പുറയാർ റെയിൽവേ ഗേറ്റിൽ വാഹനം ഇടിച്ചുകയറി; 17 മണിക്കൂറോളം ഗേറ്റ് അടച്ചിട്ടു

ദേ​ശം: ഗു​ഡ്സ് ഓ​ട്ടോ​യി​ടി​ച്ച് ദേ​ശം- കാ​ല​ടി റോ​ഡി​ലെ പു​റ​യാ​ർ റെ​യി​ൽ​വേ ഗേ​റ്റി​ന്‍റെ പ്ര​വ​ർ​ത്ത​നം ത​ക​രാ​റി​ലാ​യി. ഇ​തേ​ത്തു​ട​ർ​ന്ന് 17 മ​ണി​ക്കൂ​റോ​ളം ഗേ​റ്റ് വ​ഴി​യു​ള്ള ഗ​താ​ഗ​തം മു​ട​ങ്ങി. ഞാ​യ​റാ​ഴ്ച രാ​ത്രി എ​ട്ടി​നാ​ണ് കാ​ല​ടി ഭാ​ഗ​ത്ത് നി​ന്ന് വ​ന്ന ഗു​ഡ്സ് ഓ​ട്ടോ ഗേ​റ്റി​ലി​ടി​ച്ച​ത്.

ഇ​ടി​യു​ടെ ആ​ഘാ​ത​ത്തി​ൽ ഗേ​റ്റി​ന്‍റെ വ​ശം ച​ളു​ങ്ങി​യ​തോ​ടെ അ​ട​ക്കാ​നും, തു​റ​ക്കാ​നും പ​റ്റാ​ത്ത സ്ഥി​തി​യാ​യി. അ​തോ​ടെ ഇ​ത് വ​ഴി​യു​ള്ള ഗ​താ​ഗ​തം നി​രോ​ധി​ച്ച് ര​ണ്ട് വ​ശ​ത്തേ​യും ഗേ​റ്റു​ക​ൾ ഞാ​യ​റാ​ഴ്ച രാ​ത്രി മു​ത​ൽ അ​ട​ച്ചി​ടു​ക​യാ​യി​രു​ന്നു. സ്വ​കാ​ര്യ ബ​സ് സ​ർ​വീ​സു​ക​ൾ, സ്കൂ​ൾ ബ​സു​ക​ൾ, ച​ര​ക്ക് വാ​ഹ​ന​ങ്ങ​ള​ട​ക്കം വ​ല​ഞ്ഞു. ഗേ​റ്റ​ട​ച്ച​ത്​ അ​റി​യാ​തെ രാ​ത്രി​യി​ലും, തി​ങ്ക​ളാ​ഴ്ച രാ​വി​ലെ മു​ത​ലും സ്കൂ​ൾ ബ​സു​ക​ൾ അ​ട​ക്കം ഗേ​റ്റി​ന്‍റെ ര​ണ്ട് വ​ശ​ങ്ങ​ളി​ലും എ​ത്തി മ​ട​ങ്ങി​പ്പോ​വു​ക​യാ​യി​രു​ന്നു. വെ​ൽ​ഡ​റെ കൊ​ണ്ട് വ​ന്ന് തി​ങ്ക​ളാ​ഴ്ച ഉ​ച്ച​ക്ക് ഒ​ന്നി​നാ​ണ് ഗേ​റ്റി​ന്‍റെ അ​റ്റ​കു​റ്റ​പ്പ​ണി പൂ​ർ​ത്തി​യാ​ക്കി ഗ​താ​ഗ​ത​ത്തി​ന് തു​റ​ന്നു​കൊ​ടു​ത്ത​ത്.

ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ളാ​ണ് വി​വി​ധ പ്ര​ദേ​ശ​ങ്ങ​ളി​ലേ​ക്ക് പു​റ​യാ​ർ റെ​യി​ൽ​വേ ഗേ​റ്റി​ലൂ​ടെ ക​ട​ന്നു പോ​കു​ന്ന​ത്. അ​ടു​ത്തി​ടെ​യാ​ണ് ട്രാ​ക്കി​ൽ ന​ട​ത്തി​യ അ​റ്റ​കു​റ്റ​പ്പ​ണി​യെ​ത്തു​ട​ർ​ന്ന് ആ​ഴ്ച​ക​ളോ​ളം ഗേ​റ്റ് അ​ട​ച്ചി​ട്ട​ത്. പു​റ​യാ​ർ റെ​യി​ൽ​വേ ഗേ​റ്റി​ൽ മേ​ൽ​പ്പാ​ലം ഇ​ല്ലാ​ത്ത​ത് മൂ​ലം കാ​ല​ങ്ങ​ളാ​യി അ​നേ​ക​ങ്ങ​ളാ​ണ് ക്ലേ​ശി​ക്കു​ന്ന​ത്.