നാട്ടിൽ വിലസി കാട്ടാനക്കൂട്ടം

ജനവാസമേഖലയിൽ കാട്ടാനക്കൂട്ടമിറങ്ങി പീരുമേട്: ജനവാസമേഖലയിൽ കാട്ടാനക്കൂട്ടമിറങ്ങി കൃഷി നശിപ്പിച്ചു. പീരുമേട് ജങ്ഷനിൽനിന്ന് ഒരു കിലോമീറ്റർ ദൂരത്തിലാണ് ഞായറാഴ്​ച രാത്രി ആനക്കൂട്ടം ഇറങ്ങിയത്. ഹരിപ്രസാദ് പുത്തൻപുരക്കൽ, ഷിജു എന്നിവരുടെ വീടിന് സമീപം കൃഷി ഭൂമിയിലാണ് ആനക്കൂട്ടം നാശം വിതച്ചത്. 400 ൽപരം വാഴകളും ഏലം കൃഷിയുമാണ് നശിപ്പിച്ചത്. വീടിന് സമീപം വരെ ആനകൾ എത്തിയതിനാൽ പ്രദേശവാസികൾ ഭീതിയിലാണ്. ----- ​TDL KATTANA ആനയിറങ്ങി കൃഷി നശിപ്പിച്ച നിലയിൽ ------------------ ഗോത്ര സാരഥി പദ്ധതി; ഫ്രറ്റേണിറ്റി നിവേദനം നൽകി തൊടുപുഴ: ഗോത്രവർഗ-ആദിവാസി വിദ്യാർഥികളുടെ യാത്രാക്ലേശം പരിഹരിക്കുന്നതിന്​ ഗോത്രസാരഥി പദ്ധതി എത്രയും വേഗം പുനരാരംഭിക്കണമെന്ന്​ ആവശ്യപ്പെട്ട്​ ഫ്രറ്റേണിറ്റി മൂവ്മൻെറ്​ ജില്ല പ്രസിഡൻറ്​ അൻഷാദ് അടിമാലി ജില്ല ട്രൈബൽ ഡിപ്പാർട്​മൻെറ്​ ഓഫിസർക്ക് നിവേദനം നൽകി. ഗോത്രവർഗ-ആദിവാസി മേഖലകളിൽനിന്ന്​ അടക്കം വിദ്യാർഥികളെ സ്കൂളുകളിൽ എത്തിക്കാനായി ഗോത്ര സാരഥി പദ്ധതിയിലൂടെ കഴിഞ്ഞിരുന്നു. സമാന്തര വാഹനങ്ങൾ സർവിസ്​ നടത്തുന്ന ഈ മേഖലകളിൽനിന്ന്​ കുട്ടികളെ സ്​കൂളിലയക്കുന്നത്​ രക്ഷിതാക്കൾക്ക് താങ്ങാവുന്നതിന്​ അപ്പുറമാണ്. പീരുമേട് താലൂക്കിലെ വിവിധ ആദിവാസി ഊരുകളിൽ പദ്ധതി മുടങ്ങിയിട്ട് നാളുകളായി. പദ്ധതി നിലച്ചതു മൂലം വിദ്യാർഥികൾ ആനത്താരകൾ അടക്കം ദുർഘടപാത കിലോമീറ്ററുകളോളം നടന്നുവേണം സ്കൂളിൽ എത്താൻ. അവരിൽ ഏറിയപങ്കും പഠനം ഉപേക്ഷിക്കേണ്ടുന്ന സ്ഥിതിയുണ്ട്. വിഷയത്തിൽ ജില്ല ട്രൈബൽ ഡിപ്പാർട്​മൻെറിൽ നിന്നും അടിയന്തര ഇടപെടൽ ഉണ്ടാകണമെന്നും ആശങ്ക പരിഹരിച്ച്​ പദ്ധതിയുടെ മുന്നോട്ട്​ പോക്കിന്​ ആവശ്യമായ ഫണ്ട് അനുവദിക്കണമെന്നും ഫ്രറ്റേണിറ്റി ആവശ്യപ്പെട്ടു. ജില്ല ജനറൽ സെക്രട്ടറി ജസ്ന ഹബീബ്, സഫ്​വ കെ.കെ, മുഹമ്മദ് റാസിഖ് തുടങ്ങിയവർ നിവേദകസംഘത്തിലുണ്ടായിരുന്നു. -------------- വിലക്കയറ്റം തടയണം -വനിതലീഗ് തൊടുപുഴ: പെട്രോളിയം, പാചക വാതക വിലവര്‍ധന പിടിച്ചുനിര്‍ത്താന്‍ കേന്ദ്ര-സംസ്ഥാന സര്‍ക്കാറുകള്‍ അടിയന്തര നടപടി സ്വീകരിക്കണമെന്ന്​ വനിതലീഗ് ജില്ല കൗണ്‍സില്‍ യോഗം ആവശ്യപ്പെട്ടു. ജില്ല ലീഗ് ഹൗസില്‍ ചേര്‍ന്ന യോഗത്തില്‍ ജില്ല പ്രസിഡൻറ്​ ഷാനിത അലിയാര്‍ അധ്യക്ഷത വഹിച്ചു. മുസ്​ലിം ലീഗ് ജില്ല സെക്രട്ടറി ടി.എസ്. ഷംസുദ്ദീന്‍, നിയോജകമണ്ഡലം ജനറൽ സെക്രട്ടറി കെ.എച്ച്. അബ്​ദുൽ ജബ്ബാര്‍, വനിതലീഗ് സംസ്ഥാന കമ്മിറ്റി അംഗം ജുബൈരിയ ഷുക്കൂര്‍ എന്നിവർ സംസാരിച്ചു. ഇടവെട്ടി പഞ്ചായത്ത് പ്രസിഡൻറ്​ ഷീജ നൗഷാദ്, കുമാരമംഗലം പഞ്ചായത്ത് പ്രസിഡൻറ്​ ഷെമീന നാസര്‍, സാഹിറ സക്കീര്‍, കൗണ്‍സിലര്‍മാരായ റസിയ കാസിം, സാബിറ ജലീല്‍, പഞ്ചായത്ത്​ അംഗം ലൈല കരീം, സൗദ അബ്​ദുല്‍ റഹ്​മാന്‍ തുടങ്ങിയവര്‍ ചര്‍ച്ചയില്‍ പങ്കെടുത്തു. ജില്ല ജനറല്‍ സെക്രട്ടറി ഷഹന ജാഫര്‍ സ്വാഗതവും ട്രഷറര്‍ ബീമ അനസ് നന്ദിയും പറഞ്ഞു.