യുവാവിന്​ വെട്ടേറ്റു

ചെറുതോണി: മദ്യലഹരിയിൽ ഉണ്ടായ ഏറ്റുമുട്ടിലിനിടെ . കഴുത്തിനും വയറിനും വെട്ടേറ്റ് ഗുരുതരനിലയിൽ മക്കുവള്ളി സ്വദേശി മണ്ണൂർ വീട്ടിൽ പ്രാണിനെ (37) തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഞായറാഴ്ച വൈകീട്ടോടെ മൈലപ്പുഴക്കും മക്കുവള്ളിക്കുമിടയിലാണ് സംഭവം. വെൺമണിയിൽനിന്നും വന്ന ഓട്ടോറിക്ഷ ​ഡ്രൈവറെ ബൈക്കിൽ വരുകയായിരുന്ന പ്രാൺ മദ്യലഹരിയിൽ തടഞ്ഞു നിർത്തിയിരുന്നു. തുടർന്ന്​ ഉണ്ടായ വാക്കുതർക്കമാണ്​ സംഘർഷത്തിൽ കലാശിച്ചത്​. ഇടുക്കി കഞ്ഞിക്കുഴി പൊലീസ് അന്വേഷണമാരംഭിച്ചു