ആറംഗ കുടുംബത്തിന് ഒറ്റമുറി കെട്ടിടത്തില്‍ ദുരിതജീവിതം

കു​ട​യ​ത്തൂ​ർ: ഒ​രു കു​ടും​ബ​ത്തെ​യൊ​ന്നാ​കെ ഉ​രു​ളെ​ടു​ത്ത കു​ട​യ​ത്തൂ​ർ സം​ഗ​മം ക​വ​ല​യി​ലെ മാ​ളി​യേ​ക്ക​ൽ കോ​ള​നി​യി​ൽ​നി​ന്ന്​ അ​പ​ക​ട​ഭീ​ഷ​ണി​യെ​ത്തു​ട​ർ​ന്ന്​ മാ​റ്റി​പ്പാ​ർ​പ്പി​ച്ച തോ​ട്ടും​ക​ര​യി​ൽ ഷാ​ജി​ദ​ക്കും ആ​റം​ഗ കു​ടും​ബ​ത്തി​നും ഒ​റ്റ​മു​റി കെ​ട്ടി​ട​ത്തി​ൽ ദു​രി​ത​ജീ​വി​തം.

ക​ഴി​ഞ്ഞ ആ​ഗ​സ്റ്റ്​ 29നു​ണ്ടാ​യ ഉ​രു​ൾ​പൊ​ട്ട​ലി​ൽ വീ​ട് ത​ക​ർ​ന്ന​തി​നെ തു​ട​ർ​ന്നാ​ണ്​ ഇ​വ​രെ കു​ട​യ​ത്തൂ​രി​ലെ വ​നി​ത പ​രി​ശീ​ല​ന കേ​ന്ദ്ര​ത്തി​ലേ​ക്ക്​ മാ​റ്റി​യ​ത്. ന​ഷ്ട​പ​രി​ഹാ​രം പ്ര​ഖ്യാ​പ​ന​ത്തി​ലൊ​തു​ങ്ങി​യ​തോ​ടെ ഈ ​ദ​രി​ദ്ര കു​ടും​ബ​ത്തി​ന്‍റെ ജീ​വി​തം വ​ഴി​മു​ട്ടി​യ അ​വ​സ്ഥ​യാ​ണ്.

മൂ​ന്ന്​ കു​ട്ടി​ക​ളും ഭ​ർ​ത്താ​വും 72 വ​യ​സ്സു​ള്ള അ​മ്മ​യു​മ​ട​ങ്ങി​യ കു​ടും​ബം താ​ൽ​ക്കാ​ലി​ക ദു​രി​താ​ശ്വാ​സ കേ​ന്ദ്ര​ത്തി​ൽ വ​ലി​യ ക​ഷ്ട​പ്പാ​ടി​ലാ​ണ്. ഉ​പ​യോ​ഗി​ക്കാ​ൻ കൊ​ള്ളാ​വു​ന്ന ശൗ​ചാ​ല​യം പോ​ലു​മി​ല്ലാ​തെ​യാ​ണ് ഒ​മ്പ​തി​ലും എ​ട്ടി​ലും അ​ഞ്ചി​ലും പ​ഠി​ക്കു​ന്ന കു​ട്ടി​ക​ള​ട​ക്കം ക​ഴി​യു​ന്ന​ത്. ഇ​തി​നെ​ല്ലാം അ​യ​ൽ​വീ​ടു​ക​ളെ ആ​ശ്ര​യി​ക്ക​ണം. ഭ​ക്ഷ​ണം പാ​കം​ചെ​യ്യു​ന്ന​തും ഉ​റ​ങ്ങു​ന്ന​തും കു​ട്ടി​ക​ൾ പ​ഠി​ക്കു​ന്ന​തു​മെ​ല്ലാം ചെ​റി​യ ഒ​റ്റ മു​റി​യി​ലാ​ണ്. പ​ഠ​ന​ത്തി​ൽ മി​ടു​ക്ക​രാ​യ കു​ട്ടി​ക​ൾ​ക്ക്​ അ​തി​നു​ള്ള സൗ​ക​ര്യ​മി​ല്ലെ​ന്ന​താ​ണ്​ ഷാ​ജി​ദ​യു​ടെ ഏ​റ്റ​വും വ​ലി​യ സ​ങ്ക​ടം. ഇ​ട​ക്ക് ഷാ​ജി​ദ ക​ട​യി​ൽ ജോ​ലി ചെ​യ്തി​രു​ന്നു. സ​ലീ​മി​ന് ആ​ക്രി​ക്ക​ച്ച​വ​ട​മാ​ണ്. അ​തി​ൽ​നി​ന്ന്​ കാ​ര്യ​മാ​യ വ​രു​മാ​ന​മൊ​ന്നു​മി​ല്ല. ഉ​മ്മ​യും ഷാ​ജി​ദ​യും ചി​റ്റീ​ന്തി​ന്‍റെ ചൂ​ല് ചീ​കി​ക്കൊ​ടു​ക്കും. അ​തി​ന് ഒ​രെ​ണ്ണ​ത്തി​ന് 70 പൈ​സ​വെ​ച്ച്​ കി​ട്ടും. അ​ടു​ത്ത വ​ർ​ഷം മ​ക​ൾ പ​ത്താം ക്ലാ​സി​ലെ​ത്തും. അ​പ്പോ​ഴേ​ക്കെ​ങ്കി​ലും ക​യ​റി​ക്കി​ട​ക്കാ​നൊ​രു വീ​ടു​ണ്ടാ​ക​ണ​മെ​ന്നാ​ണ് ഈ ​ഉ​മ്മ​യു​ടെ ആ​ഗ്ര​ഹം.

