കർഷകന്‍റെ കരവിരുതിൽ കൂറ്റൻ ഈർക്കിൽ സ്രാവ്

അ​ടി​മാ​ലി : ഈ​ർ​ക്കി​ൽ ഉ​പ​യോ​ഗി​ച്ച് കൂ​റ്റ​ൻ സ്രാ​വി​ന്‍റെ രൂ​പം നി​ർ​മി​ച്ച് ശ്ര​ദ്ധേ​യ​നാ​യി കൊ​ന്ന​ത്ത​ടി പ​ഞ്ചാ​യ​ത്തി​ലെ ക​രി​മ​ല പാ​റ​യ്ക്ക​ൽ രാ​ജേ​ഷ്. 14 അ​ടി നീ​ള​മു​ള്ള സ്രാ​വി​ന്‍റെ രൂ​പ​മാ​ണ് ഏ​ഴ്​ മാ​സ​ത്തെ പ്ര​യ​ത്ന​ത്തി​നൊ​ടു​വി​ൽ രാ​ജേ​ഷ് നി​ർ​മി​ച്ചി​രി​ക്കു​ന്ന​ത്. കൃ​ഷി​യി​ട​ത്തി​ലെ പ​ണി​ക​ൾ​ക്കി​ട​യി​ൽ ല​ഭി​ക്കു​ന്ന സ​മ​യം ഉ​പ​യോ​ഗി​ച്ചാ​യി​രു​ന്നു നി​ർ​മാ​ണം. ക​ഴി​ഞ്ഞ 20 വ​ർ​ഷ​മാ​യി ഈ​ർ​ക്കി​ലി​ൽ ശി​ൽ​പ​ങ്ങ​ൾ നി​ർ​മി​ക്കു​ന്ന യു​വ ക​ർ​ഷ​ക​നാ​ണ് രാ​ജേ​ഷ്. 10 അ​ടി​യി​ലേ​റെ നീ​ള​മു​ള്ള മു​ത​ല, ദി​നോ​സ​ർ, ക​പ്പ​ൽ എ​ന്നി​വ എ​ടു​ത്തു​പ​റ​യേ​ണ്ട ക​ലാ​സൃ​ഷ്ട‌ി​യാ​ണ്.

കൂ​ടാ​തെ സിം​ഹം, പ​രു​ന്ത്, ആ​മ, തെ​ങ്ങ് തു​ട​ങ്ങി​യ സൃ​ഷ്ടി​ക​ളും ഈ​ർ​ക്കി​ൽ ഉ​പ​യോ​ഗി​ച്ച് ഇ​ദ്ദേ​ഹം നി​ർ​മി​ച്ചി​ട്ടു​ണ്ട്. നി​ർ​മാ​ണ​ത്തി​നാ​യി കൃ​ഷി​യി​ട​ത്തി​ലെ തെ​ങ്ങി​ൽ​നി​ന്ന്​ വീ​ണു​ല​ഭി​ക്കു​ന്ന ഈ​ർ​ക്കി​ൽ തി​ക​യാ​ത്ത സാ​ഹ​ച​ര്യ​ത്തി​ൽ വ്യാ​പാ​ര സ്‌​ഥാ​പ​ന​ങ്ങ​ളി​ൽ നി​ന്ന് ചൂ​ൽ വാ​ങ്ങി​യാ​ണ് ഇ​ദ്ദേ​ഹം ഈ​ർ​ക്കി​ൽ ക്ഷാ​മം പ​രി​ഹ​രി​ച്ചി​രു​ന്ന​ത്. ഇ​തി​നാ​യി വ​ലി​യ തു​ക മു​ട​ക്കേ​ണ്ടി വ​രു​ന്നു​ണ്ടെ​ങ്കി​ലും പി​ൻ​വാ​ങ്ങാ​ൻ രാ​ജേ​ഷ് ഒ​രു​ക്ക​മ​ല്ല. താ​ൻ നി​ർ​മി​ച്ചി​രി​ക്കു​ന്ന സാ​മ​ഗ്രി​ക​ളു​ടെ ഒ​രു മ്യൂ​സി​യം തു​ട​ങ്ങ​ണ​മെ​ന്ന ആ​ഗ്ര​ഹ​മാ​ണ് ഇ​ദ്ദേ​ഹ​ത്തി​നു​ള്ള​ത്.