ചാണകക്കുഴിയിലെ മാലിന്യം കുടിവെള്ള സ്രോതസ്സിലേക്ക്​

നെടുങ്കണ്ടം: ഒഴുകുന്നതായി പരാതി. നെടുങ്കണ്ടം പഞ്ചായത്ത് 21ാം വാര്‍ഡില്‍ സ്ഥിരതാമസക്കാരനായ മഞ്ഞപ്പാറ ചള്ളിലപൊയ്കയില്‍ വര്‍ഗീസിന്‍റെ ഓലിയിലേക്കാണ് അയല്‍വാസിയുടെ പുരയിടത്തിൽനിന്ന്​ മാലിന്യം ഒഴുകിയെത്തുന്നത്. ആറുസെന്‍റ്​ സ്ഥലത്തെ കൊച്ചുവീട്ടിലാണ് വര്‍ഗീസും കുടുംബവും താമസിക്കുന്നത്. ഇവരുടെ അടുക്കളയുടെ സമീപത്താണ് തൊഴുത്ത്​. ഇത് ഒലിച്ചിറങ്ങി കുടിവെള്ളം മലിനമാകുന്നതായാണ് പരാതി. നാലടി മാത്രം താഴ്ചയുള്ളതാണ് ഓലി. ആരോഗ്യ വകുപ്പിലും നെടുങ്കണ്ടം പഞ്ചായത്തിലും ജില്ല കലക്ടർക്കും മുഖ്യമന്ത്രിക്കും പരാതി നൽകിയിട്ടും നടപടി സ്വീകരിച്ചില്ലെന്നും പറയുന്നു.