148 പേര്‍ക്ക് കോവിഡ്

തൊടുപുഴ: ജില്ലയില്‍ വെള്ളിയാഴ്​ച സ്ഥിരീകരിച്ചു. 7.44 ശതമാനമാണ് രോഗസ്ഥിരീകരണ നിരക്ക്. 208പേർ രോഗമുക്തി നേടി. തൊടുപുഴ 21, വാഴത്തോപ്പ് 14 എന്നീ മേഖലകളിലാണ് രോഗബാധ കൂടുതൽ. .............................. ഉപതെരഞ്ഞെടുപ്പ് ഏഴിന് ഇടുക്കി: ഇടമലക്കുടി ഗ്രാമപഞ്ചായത്തിലെ ഇടലിപ്പാറക്കുടി വാര്‍ഡിലും രാജാക്കാട് പഞ്ചായത്തിലെ കുരിശുംപടി വാര്‍ഡിലും ഉപതെരഞ്ഞെടുപ്പ് ഡിസംബര്‍ ഏഴിന് നടക്കും. തെരഞ്ഞെടുപ്പ് ദിവസം പ്രദേശങ്ങളിലെ വിദ്യാഭ്യാസ സ്ഥാപനങ്ങൾ, സർക്കാർ ഓഫിസുകൾ, തദ്ദേശ സ്ഥാപനങ്ങൾ, സർക്കാർ സംരംഭങ്ങൾ, കോർപറേഷൻ, പൊതുമേഖല സ്ഥാപനങ്ങൾ എന്നിവക്ക്​ പ്രാദേശിക അവധിയായിരിക്കും. കുരിശുംപടി, വടക്കേ ഇടലിപ്പാറക്കുടി എന്നിവിടങ്ങളിൽ അഞ്ചിന്​ വൈകീട്ട് ആറ്​ മുതൽ ഏഴിന്​ വൈകീട്ട് ആറ്​ വരെ മദ്യനിരോധനം ഏർപ്പെടുത്തി കലക്​ടർ ഉത്തരവ്​ പുറപ്പെടുവിച്ചു. .......................... പെർമിറ്റ്​ പകർപ്പ്​ ഹാജരാക്കണം തൊടുപുഴ: റൂട്ട് മാനേജ്മൻെറ് സംവിധാനം നടപ്പാക്കുന്നതുമായി ബന്ധപ്പെട്ട് ഇടുക്കി റീജനല്‍ ട്രാന്‍സ്പോര്‍ട്ട് ഓഫിസില്‍നിന്ന്​ അനുവദിച്ച ബസ്​ പെർമിറ്റി​ൻെറയും ടൈം ഷീറ്റി​ൻെറയും സ്വയം സാക്ഷ്യപ്പെടുത്തിയ പകർപ്പ്​ ഡിസംബര്‍ എട്ടിനകം ഓഫിസില്‍ ഹാജരാക്കണമെന്ന് അധികൃതർ അറിയിച്ചു. ...................... മുല്ലപ്പെരിയാർ: പെരിയാർ തീരത്ത്​ ജാഗ്രത ഇടുക്കി: മുല്ലപ്പെരിയാര്‍ അണക്കെട്ടിലെ ജലനിരപ്പ്​ പരാമവധി സംഭരണ ശേഷിയായ 142 അടിയിലെത്തിയ സാഹചര്യത്തില്‍ ഏത് സമയത്തും സ്പില്‍വേയിലൂടെ അധികജലം പുറത്തേക്കൊഴുക്കാൻ സാധ്യത. പെരിയാര്‍ നദിയിലെ ജലനിരപ്പ് ഉയരുന്നതനുസരിച്ച് ഇരുകരകളിലും താമസിക്കുന്നവര്‍ ജാഗ്രത പാലിക്കണമെന്നും ക്യാമ്പുകളായി കണ്ടെത്തിയ സുരക്ഷിത സ്ഥാനങ്ങളിലേക്ക് ആവശ്യമെങ്കിൽ അടിയന്തരമായി മാറിത്താമസിക്കണമെന്നും കലക്​ടർ അറിയിച്ചു. സ്പില്‍വേയിലൂടെ അധിക ജലം തമിഴ്‌നാട് സര്‍ക്കാര്‍ പുറത്തേക്കൊഴുക്കുന്നത് സംബന്ധിച്ച അറിയിപ്പ് ജില്ല ഭരണകൂടത്തിന് ലഭിച്ചയുടന്‍ പൊതുജനങ്ങളെ അറിയിക്കും. പരിമിതമായ സമയം മാത്രമാണ് ഇതിന്​ ലഭിക്കുന്നതെന്നും അധികൃതർ വ്യക്തമാക്കി.