വവ്വാലുകൾക്ക് പുറമെ വെട്ടുക്കിളികളും: കർഷകർ ആശങ്കയിൽ

അ​ടി​മാ​ലി: വ​വ്വാ​ലു​ക​ൾ​ക്ക് പു​റ​മെ വെ​ട്ടു​ക​ളി ശ​ല്യം കൂ​ടി രൂ​ക്ഷ​മാ​യ​തോ​ടെ കൊ​ന്ന​ത്ത​ടി പ​ഞ്ചാ​യ​ത്തി​ലെ ക​ർ​ഷ​ക​ർ ഭീ​തി​യി​ൽ. പെ​രി​ഞ്ചാം​കു​ട്ടി മേ​ഖ​ല​യി​ലാ​ണ് വ​വ്വാ​ലു​ക​ളു​ടെ ശ​ല്യം. ഇ​വി​ടെ തേ​ക്ക് പ്ലാ​ന്‍റേ​ഷ​ൻ കീ​ഴ​ട​ക്കി ആ​യി​ര​ക്ക​ണ​ക്കി​ന് വ​വ്വാ​ലു​ക​ളാ​ണ് ഉ​ള്ള​ത്. ഇ​വ വ്യാ​പ​ക​മാ​യി കൃ​ഷി ന​ശി​പ്പി​ച്ച് വ​രു​ന്ന​തി​നി​ടെ​യാ​ണ് വെ​ട്ടു​ക്കിളി ശ​ല്യം കൂ​ടി ഉ​ണ്ടാ​യ​ത്. പ​ഞ്ചാ​യ​ത്തി​ലെ പൊ​ന്മു​ടി, ഇ​രു​മ​ല​ക്ക​പ്പ്, തെ​ള്ളി​ത്തോ​ട് മേ​ഖ​ല​ക​ളി​ലാ​ണ് വെ​ട്ടു​കി​ളി ശ​ല്യം വ്യാ​പ​ക​മാ​കു​ന്ന​ത്. ഏ​ലം, തെ​ങ്ങ്, വാ​ഴ, പ​ച്ച​ക്ക​റി, എ​ന്നി​വ​യു​ടെ ഇ​ല​ക​ളാ​ണ് കൂ​ടു​ത​ലാ​യി തി​ന്നു തീ​ർ​ക്കു​ന്ന​ത്. സ​മീ​പ പ്ര​ദേ​ശ​ങ്ങ​ളി​ലേ​ക്കു​കൂ​ടി ശ​ല്യം വ്യാ​പി​ക്കു​മോ എ​ന്ന ആ​ശ​ങ്ക​യും ക​ർ​ഷ​ക​ർ​ക്കു​ണ്ട്.

ക​ർ​ഷ​ക​രു​ടെ പ​രാ​തി​യെ തു​ട​ർ​ന്ന് വെ​ട്ടു​ക്കിളി ശ​ല്യം രൂ​ക്ഷ​മാ​യ പ്ര​ദേ​ശ​ങ്ങ​ളി​ൽ വി​ദ​ഗ്ധ​ർ ക​ഴി​ഞ്ഞ ദി​വ​സം പ​രി​ശോ​ധ​ന ന​ട​ത്തി. കേ​ര​ള കാ​ർ​ഷി​ക സ​ർ​വ​ക​ലാ​ശാ​ല ക​ണ്ണാ​റ​വാ​ഴ ഗ​വേ​ഷ​ണ കേ​ന്ദ്രം സ​യ​ന്‍റി​സ്റ്റ് ഡോ. ​ഗ​വാ​സ് രാ​ഗേ​ഷ്, കേ​ന്ദ്ര സം​യോ​ജി​ത കീ​ട നി​യ​ന്ത്ര​ണ കേ​ന്ദ്രം അ​സി. പ്ലാ​ന്‍റ്​ പ്രൊ​ട്ട​ക്‌​ഷ​ൻ ഓ​ഫി​സ​ർ ടോം ​ചെ​റി​യാ​ൻ, കൊ​ന്ന​ത്ത​ടി കൃ​ഷി ഓ​ഫി​സ​ർ കെ.​ഡി. ബി​ജു എ​ന്നി​വ​രാ​ണ് പ​രി​ശോ​ധ​ന​ക്ക്​ എ​ത്തി​യ​ത്. ഭീ​മ​ൻ പു​ൽ​ച്ചാ​ടി, കോ​ഫി ലോ​ക്കോ​സ്റ്റ് തു​ട​ങ്ങി​യ പേ​രു​ക​ളി​ൽ അ​റി​യ​പ്പെ​ടു​ന്ന വെ​ട്ടു​കി​ളി​യാ​ണ് കൃ​ഷി​യി​ട​ങ്ങ​ളി​ൽ വ്യാ​പ​ക​മാ​യ​തെ​ന്നും തേ​ക്കു​മ​ര​ങ്ങ​ൾ കൂ​ടു​ത​ലു​ള്ള സ്ഥ​ല​ത്ത്​ നി​ന്നാ​ണ് ഇ​വ കൃ​ഷി​യി​ട​ത്തി​ലേ​ക്ക് എ​ത്തു​ന്ന​തെ​ന്നും സം​ഘം വി​ല​യി​രു​ത്തി.

ഒ​ന്ന​ര മാ​സം വ​രെ ആ​യു​ർ ദൈ​ർ​ഘ്യ​മു​ള്ള ഇ​വ​യി​പ്പോ​ൾ മു​ട്ട​യി​ട്ട് പെ​രു​കു​ന്ന സ​മ​യ​മാ​ണ്. വേ​പ്പി​ൻ പി​ണ്ണാ​ക്ക്, വേ​പ്പെ​ണ്ണ ക​ല​ർ​ന്ന മി​ശ്രി​ത​ങ്ങ​ൾ എ​ന്നി​വ വെ​ട്ടു​ക്കിളി നി​യ​ന്ത്ര​ണ​ത്തി​ന് സ​ഹാ​യ​ക​ര​മാ​ണ്. എ​ണ്ണം ക്ര​മാ​തീ​ത​മാ​യി പെ​രു​കി​യാ​ൽ രാ​സ കീ​ട നി​യ​ന്ത്ര​ണ മാ​ർ​ഗ​ങ്ങ​ൾ അ​വ​ലം​ബി​ക്ക​ണം.