ന്ന​ത്. ഈ ​സ​മ​യം റോ​ഡ് വി​ജ​ന​മാ​യി​രു​ന്നു. പ​രി​സ​ര​വാ​സി​ക​ളാ​ണ് യുവതിയെ ആ​ലു​വ​യി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ച​ത്. യു​വ​തി​യു​ടെ വി​വാ​ഹം നി​ശ്ച​യം ക​ഴി​ഞ്ഞി​രി​ക്കു​ക​യാ​യിരുന്നു.

സം​ഭ​വം വി​വാ​ദ​മാ​യ​തോ​ടെ അ​ധി​കൃ​ത​ർ താ​ൽ​ക്കാ​ലി​ക​മാ​യി കു​ഴി അ​ട​ച്ചി​ട്ടു​ണ്ട്. പ​ഞ്ചാ​യ​ത്തി​ലെ വി​വി​ധ ഭാ​ഗ​ങ്ങ​ളി​ലെ കു​ഴി​ക​ൾ അ​ട​ക്കാ​ൻ വാ​ട്ട​ർ അ​തോ​റ്റി​റ്റി ഉ​ദ്യോ​ഗ​സ്ഥ​രോ​ട് നി​ര​വ​ധി ത​വ​ണ ആ​വ​ശ്യ​പ്പെ​ട്ടി​രു​ന്ന​താ​യി ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ്​ കെ.​സി. മാ​ർ​ട്ടി​ൻ പ​റ​ഞ്ഞു.