ഇടുക്കിയി​ൽ 2700 അ​ർ​ബു​ദ ബാ​ധി​ത​ർ; ചി​കി​ത്സ സൗ​ക​ര്യ​ങ്ങ​ളു​ടെ അ​ഭാ​വം വെ​ല്ലു​വി​ളി

തൊ​ടു​പു​ഴ: ജി​ല്ല​യി​ൽ അ​ർ​ബു​ദ ബാ​ധി​ത​രു​ടെ എ​ണ്ണം വ​ർ​ധി​ച്ചു​വ​രു​മ്പോ​ഴും മെ​ഡി​ക്ക​ൽ കോ​ള​ജി​ലും ജി​ല്ല ആ​ശു​പ​​ത്രി​ക​ളി​ലും മെ​ച്ച​പ്പെ​ട്ട ചി​കി​ത്സ സൗ​ക​ര്യ​മി​ല്ലാ​ത്ത​ത്​ ദു​രി​ത​മാ​കു​ന്നു.

ജി​ല്ല​യി​ലെ രോ​ഗി​ക​ളു​ടെ എ​ണ്ണം നാ​ൾ​ക്കു​നാ​ൾ വ​ർ​ധി​ച്ചു​വ​രു​ക​യാ​ണെ​ന്നാ​ണ്​ ക​ണ​ക്കു​ക​ൾ വ്യ​ക്ത​മാ​ക്കു​ന്ന​ത്​. ഏ​റ്റ​വും ഒ​ടു​വി​ൽ ല​ഭ്യ​മാ​യ ക​ണ​ക്കു​പ്ര​കാ​രം അ​ർ​ബു​ദ ബാ​ധി​ത​രു​ടെ എ​ണ്ണം 2700 ആ​ണ്. ആ​ശു​പ​ത്രി​ക​ളി​ൽ​നി​ന്നും പ​ഞ്ചാ​യ​ത്തു​ക​ളി​ൽ​നി​ന്നും ശേ​ഖ​രി​ച്ച ക​ണ​ക്കാ​ണി​ത്.

തൊ​ടു​പു​ഴ ജി​ല്ല ആ​ശു​പ​ത്രി​യി​ൽ കീ​മോ​തെ​റ​പ്പി യൂ​നി​റ്റ് ഉ​ണ്ടെ​ന്ന​ത് മാ​ത്ര​മാ​ണ് രോ​ഗി​ക​ൾ​ക്ക് അ​ൽ​പം ആ​ശ്വാ​സം. വ​ർ​ഷ​ങ്ങ​ളാ​യി ആ​വ​ശ്യം ഉ​യ​രു​ന്നു​ണ്ടെ​ങ്കി​ലും ഹൈ​റേ​ഞ്ചി​ലെ പ്ര​ധാ​ന സ​ർ​ക്കാ​ർ ആ​ശു​പ​ത്രി​യാ​യ ഇ​ടു​ക്കി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ അ​ർ​ബു​ദ ചി​കി​ത്സ​ക്കു​ള്ള അ​ടി​സ്ഥാ​ന സൗ​ക​ര്യ​ങ്ങ​ൾ പോ​ലും ഇ​തു​വ​രെ ഒ​രു​ക്കി​യി​ട്ടി​ല്ല. ജി​ല്ല​യി​ൽ ഓ​രോ വ​ർ​ഷ​വും കാ​ൻ​സ​ർ രോ​ഗി​ക​ളു​ടെ എ​ണ്ണ​ത്തി​ൽ 10-15 ശ​ത​മാ​നം വ​ർ​ധ​ന ഉ​ണ്ടാ​കു​ന്ന​താ​യാ​ണ്​ ആ​രോ​ഗ്യ​വ​കു​പ്പി​ന്റെ വി​ല​യി​രു​ത്ത​ൽ. സ്ത​നാ​ർ​ബു​ദം, ശ്വാ​സ​കോ​ശാ​ർ​ബു​ദം എ​ന്നി​വ​യാ​ണ് കൂ​ടു​ത​ലാ​യും ക​ണ്ടു​വ​രു​ന്ന​ത്. ന​ഗ​ര​സ​ഭ-​തോ​ട്ടം മേ​ഖ​ല​ക​ളി​ലാ​ണ്​ അ​ർ​ബു​ധ​ബാ​ധി​ത​രു​ടെ എ​ണ്ണം കൂ​ടി​വ​രു​ന്ന​ത്.

കാ​ൻ​സ​ർ പ​രി​ശോ​ധ​ന​ക്കും ചി​കി​ത്സ​ക്കും മാ​ർ​ഗ​ങ്ങ​ൾ ഇ​ല്ലാ​ത്ത​ത് ഹൈ​റേ​ഞ്ചി​ലെ സാ​ധാ​ര​ണ​ക്കാ​രെ ബു​ദ്ധി​മു​ട്ടി​ലാ​ക്കു​ന്നു. രോ​ഗം സ്ഥി​രീ​ക​രി​ച്ച്​ ക​ഴി​ഞ്ഞാ​ൽ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യാ​ണ് ഇ​ടു​ക്കി​ക്കാ​ർ​ക്ക് അ​ടു​ത്ത ചി​കി​ത്സ​കേ​ന്ദ്രം. അ​ല്ലെ​ങ്കി​ൽ തി​രു​വ​ന​ന്ത​പു​രം റീ​ജ​ന​ൽ കാ​ൻ​സ​ർ സെ​ന്‍റ​റി​ലെ​ത്ത​ണം.

