കുതിരകുത്തി ടൂറിസം വികസനം അവതാളത്തിൽ

അ​ടി​മാ​ലി: വി​നോ​ദ സ​ഞ്ചാ​ര സാ​ധ്യ​ത​ക​ൾ ഏ​റെ​യു​ണ്ടാ​യി​ട്ടും അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​ഭാ​വ​ത്തി​ൽ പ​ഞ്ചാ​യ​ത്തി​ലെ വാ​ള​റ, പ​ത്താം മൈ​ൽ മേ​ഖ​ല മു​ര​ടി​കു​ന്നു. വ​ര​യാ​ടു​ക​ളു​ടെ വ​രെ സാ​ന്നി​ധ്യ​മു​ള്ള കു​തി​ര കു​ത്തി, പ്ര​ശ​സ്ത വെ​ള്ള​ച്ചാ​ട്ട​ങ്ങ​ളാ​യ ചീ​യ​പ്പാ​റ, വാ​ള​റ എ​ക്കോ പോ​യന്‍റ്​ മേ​ഖ​ല​യാ​യ കാ​ട്ട​മ്പ​ല പ്ര​ദേ​ശം, വി​ദൂ​ര ദൃ​ശ്യ​ങ്ങ​ൾ, മൊ​ട്ട​ക്കു​ന്നു​ക​ൾ തു​ട​ങ്ങി​യ കാ​ഴ്ച​ക​ൾ ഈ ​നാ​ടി​ന്‍റെ പ്ര​ത്യേ​ക​ത​യാ​ണ്. എ​ങ്കി​ലും ടൂ​റി​സം ഭൂ​പ​ട​ത്തി​ൽ സ്ഥാ​യി​യാ​യി മാ​റാ​ൻ പ്ര​ദേ​ശ​ത്തി​നു ക​ഴി​ഞ്ഞി​ട്ടി​ല്ല. കു​തി​ര കു​ത്തി​യെ ബ​ന്ധി​പ്പി​ക്കു​ന്ന റോ​ഡ് വി​ക​സ​ന​മി​ല്ലാ​യ്മ വ​ലി​യൊ​രു പോ​രാ​യ്മ​യാ​യി പ്ര​ദേ​ശ​വാ​സി​ക​ൾ ചൂ​ണ്ടി​ക്കാ​ണി​ക്കു​ന്നു. സ​ഞ്ചാ​രി​ക​ൾ​ക്ക് ന​ട​പ്പാ​ത​യും റോ​ഡു​ക​ളും അ​നി​വാ​ര്യ​മാ​ണ്. ഇ​ടു​ക്കി-​എ​റ​ണാ​കു​ളം ജി​ല്ല അ​തി​ർ​ത്തി​യാ​യി വ​രു​ന്ന പ്ര​ദേ​ശ​മാ​ണ് കു​തി​ര​കു​ത്തി. പാ​ർ​ക്കി​നും അ​നു​യോ​ജ്യ​മാ​യ മേ​ഖ​ല. മ​ല​മു​ക​ളി​ൽ നി​ന്ന്​ ഉ​ത്ഭ​വി​ക്കു​ന്ന ഉ​റ​വ​ക​ൾ വേ​ന​ൽ​ക്കാ​ല​ത്തും ഇ​വി​ടെ വ​റ്റാ​റി​ല്ല.

തൊ​ട്ടി​യാ​ർ ഡാം ​കേ​ന്ദ്രീ​ക​രി​ച്ച്​ ബോ​ട്ട് സ​ർ​വി​സ് തു​ട​ങ്ങാ​നും ക​ഴി​യും. അ​ഡ്വ​ഞ്ച​ർ സ്പോ​ർ​ട്സ് സൗ​ക​ര്യ​ങ്ങ​ൾ ഒ​രു​ക്കാ​നും പ​ല സം​രം​ഭ​ക​രും എ​ത്തി​യ​താ​ണ്. ഇ​തി​നാ​യി ഭൂ​മി ഏ​റ്റെ​ടു​ക്ക​ൽ അ​ന്വേ​ഷ​ണ​വു​മു​ണ്ടാ​യി. എ​ന്നാ​ൽ വ​നം വ​കു​പ്പ് ത​ട​സം വി​ന​യാ​യി.