ഉപതെരഞ്ഞെടുപ്പ്: 17ന് പ്രാദേശിക അവധി

ഇടുക്കി: ജില്ലയില്‍ ഉടുമ്പന്നൂര്‍ ഗ്രാമപഞ്ചായത്തിലെ വാര്‍ഡ് 12 വെള്ളാന്താനം, അയ്യപ്പന്‍കോവില്‍ പഞ്ചായത്തിലെ വാര്‍ഡ് നാല്​ ചേമ്പളം, ഇടമലക്കുടി പഞ്ചായത്തിലെ വാര്‍ഡ് 11ആണ്ടവന്‍കുടി എന്നീ വാര്‍ഡുകളില്‍ മേയ് 17ന് നടക്കുന്ന ഉപതെരഞ്ഞെടുപ്പിന്​ ഒരുക്കം പൂര്‍ത്തിയായതായി കലക്ടര്‍ അറിയിച്ചു. ഉപതെരഞ്ഞെടുപ്പ് നടക്കുന്ന വാര്‍ഡുകളിലെ ജീവനക്കാര്‍ പ്രസ്തുത വാര്‍ഡുകളിലെ വോട്ടെറാണെന്ന് തെളിയിക്കുന്ന രേഖ സഹിതം അപേക്ഷിച്ചാൽ സ്വന്തം പോളിങ്​ സ്റ്റേഷനില്‍ വോട്ട് ചെയ്യുന്നതിന് പ്രത്യേക അനുമതി നല്‍കും. ഉപതെരഞ്ഞെടുപ്പ് ദിനമായ 17ന് വോട്ടെടുപ്പ് നടക്കുന്ന വാർഡുകളിലെ എല്ലാ സര്‍ക്കാര്‍ സ്ഥാപനങ്ങള്‍ക്കും വിദ്യാഭ്യാസ സ്ഥാപനങ്ങള്‍ക്കും പ്രാദേശിക അവധി പ്രഖ്യാപിച്ചു. ഇൗ വാര്‍ഡുകളില്‍ മേയ് 15 വൈകീട്ട് ആറ്​ മുതല്‍ വോട്ടെണ്ണല്‍ ദിനമായ മേയ് 18വരെ മദ്യഷാപ്പുകളും ബിവറേജസ്, മദ്യവിൽപനശാലകളും അടച്ചിടാൻ കലക്ടര്‍ ഉത്തരവിട്ടു. ആധാരം ഓഫിസുകൾക്ക്​ നാളെ അവധി തൊടുപുഴ: ആധാരം എഴുത്ത് അസോസിയേഷന്‍ 23ാം സംസ്ഥാന സമ്മേളനം മേയ് 12, 13, 14 തീയതികളില്‍ കൊല്ലത്ത്​ നടക്കുന്നതിനാല്‍ വെള്ളിയാഴ്ച ഇടുക്കി ജില്ലയിലെ ആധാരം എഴുത്ത് ഓഫിസുകള്‍ക്ക് ആവധി ആയിരിക്കുമെന്ന് ജില്ല പ്രസിഡന്‍റ് ടി.എസ്. ഷംസുദ്ദീന്‍ സെക്രട്ടറി പി. അനൂപ് എന്നിവര്‍ അറിയിച്ചു. റോഡ് സുരക്ഷാ ബോധവത്​കരണം കരിമണ്ണൂർ: കരിമണ്ണൂർ ജനമൈത്രി പൊലീസ്​ നേതൃത്വത്തിൽ ജനമൈത്രി യാത്ര സുരക്ഷ എന്ന പേരിൽ കരിമണ്ണൂർ പഞ്ചായത്തിലെ ഓട്ടോ-ടാക്‌സി ഡ്രൈവർമാർക്കായി റോഡ് സുരക്ഷ നിയമം, യാത്രക്കാരോടുള്ള പെരുമാറ്റം, ഡ്രൈവർമാർക്കുള്ള അവകാശങ്ങൾ, നിയമ പരിരക്ഷകൾ, ലഹരി ഉപയോഗം, ലഹരികടത്ത്, കുടുംബസുരക്ഷ, കുടുംബ ബജറ്റിങ് തുടങ്ങിയ വിഷയങ്ങളിൽ ബോധവത്​കരണ ക്ലാസ്​ നടത്തി. കരിമണ്ണൂർ പൊലീസ്​ ഇൻസ്പെക്ടർ സുമേഷ് സുധാകരൻ ഉദ്ഘാടനം ചെയ്തു. സബ്​ ഇൻസ്പെക്ടർ പി.എൻ. ദിനേശ് ക്ലാസ്​ എടുത്തു. ബീറ്റ് ഓഫിസർമാരായ ടി.എസ്​. ജമാൽ, പി.എ. ഷെരീഫ്, കെ.വി. ജിബിൻ എന്നിവർ സംസാരിച്ചു.