തേയിലത്തോട്ടത്തിൽ പുലിയുടെ അഴുകിയ ജഡം

കുമളി: ചെങ്കരയിലെ തേയിലത്തോട്ടത്തിൽ പുലിയുടെ അഴുകിത്തുടങ്ങിയ ജഡം കണ്ടെത്തി. മൂന്ന്​ വയസ്സ്​ വരുന്ന ആൺപുലിയുടെ ജഡമാണ് കണ്ടെത്തിയത്. മരണകാരണം കണ്ടെത്തിയിട്ടില്ല. വായ്ക്കുള്ളിൽ മുള്ളൻപന്നിയുടെ മുള്ള് തറച്ചതായി പോസ്​റ്റ്മോർട്ടത്തിൽ കണ്ടെത്തിയിരുന്നു. ദേശീയ കടുവ സംരക്ഷണ അതോറിറ്റിയുടെ ചട്ടപ്രകാരം വനം വകുപ്പ് അധികൃതർ കടുവ സംരക്ഷണ അതോറിറ്റി പ്രതിനിധി, പഞ്ചായത്ത്​ അംഗം എന്നിവരുടെ സാന്നിധ്യത്തിൽ രണ്ട് ഡോക്ടർമാരുടെ മേൽനോട്ടത്തിൽ പോസ്​റ്റ്മോർട്ടം ചെയ്തശേഷം കത്തിച്ച് നശിപ്പിച്ചു. ഇതേ തേയിലത്തോട്ടത്തിൽനിന്ന്​ മുമ്പ് പുലിയെ വനപാലകർ പിടികൂടി കാട്ടിൽ തുറന്നുവിട്ടിരുന്നു. ......