ഹരിത കർമസേനക്ക് യൂനിഫോം

മുട്ടം: ഗ്രാമപഞ്ചായത്തിലെ ഹരിത കർമസേനാംഗങ്ങൾക്ക് യൂനിഫോം വിതരണം ചെയ്തു. ഓരോ വാർഡിൽനിന്നും രണ്ട്​ ആളുകളെയാണ് കർമസേന അംഗങ്ങളായി തെരഞ്ഞെടുത്തത്. 26 പേർക്കായി രണ്ട്​ ജോഡി യൂനിഫോം, തിരിച്ചറിയൽ കാർഡ്, ഗ്ലൗസ്, മാസ്ക് സാനിറ്റൈസർ എന്നിവയാണ് വിതരണം ചെയ്തത്. പ്രസിഡന്‍റ്​ ഷൈജ ജോമോൻ വിതരണോദ്ഘാടനം നിർവഹിച്ചു. ബ്ലോക്ക്‌ പഞ്ചായത്ത്‌ വൈസ് പ്രസിഡന്‍റ്​ എൻ.കെ. ബിജു, പഞ്ചായത്ത്‌ വൈസ് പ്രസിഡന്‍റ്​ മാത്യു പാലംപറമ്പിൽ, അഡ്വ. അരുൺ ചെറിയാൻ, ബ്ലോക്ക് മെംബർ ഗ്ലോറി പൗലോസ്, ബിജോയ്‌ ജോൺ, മേഴ്‌സി ദേവസ്യ, ഷേർളി അഗസ്റ്റിൻ, റെജി ഗോപി, റെൻസി സുനീഷ് പഞ്ചായത്ത്‌ സെക്രട്ടറി ഷീബ കെ. സാമുവൽ എന്നിവർ സംസാരിച്ചു. idl mltm 2 മുട്ടം പഞ്ചായത്തിൽ ഹരിത കർമസേനക്കുള്ള യൂനിഫോം വിതരണം പ്രസിഡൻറ് ഷൈജ ജോമോൻ ഉദ്ഘാടനം ചെയ്യുന്നു