തൊഴുത്തിൽ ക്വാറൻറീൻ യുവാവി​ന്‍റെ മരണം: പൊലീസ് അന്വേഷണം തുടങ്ങി

കി​ഴ​ക്ക​മ്പ​ലം: വീ​ട്ടു​കാ​ര്‍ക്ക് കോ​വി​ഡ് പ​ക​രാ​തി​രി​ക്കാ​ന്‍ തൊ​ഴു​ത്ത് ക്വാ​റ​ൻ​റീ​ന്‍ കേ​ന്ദ്ര​മാ​ക്കി​യ മ​ല​യി​ടം​തു​രു​ത്ത് അ​മ്പു​നാ​ട്ടി​ല്‍ മാ​ന്താ​ട്ടി​ല്‍ ശ​ശി (സാ​ബു) രോ​ഗം ഗു​രു​ത​ര​മാ​യി അ​മൃ​ത ആ​ശു​പ​ത്രി​യി​ല്‍ മ​രി​ക്കാ​നി​ട​യാ​യ സം​ഭ​വ​ത്തി​ല്‍ പൊ​ലീ​സ് അ​ന്വേ​ഷ​ണം ആ​രം​ഭി​ച്ചു. ശ​ശി​യു​ടെ ബ​ന്ധു​ക്ക​ള്‍ കു​ന്ന​ത്തു​നാ​ട് നി​യു​ക്ത എം.​എ​ല്‍.​എ പി.​വി. ശ്രീ​നി​ജി​ന് പ​രാ​തി ന​ല്‍കി​യി​രു​ന്നു. പ​രാ​തി ആ​ലു​വ റൂ​റ​ല്‍ എ​സ്.​പി​ക്ക് കൈ​മാ​റു​ക​യാ​യി​രു​ന്നു.

ഏ​പ്രി​ൽ 26നാ​ണ് ശ​ശി​ക്ക് കോ​വി​ഡ് പോ​സി​റ്റി​വാ​യ​ത്. ഭാ​ര്യ​യും ര​ണ്ട​ര വ​യ​സ്സു​കാ​ര​ന്‍ മ​ക​നും പ്രാ​യ​മാ​യ അ​മ്മ​യും അ​വി​വാ​ഹി​ത​നും രോ​ഗി​യു​മാ​യ സ​ഹോ​ദ​ര​നു​മ​ട​ങ്ങു​ന്ന കു​ടും​ബ​ത്തി​െൻറ അ​ത്താ​ണി​യാ​യ ശ​ശി കു​ടും​ബ​ത്തി​െൻറ സു​ര​ക്ഷ ക​രു​തി​യാ​ണ് വീ​ടി​നോ​ട് ചേ​ര്‍ന്ന് പ​ണി​ത തൊ​ഴു​ത്ത് ക്വാ​റ​ൻ​റീ​ന്‍ കേ​ന്ദ്ര​മാ​ക്കി​യ​ത്. നാ​ളു​ക​ളാ​യി ഇ​വി​ടെ പ​ശു​ക്ക​ളെ കെ​ട്ടി​യി​രു​ന്നി​ല്ല.

പെ​രു​മ്പാ​വൂ​രി​ലെ സ്വ​കാ​ര്യ ആ​ശു​പ​ത്രി​യി​ല്‍ ന​ട​ത്തി​യ പ​രി​ശോ​ധ​ന​യി​ലാ​ണ് രോ​ഗം സ്ഥി​രീ​ക​രി​ച്ച​ത്. വീ​ട്ടി​ലെ​ത്തി​യ​ശേ​ഷം വാ​ര്‍ഡി​ലെ ആ​ശാ വ​ര്‍ക്ക​റെ​യും പ​ഞ്ചാ​യ​ത്ത് അം​ഗ​ത്തേ​യും വി​വ​ര​മ​റി​യി​ച്ചെ​ങ്കി​ലും പ്രാ​ഥ​മി​ക​മാ​യി ല​ഭി​ക്കേ​ണ്ട സേ​വ​ന​മോ ചി​കി​ത്സ​യോ ല​ഭി​ച്ചി​ല്ലെ​ന്നും പ​രാ​തി​യി​ല്‍ പ​റ​യു​ന്നു.

പ​ഞ്ചാ​യ​ത്തി​ല്‍ ഡി.​സി.​സി ഇ​ല്ലാ​ത്ത​തി​നാ​ല്‍ പാ​ര​സെ​റ്റ​മോ​ള്‍ മാ​ത്രം ക​ഴി​ച്ച് തൊ​ഴു​ത്തി​ല്‍ ക​ഴി​യു​ന്ന​തി​നി​ടെ മൂ​ന്നാം​ദി​വ​സം തൃ​പ്പൂ​ണി​ത്തു​റ ഡി.​സി.​സി​യി​ലേ​ക്ക് ആ​രോ​ഗ്യ​വ​കു​പ്പ് മാ​റ്റി.

അ​വി​ടെ​യെ​ത്തി​യ​പ്പോ​ള്‍ ശ്വാ​സ​ത​ട​സ്സ​മു​ണ്ടാ​യ​തോ​ടെ തൃ​പ്പൂ​ണി​ത്തു​റ താ​ലൂ​ക്ക് ആ​ശു​പ​ത്രി​യി​ലേ​ക്ക് കൊ​ണ്ടു​പോ​യി. മ​തി​യാ​യ ചി​കി​ത്സ ല​ഭി​ക്കു​ന്നി​ല്ലെ​ന്ന് ക​ഴി​ഞ്ഞ ര​ണ്ടി​ന് ശ​ശി ബ​ന്ധു​ക്ക​ളോ​ട് ഫോ​ണി​ല്‍ പ​രാ​തി പ​റ​ഞ്ഞ​തോ​ടെ അ​വ​രു​ടെ അ​പേ​ക്ഷ പ​രി​ഗ​ണി​ച്ച് മൂ​ന്നി​ന് രാ​ത്രി 11ഓ​ടെ അ​മൃ​ത ആ​ശു​പ​ത്രി​യി​ലേ​ക്ക് മാ​റ്റു​ക​യാ​യി​രു​ന്നു. ഏ​ഴു​ദി​വ​സം വെൻറി​ലേ​റ്റ​ര്‍ സ​ഹാ​യ​ത്തോ​ടെ ജീ​വ​ന്‍ നി​ല​നി​ര്‍ത്താ​ന്‍ ശ്ര​മി​ച്ചെ​ങ്കി​ലും 10ന് ​മ​ര​ണ​ത്തി​ന് കീ​ഴ​ട​ങ്ങി. ഭ​ര്‍ത്താ​വി​ന് പ്രാ​രം​ഭ​ഘ​ട്ടം മു​ത​ല്‍ ന​ല്‍കി​യ ചി​കി​ത്സ​യി​ലെ പി​ഴ​വാ​ണ് മ​ര​ണ​കാ​ര​ണ​മെ​ന്നും ഇ​തി​നു​ത്ത​ര​വാ​ദി​ക​ളെ ക​ണ്ടെ​ത്ത​ണ​മെ​ന്നു​മാ​ണ് ഭാ​ര്യ സി​ജ പ​രാ​തി​യി​ല്‍ പ​റ​യു​ന്ന​ത്.