ഐ.​ടി ന​ഗ​ര​ത്തിലെ ലഹരി മാഫി‍യയെ തുരത്താൻ തൃ​ക്കാ​ക്ക​ര ന​ഗ​ര​സ​ഭ; സ്‌ക്വാഡുകൾ രൂപവത്​കരിക്കും; മേൽനോട്ടം കൗൺസിലർമാർക്ക്

കാ​ക്ക​നാ​ട്: ല​ഹ​രി മാ​ഫി​യ കീ​ഴ​ട​ക്കു​ന്ന ഐ.​ടി ന​ഗ​ര​ത്തി​ൽ നി​രീ​ക്ഷ​ണ സ്‌​ക്വാ​ഡു​ക​ൾ രൂ​പ​വ​ത്​​ക​രി​ക്കാ​ൻ തൃ​ക്കാ​ക്ക​ര ന​ഗ​ര​സ​ഭ. രാ​സ​ല​ഹ​രി ക​ച്ച​വ​ട​വും ല​ഹ​രി ഉ​പ​യോ​ഗി​ച്ച് ദി​നം​പ്ര​തി ന​ട​ത്തു​ന്ന അ​ക്ര​മ​വും ഐ.​ടി ന​ഗ​ര​ത്തി​ന്‍റെ ഉ​റ​ക്കം കെ​ടു​ത്തു​ക​യാ​ണ്. സ്ത്രീ​പു​രു​ഷ ഭേ​ദ​മി​ല്ലാ​തെ​യാ​ണ് ഇ​വി​ടെ ല​ഹ​രി​യു​ടെ ഉ​പ​യോ​ഗം. ക​ഞ്ചാ​വി​നോ​ടൊ​പ്പം ഒ​രി​ക്ക​ൽ ഉ​പ​യോ​ഗി​ച്ചാ​ൽ മൂ​ന്നു​ദി​വ​സം ക​ഴി​ഞ്ഞ് എ​ഴു​ന്നേ​ൽ​ക്കു​ന്ന രാ​സ​ല​ഹ​രി വ​രെ കാ​ക്ക​നാ​ട് ര​ഹ​സ്യ​മാ​യി വി​ൽ​ക്കു​ന്നു. സം​സ്ഥാ​ന​ത്ത് ഏ​റ്റ​വും കൂ​ടു​ത​ൽ ല​ഹ​രി​യെ​ത്തു​ന്ന​യി​ട​മാ​യി ഐ.​ടി ന​ഗ​രം മാ​റി​ക്ക​ഴി​ഞ്ഞു.

ക​ഴി​ഞ്ഞ കു​റ​ച്ച് മാ​സ​ങ്ങ​ൾ​ക്കി​ട​യി​ൽ പി​ടി​കൂ​ടി​യ വി​വി​ധ ല​ഹ​രി​മ​രു​ന്ന് കേ​സു​ക​ളു​ടെ എ​ണ്ണം​മാ​ത്രം മ​തി ഐ.​ടി ന​ഗ​ര​ത്തി​ന്‍റെ ‘റേ​ഞ്ച്’ മാ​റി​യെ​ന്ന് മ​ന​സ്സി​ലാ​ക്കാ​ൻ. എ​ന്നാ​ൽ, ല​ഹ​രി​മ​രു​ന്നു​ക​ളു​ടെ ഒ​ഴു​ക്ക് ത​ട​യാ​നു​ള്ള ശ​ക്ത​മാ​യ പ​രി​ശോ​ധ​ന സം​വി​ധാ​നം ഒ​രു​ക്കു​ക​യാ​ണ് തൃ​ക്കാ​ക്ക​ര ന​ഗ​ര​സ​ഭ. ഐ.​ടി മേ​ഖ​ല​യും അ​ന്ത​ർ​സം​സ്ഥാ​ന തൊ​ഴി​ലാ​ളി പ്ര​ദേ​ശ​ങ്ങ​ളും ഉ​ൾ​പ്പെ​ടെ ല​ഹ​രി വ്യാ​പ​നം ത​ട​യാ​ൻ നി​രീ​ക്ഷ​ണ സ്‌​ക്വാ​ഡു​ക​ൾ രൂ​പ​വ​ത്​​ക​രി​ക്കാ​ൻ ക​ഴി​ഞ്ഞ ന​ഗ​ര​സ​ഭ കൗ​ൺ​സി​ൽ തീ​രു​മാ​നി​ച്ചു. പൊ​ലീ​സി​നെ​യും എ​ക്സൈ​സി​നെ​യും ഇ​ത​ര അ​ന്വേ​ഷ​ണ ഏ​ജ​ൻ​സി​ക​ളെ​യും സ​ഹാ​യി​ക്കാ​നാ​കും വി​ധ​മു​ള്ള സ്ക്വാ​ഡു​ക​ളാ​കും രൂ​പ​വ​ത്​​ക​രി​ക്കു​ക. ഇ​തു​മാ​യി ബ​ന്ധ​പ്പെ​ട്ട്​ ന​ഗ​ര​സ​ഭ വി​ദ്യാ​ഭ്യാ​സ-​സാം​സ്ക‌ാ​രി​ക സ്ഥി​രം​സ​മി​തി രൂ​പം​കൊ​ടു​ത്ത മാ​ർ​ഗ നി​ർ​ദേ​ശ​ങ്ങ​ൾ ന​ഗ​ര​സ​ഭ കൗ​ൺ​സി​ൽ അം​ഗീ​ക​രി​ച്ചു.

