മലങ്കര ഡാമിലെ ജലനിരപ്പ് താഴ്ന്നു; കുടിവെള്ള ​​സ്രോതസ്സുകൾ വറ്റിത്തുടങ്ങി

P2 LEAD... * അണ​ക്കെട്ടിലെ ഷട്ടർ അടക്കണമെന്ന് നാട്ടുകാർ മുട്ടം: മലങ്കര ഡാമിലെ ജലനിരപ്പ് താഴ്ന്നുതുടങ്ങിയതോടെ കുടിവെള്ള ശ്രോതസ്സുകൾ വറ്റിത്തുടങ്ങി. മലങ്കര ഡാമി​ൻെറ തീരങ്ങളിലും സമീപങ്ങളിലുമായി ചെറുതും വലുതുമായ നൂറുകണക്കിന് കുടിവെള്ള ശ്രോതസ്സുകളാണ്​ ഉള്ളത്. കഴിഞ്ഞ ആറുമാസത്തിലധികമായി മലങ്കര ഡാമിലെ ഷട്ടറുകൾ ആറും ഉയർത്തി ജലം പുറത്തേക്കൊഴുക്കുകയാണ്​. ഇതുമൂലം മലങ്കര ഡാമി​ൻെറ വൃഷ്​ടിപ്രദേശത്ത് ജലനിരപ്പ് താഴുകയും കിണറുകളിലെയും കുളങ്ങളിലെയും ജലനിരപ്പ് താഴുകയുമായിരുന്നു. മഴ ലഭിച്ചുകൊണ്ടിരുന്നതിനാലും ഡാമിലേക്ക് നീരൊഴുക്ക്​ വന്നിരുന്നതിനാലും ഇതുവരെ കുടിവെള്ള ക്ഷാമം ഉണ്ടായിരുന്നില്ല. എന്നാൽ, മഴമാറി വെയിൽ കടുത്തതോടെ വീടുകളിലെ ഉൾ​െപ്പടെ കിണറുകൾ വറ്റിത്തുടങ്ങി. ജലനിരപ്പ് താഴ്ന്നതോടെ ജലാശയത്തിൽ വെച്ചിരുന്ന മോട്ടറുകൾ മിക്കതും കരയിലായി. ജല വകുപ്പി​ൻെറ ഉൾ​െപ്പടെ നിരവധി കുടിവെള്ള പദ്ധതികളാണ് മലങ്കര ജലാശയത്തെ ആശ്രയിച്ച് ഉള്ളത്​. മലങ്കര ഡാമിലെ ഷട്ടറുകൾ താഴ്ത്തി ജലനിരപ്പ് ഉയർത്തിയാൽ നിലവിലെ പ്രതിസന്ധി പരിഹരിക്കാനാകും. എന്നാൽ, ജനുവരി അഞ്ചാം തീയതിയോട് കൂടി മാത്രമെ ഷട്ടറുകൾ താഴ്ത്തുകയുള്ളൂവെന്നാണ്​ അധികൃതർ പറയുന്നത്. കൃഷി ആവശ്യങ്ങൾക്കായി കനാലുകളിലേക്ക് വെള്ളം ഒഴുക്കുന്നതിന് വേണ്ടിയാണ്​ ഷട്ടറുകൾ അടക്കുന്നത്. പ്രതിസന്ധി പരിഹരിക്കാൻ അധികൃതർ ഇടപെടണമെന്നാണ് നാട്ടുകാരുടെ ആവശ്യം. TDL MALANKARA ഡാമിലെ ജലനിരപ്പ് താഴ്ന്നതോടെ കരയിൽ ഉയർന്നുനിൽക്കുന്ന കുടിവെള്ള കിണർ എ​െന്താരു ചൂട്​ തൊടുപുഴ: ജില്ലയിൽ തൊടുപുഴ ഉൾപ്പെടെ ലോറേഞ്ച് മേഖലകളിൽ പകൽ ചൂട്​ വർധിക്കുന്നു. ഹൈറേഞ്ചി​ൻെറ പല ഭാഗങ്ങളിലും പുലർച്ചയും രാത്രിയും തണുപ്പും പകൽ ചൂടും കൂടിവരികയാണ്​. വരണ്ട കാറ്റുംകൂടിയായ​തോടെ ജനങ്ങൾക്ക്​ ചൂട്​ വലിയ ബുദ്ധിമുട്ടാണ്​ സൃഷ്​ടിക്കുന്നത്​. ഈ സ്ഥിതി തുടർന്നാൽ പല പ്രദേശങ്ങളും വൈകാതെ വരണ്ട​ുണങ്ങിത്തുടങ്ങും. ഈ തുലാമഴക്കാലത്ത് 126 ശതമാനം അധിക മഴ ജില്ലയിൽ പെയ്തതായാണ് കേന്ദ്ര കാലാവസ്ഥ വകുപ്പി​ൻെറ കണക്കുകൾ ചൂണ്ടിക്കാട്ടുന്നത്​. ഒക്ടോബർ, നവംബർ മാസങ്ങളിൽ അസാധാരണമായ മഴയാണ് ലഭിച്ചത്. അതേസമയം, ഈ മാസം കാര്യമായി മഴയുണ്ടായില്ല. ഡിസംബറിൽ കുളിരുള്ള കാലാവസ്ഥ പ്രതീക്ഷിച്ചിരിക്കെ, ഇപ്പോൾ ദിവസങ്ങളായി പൊള്ളിക്കുന്ന ചൂടാണ് ഹൈറേഞ്ചിൽ തന്നെ പലയിടങ്ങളിലും. രണ്ടാഴ്ചക്കിടയിലാണ് കാലാവസ്ഥയിലെ ഈ മാറ്റം.