വാളറയിൽ കനത്തമഴ; വീട് തകർന്നു

അടിമാലി: വാളറ, പത്താംമൈൽ, ദേവിയാർ കോളനി ചില്ലിത്തോട്​, ഇരുമ്പുപാലം മേഖലകളിൽ ശക്തമായ മഴയിൽ വ്യാപക നാശം. ഒരു വീട് തകർന്നു. നിരവധി വീടുകളിൽ വെള്ളംകയറി. ബുധനാഴ്ച വൈകീട്ട് 3.30ന് തുടങ്ങിയ മഴ രാത്രി വൈകിയും തുടരുകയാണ്. ചില്ലിത്തോട്ടിൽ വീടിന് മുകളിലേക്ക് പ്ലാവ് ഒടിഞ്ഞുവീണാണ്​ മേൽക്കൂര തകർന്നത്​. വീട്ടിലുണ്ടായിരുന്നവർ പരിക്കേൽക്കാതെ രക്ഷപ്പെട്ടു. ദേവിയാർ കോളനിയിൽ നിരവധി വീടുകളിൽ വെള്ളംകയറി. റോഡിലും വെള്ളംകയറി. ഇതോടെ ഗതാഗതവും തടസ്സപ്പെട്ടു. idg adi 6 tree ചിത്രങ്ങൾ 1, ചില്ലിത്തോട്ടിൽ വീടിന് മുകളിൽ മരംവീണ​പ്പോൾ 2, ദേവിയാർ കോളനിയിൽ വീടുകളിൽ വെള്ളംകയറിയപ്പോൾ