മണ്ണുകടത്തിനിടെ മറിഞ്ഞ ലോറി പൊലീസ് പിടിച്ചെടുത്തു

കുമളി: മണ്ണ് കടത്തുന്നതിനിടെ പുലർച്ച നടുറോഡിൽ മറിഞ്ഞ ടിപ്പർ ലോറിയും ലോറി ഉയർത്താൻ എത്തിച്ച ജെ.സി.ബിയും പൊലീസ് കസ്റ്റഡിയിലെടുത്തു.കുമളി സ്പ്രിങ്​ വാലിക്ക് സമീപം തിങ്കളാഴ്ച പുലർച്ച മൂന്നോടെയാണ്​ സംഭവം.നിയന്ത്രണങ്ങൾ ലംഘിച്ച് രാത്രി മണ്ണ് കടത്തുകയായിരുന്ന ലോറിയാണ് ദേശീയപാതയിൽ മറിഞ്ഞത്.പൊലീസ് എത്തുന്നതിനുമുമ്പ് മണ്ണ് മറ്റൊരു വാഹനത്തിലേക്ക് വാരിക്കയറ്റിയിരുന്നു.