വെള്ളം തിരിച്ചുവിടുന്നതിലെ തര്‍ക്കം; യുവാവിനെ വെട്ടിയതായി പരാതി

അടിമാലി: റോഡിലെ വെള്ളം തിരിച്ചുവിടുകയും മുള്‍പ്പടര്‍പ്പുകള്‍ വെട്ടിമാറ്റുകയും ചെയ്യുന്നതിനെ ചൊല്ലിയുണ്ടായ തര്‍ക്കത്തിനിടെ യുവാവിനെ തൂമ്പകൊണ്ട്​ വെട്ടിയതായി പരാതി. വടക്കേ ആയിരമേക്കര്‍ കല്ലത്ത് ഷിബിനാണ് (50) പരിക്കേറ്റത്. ഇയാള്‍ അടിമാലി താലൂക്ക്​ ആശുപത്രിയില്‍ ചികിത്സയിലാണ്. സംഭവത്തിൽ അയല്‍വാസിയായ പുരോഹിതനും പിതാവിനുമെതിരെ അടിമാലി പൊലീസ് കേസെടുത്തു. ഫാ. റെജിൽ, പിതാവ് കുര്യാക്കോസ് എന്നിവർക്കെതിരെയാണ്​ കേസ്​.