കള്ളിപ്പാറയിൽ ഭൂചലനം ഉണ്ടായതായി നാട്ടുകാർ

വണ്ണപ്പുറം: കള്ളിപ്പാറ ഭാഗത്ത്​ നേരിയ ഭൂചലനം ഉണ്ടായതായി നാട്ടുകാർ. വെള്ളിയാഴ്ച പുലർച്ച മൂന്നോടെയാണ്​ ഭൂചലനം അനുഭവപ്പെട്ടതായി നാട്ടുകാർ പറയുന്നത്. വ്യാഴാഴ്ച ഏഴ്​ കുടുംബത്തെ വാൽപ്പാറ എസ്‌.ടി കമ്യൂണിറ്റി ഹാളിലെ ദുരിതാശ്വാസ ക്യാമ്പിലേക്ക് മാറ്റിയിരുന്നു. വെള്ളിയാഴ്ച നാലു കുടുംബത്തെക്കൂടി മാറ്റിപ്പാർപ്പിച്ചു. 30 പേരാണ് ഇപ്പോൾ ദുരിതാശ്വാസ ക്യാമ്പിൽ ഉള്ളത്. പ്രദേശത്ത്​ കുറച്ച്​ ഭാഗം മണ്ണിടിഞ്ഞ്​ മാറി നിൽക്കുന്നതും ആശങ്ക ഉണർത്തുന്നുണ്ട്​.