നെടുങ്കണ്ടം പഞ്ചായത്ത് വൈസ് പ്രസിഡന്‍റ്​ തെരഞ്ഞെടുപ്പ്​ ഇന്ന്​

നെടുങ്കണ്ടം: പഞ്ചായത്ത് വൈസ് പ്രസിഡന്‍റ്​ തെരഞ്ഞെടുപ്പ്​ വ്യാഴാഴ്ച നടക്കും. വൈസ് പ്രസിഡന്‍റായിരുന്ന കേരള കോണ്‍ഗ്രസ് എമ്മിലെ സിജോ നടക്കല്‍ ഇടതുമുന്നണി ധാരണപ്രകാരം രാജിവെച്ച ഒഴിവിലേക്കുള്ള​ തെരഞ്ഞെടുപ്പാണ് രാവിലെ 11ന് നടക്കുക. ധാരണപ്രകാരമുള്ള 16 മാസം പൂര്‍ത്തിയായതിനെ തുടര്‍ന്നാണ് കഴിഞ്ഞ ഏഴിന്​ സിജോ രാജിവെച്ചത്. സി.പി.ഐക്കാണ് വൈസ് പ്രസിഡന്‍റ്​ സ്ഥാനം. അഞ്ചാംവാര്‍ഡ്​ അംഗം സി.പി.ഐയി​ലെ അജീഷ് മുതുകുന്നേല്‍ വൈസ് പ്രസിഡന്‍റാകാനാണ് സാധ്യത. മുന്നണി ധാരണ പ്രകാരം ഡിസംബര്‍ 30ന് പ്രസിഡന്‍റ്​ സി.പി.എമ്മിലെ ശോഭന വിജയനും രാജിവെക്കും. തുടര്‍ന്ന് സി.പി.ഐക്കാണ് പ്രസിഡന്‍റ്​ സ്ഥാനം.