വാ​ക്കു​പാ​ലി​ക്കാ​തെ ആ​രോ​ഗ്യ​മ​ന്ത്രി

ചെ​റു​തോ​ണി: ഏ​റ്റ​വും കൂ​ടു​ത​ൽ രോ​ഗി​ക​ളു​ള്ള ഹൈ​റേ​ഞ്ച് മേ​ഖ​ല​യി​ൽ അ​ർ​ബു​ദ ചി​കി​ത്സ​കേ​ന്ദ്രം വേ​ണ​മെ​ന്ന ആ​വ​ശ്യ​ത്തോ​ട്​ മു​ഖം​തി​രി​ച്ച്​ അ​ധി​കൃ​ത​ർ. ഇ​ടു​ക്കി​യി​ൽ​നി​ന്ന്​ മ​ണി​ക്കൂ​റു​ക​ൾ യാ​ത്ര ചെ​യ്ത് കോ​ട്ട​യം മെ​ഡി​ക്ക​ൽ കോ​ള​ജി​ലും തി​രു​വ​ന​ന്ത​പു​രം ആ​ർ.​സി.​സി​യി​ലും എ​ത്തി​യാ​ണ് രോ​ഗി​ക​ൾ ഇ​പ്പോ​ൾ ചി​കി​ത്സ തേ​ടു​ന്ന​ത്. യാ​ത്ര സൗ​ക​ര്യ​മി​ല്ലാ​ത്ത​തി​നാ​ൽ വ​ൻ തു​ക വാ​ട​ക കൊ​ടു​ത്ത് വാ​ഹ​നം വി​ളി​ച്ച്​ പോ​കു​ന്ന​വ​രും തി​രു​വ​ന​ന്ത​പു​ര​ത്ത് മു​റി​യെ​ടു​ത്ത് താ​മ​സി​ച്ച് ചി​കി​ത്സ തേ​ടു​ന്ന​വ​രും ഉ​ണ്ട്.

ഒ​രു​ത​വ​ണ കീ​മോ ചെ​യ്യാ​ൻ ഏ​ഴാ​യി​രം മു​ത​ൽ പ​തി​നാ​യി​രം​വ​രെ ചെ​ല​വ് ആ​കു​മ്പോ​ൾ യാ​ത്ര​ക്കു വേ​ണ്ടി​യും തു​ക ക​ണ്ടെ​ത്താ​ൻ സാ​ധാ​ര​ണ​ക്കാ​രാ​യ ഇ​ടു​ക്കി​യി​ലെ ജ​ന​ങ്ങ​ൾ ക​ഷ്ട​പ്പെ​ടു​ക​യാ​ണ്. ഇ​ടു​ക്കി മെ​ഡി​ക്ക​ൽ കോ​ള​ജി​നോ​ട് ചേ​ർ​ന്ന് അ​ർ​ബു​ദ ഡ​യ​ഗ്​​നോ​സ്റ്റി​ക്​ സെ​ന്റ​റും തു​ട​ർ​ചി​കി​ത്സ​ക്ക്​ ആ​വ​ശ്യ​മാ​യ സം​വി​ധാ​ന​ങ്ങ​ളും ആ​രം​ഭി​ക്ക​ണ​മെ​ന്ന ആ​വ​ശ്യ​വും പ​രി​ഗ​ണി​ക്ക​പ്പെ​ട്ടി​ട്ടി​ല്ല. 2021 ആ​ഗ​സ്റ്റി​ൽ ഇ​ടു​ക്കി മെ​ഡി​ക്ക​ൽ കോ​ള​ജി​ൽ ചേ​ർ​ന്ന യോ​ഗ​ത്തി​ൽ അ​ർ​ബു​ദ ചി​കി​ത്സ​കേ​ന്ദ്ര​വും ഹൃ​ദ്രോ​ഗ ചി​കി​ത്സ വി​ഭാ​ഗ​വും ഉ​ട​ൻ ആ​രം​ഭി​ക്കു​മെ​ന്ന് മ​ന്ത്രി വീ​ണ ജോ​ർ​ജ് ഉ​റ​പ്പു​ന​ൽ​കി​യി​രു​ന്നു. മ​ന്ത്രി റോ​ഷി അ​ഗ​സ്റ്റി​ൻ, എം.​എം. മ​ണി എം.​എ​ൽ.​എ, ക​ല​ക്ട​ർ, ഡി.​എം.​ഒ തു​ട​ങ്ങി​യ​വ​രു​ടെ സാ​ന്നി​ധ്യ​ത്തി​ൽ ന​ൽ​കി​യ വാ​ക്കും പാ​ലി​ക്ക​പ്പെ​ട്ടി​ല്ല.