അ​ടി​മാ​ലി പ​ഞ്ചാ​യ​ത്തി​ൽ വ​യോ​ജ​ന​ങ്ങ​ള്‍ക്ക് എ​ത്തി​ച്ച ക​ട്ടി​ലു​ക​ള്‍ ഗു​ണ​നി​ല​വാ​ര​മി​ല്ലാ​ത്ത​തെ​ന്ന്​

അ​ടി​മാ​ലി: അ​ടി​മാ​ലി പ​ഞ്ചാ​യ​ത്ത് വ​യോ​ജ​ന​ങ്ങ​ള്‍ക്ക് വി​ത​ര​ണം ചെ​യ്യാ​ന്‍ എ​ത്തി​ച്ച ക​ട്ടി​ലു​ക​ള്‍ ഗു​ണ​നി​ല​വാ​ര​മി​ല്ലാ​ത്ത​തെ​ന്ന്​ ആ​ക്ഷേ​പം. വി​വാ​ദ​മാ​യ​തോ​ടെ വി​ത​ര​ണം നി​ര്‍ത്തി​വെ​ച്ച​താ​യി പ​ഞ്ചാ​യ​ത്ത് ഭ​ര​ണ​സ​മി​തി അ​റി​യി​ച്ചു. ഇ​ട​പാ​ടി​ൽ അ​ഴി​മ​തി​യു​ണ്ടെ​ന്ന ആ​രോ​പ​ണ​വു​മാ​യി പ്ര​തി​പ​ക്ഷം രം​ഗ​ത്തെ​ത്തി.

പൊ​ടി​ഞ്ഞു​പോ​കു​ന്ന​തും പൊ​ട്ടി​യ​തു​മാ​യ ക​ട്ടി​ലി​ല്‍ ബ​ല​പ​രീ​ക്ഷ​ണം ന​ട​ത്തി​യ​പ്പോ​ള്‍ ഒ​ടി​ഞ്ഞു​വീ​ണു. തി​ങ്ക​ളാ​ഴ്ച ചേ​രു​ന്ന ക​മ്മി​റ്റി ടെ​ൻ​ഡ​ര്‍ റ​ദ്ദാ​ക്കാ​ൻ ന​ട​പ​ടി സ്വീ​ക​രി​ക്കു​മെ​ന്ന് പ്ര​സി​ഡ​ന്റ് ഷേ​ര്‍ളി മാ​ത്യു, സ്ഥി​രം സ​മി​തി അ​ധ്യ​ക്ഷ​ന്‍ സി.​ഡി. ഷാ​ജി എ​ന്നി​വ​ര്‍ അ​റി​യി​ച്ചു. 21 വാ​ര്‍ഡു​ക​ളി​ൽ വി​ത​ര​ണ​ത്തി​ന് 484 ക​ട്ടി​ലു​ക​ളാ​ണ് എ​ത്തി​ച്ച​ത്. ഇ​തി​ല്‍ ഏ​റെ​യും ഗു​ണ​ഭോ​ക്താ​ക്ക​ളാ​യ വ​യോ​ജ​ന​ങ്ങ​ള്‍ക്ക് കൈ​മാ​റി. ബാ​ക്കി​യു​ള്ള​വ പ​ഞ്ചാ​യ​ത്തി​ല്‍ സൂ​ക്ഷി​ച്ചു.

വെ​ള്ളി​യാ​ഴ്ച പ​ഞ്ചാ​യ​ത്ത് ക​മ്മി​റ്റി യോ​ഗം ചേ​രാ​ൻ അം​ഗ​ങ്ങ​ൾ എ​ത്തി​യ​പ്പോ​ഴാ​ണ്​ ക​ട്ടി​ല്‍ പൊ​ടി​ഞ്ഞു​വീ​ണ​തും വി​ണ്ടു​കീ​റി​യ​തും ശ്ര​ദ്ധ​യി​ല്‍പെ​ട്ട​ത്. തു​ട​ര്‍ന്ന് ന​ട​ത്തി​യ പ​രി​ശോ​ധ​ന​യി​ൽ ക​ട്ടി​ല്‍ ഉ​പ​യോ​ഗ​യോ​ഗ്യ​മ​ല്ലെ​ന്ന് ക​ണ്ടെ​ത്തി. ഗു​ണ​നി​ല​വാ​ര​മി​ല്ലാ​ത്ത ക​ട്ടി​ല്‍ ഗു​ണ​ഭോ​ക്താ​ക്ക​ളി​ൽ​നി​ന്ന്​ തി​രി​ച്ചെ​ടു​ക്ക​ണ​മെ​ന്നും ന​ല്ല ക​ട്ടി​ലു​ക​ൾ ന​ൽ​ക​ണ​മെ​ന്നും പ്ര​തി​പ​ക്ഷ നേ​താ​വ് ബാ​ബു കു​ര്യാ​ക്കോ​സ് ആ​വ​ശ്യ​പ്പെ​ട്ടു.