ജീവനെടുത്ത്​ ഇരുമ്പ് തോട്ടിയും ഏണിയും

തൊടുപുഴ: വൈ​ദ്യു​തി​ലൈ​നു​ക​ൾ​ക്ക്​ സമീപം ഇരുമ്പ് തോട്ടികൾ അശ്രദ്ധമായി ഉപയോഗിക്കുന്നതുമൂലമുള്ള അപകടങ്ങൾ വർധിക്കുന്നു. ജില്ലയിൽ പൊതുജനങ്ങൾക്ക് ഉണ്ടാകുന്ന വൈദ്യുതി അപകടങ്ങളിൽ ഭൂരിഭാഗവും ഇരുമ്പുതോട്ടി ഉപയോഗിച്ച് ചക്ക, മാങ്ങ തുടങ്ങിയ ഫലങ്ങൾ പറിക്കുമ്പോഴാണെന്ന് അധികൃതർ പറയുന്നു.

മരത്തിനടുത്തുകൂടി വൈദ്യുതി ലൈനുകൾ കടന്നുപോകുന്നത് കണ്ടാലും സുരക്ഷിതമായി കായ്ഫലങ്ങൾ പറിക്കാനാകും എന്ന് കരുതി ജോലിയിൽ ഏർപ്പെട്ടവരാണ് അപകടത്തിൽപെട്ടവരിൽ ഭൂരിഭാഗവും. തുടക്കത്തിൽ ശ്രദ്ധയോടെയാണ് കായ് പറിക്കുന്നതെങ്കിലും അധികശക്തി തോട്ടിയിൽ പ്രയോഗിച്ച് കായ്ഫലങ്ങൾ പറിക്കുന്നതോടെ തോട്ടി ആടുകയും ലൈനിൽ തട്ടുകയും ചെയ്താണ് അപകടങ്ങൾ ഉണ്ടായതിലധികവും. എത്ര ശ്രദ്ധയോടെ ഉപയോഗിച്ചാലും ലോഹത്തോട്ടികൾ ലൈനിൽ വീഴാനുള്ള സാധ്യത കൂടുതലാണെന്ന് അധികൃതർ ചൂണ്ടിക്കാട്ടുന്നു.

കഴിഞ്ഞ ഒരു വർഷത്തിനിടെ ജില്ലയിൽ വൈദ്യുതാഘാതമേറ്റ് മരിച്ചത് 11 പേരാണ്. ഇതിൽ 10 പേരും സാധാരണക്കാരാണ്. ജില്ലയിൽ വൈദ്യുതി അപകടങ്ങൾ വർധിക്കുന്നതായാണ് ജില്ലതല വൈദ്യുതി അപകട നിവാരണ സമിതി യോഗം വിലയിരുത്തുന്നത്.അശ്രദ്ധയും അറിവില്ലായ്മയുമാണ് പല അപകടങ്ങൾക്കും കാരണമെന്നും ഇതൊഴിവാക്കാൻ കൂടുതൽ ജാഗ്രത അനിവാര്യമാണെന്നും അധികൃതർ പറയുന്നു. വൈദ്യുതി ലൈനുകൾക്ക് സമീപത്തെ ഫലവൃക്ഷങ്ങളിൽനിന്ന് ലോഹത്തോട്ടികൾ ഉപയോഗിച്ച് കായ്കളും മറ്റും പറിക്കാൻ ശ്രമിക്കരുതെന്ന് പലതവണ വൈദ്യുതി വകുപ്പ് മുന്നറിയിപ്പ് നൽകിയിട്ടും ഇത്തരം അപകടങ്ങൾ കുറയുന്നില്ല.

മൈ​ക്ക്​ അ​നൗ​ൺ​സ്​​മെ​ന്‍റും ബോ​ധ​വ​ത്​​ക​ര​ണ​വും

ജൂ​ൺ 29 ദേ​ശീ​യ വൈ​ദ്യു​തി സു​ര​ക്ഷ ദി​ന​ത്തോ​ട​നു​ബ​ന്ധി​ച്ച്​ മൈ​ക്ക് അ​നൗ​ൺ​സ്​​മെ​ന്‍റും സ​മൂ​ഹ മാ​ധ്യ​മ​ങ്ങ​ളി​ലൂ​ടെ ബോ​ധ​വ​ത്​​ക​ര​ണ​വും ശ​ക്ത​മാ​ക്കാ​നാ​ണ് തീ​രു​മാ​ന​മെ​ന്ന്​ ജി​ല്ല ഇ​ല​ക്​​ട്രി​ക്ക​ൽ ഇ​ൻ​സ്പെ​ക്ട​ർ ആ​ർ. രാ​ജേ​ഷ് ബാ​ബു പ​റ​ഞ്ഞു.അ​ശ്ര​ദ്ധ​മാ​യി വൈ​ദ്യു​തി ഉ​പ​ക​ര​ണ​ങ്ങ​ൾ കൈ​കാ​ര്യം ചെ​യ്യു​ന്ന​ത് കൂ​ടാ​തെ വീ​ടു​ക​ളി​ലും വ്യാ​പാ​ര സ്ഥാ​പ​ന​ങ്ങ​ളി​ലും മ​റ്റും ഇ.​എ​ൽ.​സി.​ബി/ ആ​ർ.​സി.​സി.​ബി സ്ഥാ​പി​ക്കാ​ത്ത​ത്, സു​ര​ക്ഷി​ത​മ​ല്ലാ​ത്ത രീ​തി​യി​ൽ താ​ൽ​ക്കാ​ലി​ക​മാ​യി വ​യ​ർ വ​ലി​ച്ചു​ള്ള ഉ​പ​യോ​ഗം, ബോ​ർ​ഡി​ന്‍റെ​യോ ഇ​ല​ക്​​ട്രി​ക്ക​ൽ ഇ​ൻ​സ്പെ​ക്ട​റേ​റ്റി​ന്‍റെ​യോ അ​നു​മ​തി​യി​ല്ലാ​തെ ജ​ന​റേ​റ്റ​റു​ക​ൾ സ്ഥാ​പി​ക്ക​ൽ വൈ​ദ്യു​തി​ത്തൂ​ണു​ക​ളി​ലും മ​റ്റും പ​ര​സ്യ​ബോ​ർ​ഡു​ക​ൾ, കൊ​ടി​തോ​ര​ണ​ങ്ങ​ൾ തു​ട​ങ്ങി​യ​വ സ്ഥാ​പി​ക്ക​ൽ, വൈ​ദ്യു​തി ലൈ​നി​ന്​ താ​ഴെ ഇ​രു​മ്പു​തൂ​ണു​ക​ൾ സ്ഥാ​പി​ക്ക​ൽ എ​ന്നി​വ​യെ​ല്ലാം അ​പ​ക​ട​ങ്ങ​ൾ വ​ർ​ധി​ക്കാ​ൻ കാ​ര​ണ​മാ​യി​ട്ടു​ണ്ടെ​ന്നാ​ണ്​ അ​ധി​കൃ​ത​രു​ടെ നി​ഗ​മ​നം.