30 സെ​ന്‍റ്​ സ്ഥ​ല​വും ചെ​റി​യൊ​രു വീ​ടു​മാ​ണ് ഇ​വ​ർ​ക്കു​ണ്ടാ​യി​രു​ന്ന​ത്. ഉ​രു​ൾ​പൊ​ട്ട​ലി​ൽ അ​യ​ൽ​പ​ക്ക​ത്തെ കു​ടും​ബം ഒ​ന്നാ​കെ ഒ​ലി​ച്ചു​പോ​യ​പ്പോ​ൾ ഇ​വ​ർ ത​ല​നാ​രി​ഴ​ക്ക്​ ര​ക്ഷ​പ്പെ​ട്ടു. ഷാ​ജി​ദ​യു​ടെ അ​യ​ൽ​വാ​സി​യാ​യ ചി​റ്റ​ടി​ച്ചാ​ലി​ൽ സോ​മ​ന്‍റെ അ​ഞ്ചം​ഗ കു​ടം​ബ​മാ​ണ് ദു​ര​ന്ത​ത്തി​ൽ മ​രി​ച്ച​ത്.

ഷാ​ജി​ദ​ക്കും കു​ടും​ബ​ത്തി​നും വീ​ടി​ന് സ്ഥ​ലം ന​ൽ​കാ​ൻ പ​ഞ്ചാ​യ​ത്ത് ത​യാ​റാ​ണ്. എ​ന്നാ​ൽ, അ​ത് നി​ർ​മി​ച്ചു​കൊ​ടു​ക്കാ​ൻ ഫ​ണ്ടി​ല്ലെ​ന്ന് വാ​ർ​ഡ്​ അം​ഗം പു​ഷ്പ വി​ജ​യ​ൻ പ​റ​യു​ന്നു.

ദു​ര​ന്ത​ത്തി​ൽ വീ​ട്​ പൂ​ർ​ണ​മാ​യും ന​ഷ്ട​പ്പെ​ട്ട​വ​ർ​ക്ക്​ സ​ർ​ക്കാ​ർ പ്ര​ഖ്യാ​പി​ച്ച പ​ത്ത്​ ല​ക്ഷം ല​ഭി​ച്ചാ​ൽ മാ​ത്ര​മേ ഈ ​ദ​രി​ദ്ര കു​ടും​ബ​ത്തി​ന് വീ​ട് സ്വ​ന്ത​മാ​കൂ.