പാഠം ഒന്ന്​, പഴഞ്ചൻ തോണി....

അ​ടി​മാ​ലി: ഒ​രു​വ​ശ​ത്ത്​ മ​ഴ കോ​രി​ച്ചൊ​രി​യു​ന്നു. മ​റു​വ​ശ​ത്ത്​ പു​തി​യ അ​ധ്യ​യ​ന​വ​ർ​ഷ​ത്തി​ന്​ തു​ട​ക്ക​മാ​കു​ന്നു. അ​പ്പോ​ഴും നാ​യി​ക്കു​ന്നി​ലെ കു​ട്ടി​ക​ൾ​ക്ക്​ പ​ള്ളി​ക്കൂ​ട​ത്തി​ലെ​ത്താ​ൻ ക​ട​ത്തു​വ​ള്ളം ത​ന്നെ ആ​ശ്ര​യം. അ​തും കാ​ല​പ്പ​ഴ​ക്ക​ത്താ​ൽ അ​പ​ക​ടാ​വ​സ്ഥ​യി​ലാ​യ ക​ട​ത്തു​വ​ള്ള​ത്തി​ൽ. ക​ല്ലാ​ർ​കു​ട്ടി​യി​ൽ അ​ണ​ക്കെ​ട്ട് നി​ർ​മി​ച്ച​തോ​ടെ​യാ​ണ്​ നാ​ല് വ​ശ​വും വെ​ള്ള​ത്താ​ൽ ചു​റ്റ​പ്പെ​ട്ട് തു​രു​ത്തി​ന് സ​മാ​ന​മാ​യി വെ​ള്ള​ത്തൂ​വ​ൽ പ​ഞ്ചാ​യ​ത്തി​ലെ നാ​യി​ക്കു​ന്ന്​ മാ​റി​യ​ത്. 35 വ​ർ​ഷ​ത്തി​ലേ​റെ​യാ​യി ക​ട​ത്തു​വ​ള്ള​ത്തെ ആ​ശ്ര​യി​ച്ചാ​ണ് നാ​യി​ക്കു​ന്ന്​ നി​വാ​സി​ക​ൾ അ​ക്ക​രെ​യി​ക്ക​രെ ക​ട​ക്കു​ന്ന​ത്. നാ​യി​ക്കു​ന്നി​ൽ നി​ന്നും ക​ല്ലാ​ർ​കു​ട്ടി റേ​ഷ​ൻ ക​ട ജം​ഗ്ഷ​നി​ലേ​ക്കാ​ണ്​ നാ​ട്ടു​കാ​രു​ടെ ഏ​ക ആ​ശ്ര​യ​മാ​യ ക​ട​ത്തു​വ​ള്ളം പോ​കു​ന്ന​ത്. പ​ഞ്ചാ​യ​ത്ത് വാ​ങ്ങി​യ ഫൈ​ബ​ർ വ​ള്ള​മാ​ണ്​ ഇ​തി​നാ​യി ഉ​പ​യോ​ഗി​ക്കു​ന്ന​ത്.

ഇ​രു ക​ര​ക​ളി​ലു​മാ​യി കെ​ട്ടി​യ വ​ട​ത്തി​ൽ വ​ള്ളം ബ​ന്ധി​പ്പി​ച്ച്​ അ​തി​ലൂ​ടെ വ​ലി​ച്ചാ​ണ് ക​ര​തേ​ടു​ന്ന യാ​ത്ര. 15 വ​ർ​ഷം പ​ഴ​ക്ക​മു​ള്ള ഈ ​ഫൈ​ബ​ർ ബോ​ട്ടാ​ക​ട്ടെ അ​പ​ക​ടാ​വ​സ്ഥ​യി​ലു​മാ​ണ്. നി​​ത്യോ​പ​യോ​ഗ സാ​ധ​ന​ങ്ങ​ൾ എ​ത്തി​ക്കാ​നും രോ​ഗി​ക​ളെ മ​റു​ക​ര​യി​ലെ​ത്തി​ക്കാ​നും എ​ല്ലാം ആ​ശ്ര​യം ഈ ​വ​ള്ളം ത​ന്നെ. 150 കു​ടും​ബ​ങ്ങ​ളാ​ണ് ഇ​വി​ടെ ഉ​ള്ള​ത്. പു​ഴ​ക്ക് കു​റു​കെ ന​ട​പ്പാ​ല​ത്തി​നാ​യി നാ​ട്ടു​കാ​ർ മു​ട്ടാ​ത്ത വാ​തി​ലു​ക​ളി​ല്ല. ഓ​രോ തെ​ര​ഞ്ഞെ​ടു​പ്പ്​ കാ​ല​ത്തും പാ​ലം വാ​ഗ്ദാ​ന​ങ്ങ​ളി​ൽ മാ​ത്രം ഉ​യ​രും. വോ​ട്ട്​ പെ​ട്ടി​യി​ലെ​ത്തി​ക്ക​ഴി​ഞ്ഞാ​ൽ പ​റ​ഞ്ഞ വാ​ക്കും മ​റ​ക്കും. പ​ഞ്ചാ​യ​ത്ത് ഏ​ർ​പ്പാ​ട്​ ചെ​യ്ത ക​ട​ത്തു​കാ​ര​ന്‍റെ സ​ഹാ​യം വൈ​കി​ട്ടു വ​രെ മാ​ത്ര​മേ ല​ഭി​ക്കൂ. അ​തു ക​ഴി​ഞ്ഞാ​ൽ സ്വ​യം ഉ​പ​യോ​ഗി​ക്ക​ണം. കാ​ല​വ​ർ​ഷം ക​ന​ക്കു​ക​യും പു​ഴ​യി​ൽ ഒ​ഴു​ക്ക്​ ശ​ക്​​ത​മാ​വു​ക​യും ചെ​യ്യു​മ്പോ​ഴാ​ണ്​ ആ​ശ​ങ്ക​യേ​റു​ന്ന​ത്. പു​ത്ത​നു​ടു​പ്പും പു​സ്ത​ക​ങ്ങ​ളു​മാ​യി പ​ള്ളി​ക്കൂ​ട​ങ്ങ​ളി​ലേ​ക്ക്​ പോ​കു​ന്ന കു​ഞ്ഞു​ങ്ങ​ൾ ഓ​രോ ത​വ​ണ​യും നെ​ഞ്ചി​ടി​പ്പോ​ടെ തോ​ണി​യേ​റു​ന്നു. പ്രാ​ർ​ഥ​ന​ക​ളോ​ടെ ക​ര​തൊ​ടു​ന്നു. ഇ​ക്കു​റി​യും ഈ ​കാ​ഴ്ച​ക്ക്​​ മാ​റ്റ​മി​ല്ല.