ഐ.​ടി പാ​ർ​ക്കു​ക​ൾ, വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, ട​ർ​ഫു​ക​ൾ, ജിം​നേ​ഷ്യം, അ​ന്ത​ർ​സം​സ്ഥാ​ന തൊ​ഴി​ലാ​ളി ക്യാ​മ്പു​ക​ൾ, ക​ച്ച​വ​ട കേ​ന്ദ്ര​ങ്ങ​ൾ, രാ​ത്രി​കാ​ല​ങ്ങ​ളി​ൽ സ​ഞ്ചാ​ര​ത്തി​ര​ക്കു​ള്ള മേ​ഖ​ല​ക​ൾ എ​ന്നി​വി​ട​ങ്ങ​ളി​ൽ നി​രീ​ക്ഷ​ണം ഏ​ർ​പ്പെ​ടു​ത്തും. പു​തി​യ അ​ധ്യ​യ​ന വ​ർ​ഷാ​രം​ഭം മു​ത​ൽ ന​ഗ​ര​സ​ഭ പ​രി​ധി​യി​ലെ സ്‌​കൂ​ൾ, കോ​ള​ജ് പ​രി​സ​ര​ങ്ങ​ളി​ൽ നി​രീ​ക്ഷ​ണം തു​ട​ങ്ങും. കൗ​ൺ​സി​ല​ർ​മാ​രു​ടെ മേ​ൽ​നോ​ട്ട​ത്തി​ലാ​കും ഓ​രോ കേ​ന്ദ്ര​ങ്ങ​ളി​ലേ​യും നി​രീ​ക്ഷ​ണ സ്ക്വാ​ഡു​ക​ളു​ടെ പ്ര​വ​ർ​ത്ത​നം. ഓ​രോ ഇ​ട​ങ്ങ​ളി​ലെ​യും അ​സ്വ​ഭാ​വി​ക ആ​ൾ​ക്കൂ​ട്ട​ങ്ങ​ൾ പ്ര​ത്യേ​കം നി​രീ​ക്ഷി​ക്കും. റെ​സി​ഡ​ന്റ്സ് അ​സോ​സി​യേ​ഷ​നു​ക​ൾ ഉ​ൾ​പ്പെ​ടെ​യു​ള്ള സം​ഘ​ട​ന​ക​ളു​ടെ സ​ഹ​ക​ര​ണ​വും ഉ​റ​പ്പാ​ക്കു​മെ​ന്ന്​ വി​ദ്യാ​ഭ്യാ​സ സ്ഥി​രം​സ​മി​തി അ​ധ്യ​ക്ഷ​ൻ നൗ​ഷാ​ദ് പ​ല്ല​ച്ചി പ​റ​ഞ്ഞു.