സംരക്ഷണമില്ല; മൂന്നാറിലെ അപ്‌സൈക്കിൾഡ് ഉദ്യാനം നശിക്കുന്നു

അ​ടി​മാ​ലി: മാ​ലി​ന്യ വ​സ്തു​ക്ക​ൾ ഉ​പ​യോ​ഗി​ച്ച് വി​വി​ധ ശി​ൽപങ്ങ​ൾ അ​ട​ക്കം നി​ർ​മി​ച്ച് ഉ​ദ്ഘാ​ട​നം ചെ​യ്ത ഉ​ദ്യാ​നം സം​ര​ക്ഷ​ണ​മി​ല്ലാ​തെ ന​ശി​ക്കു​ന്നു. പ​ഴ​യ മൂ​ന്നാ​റി​ൽ നി​ർ​മി​ച്ച ജി​ല്ല​യി​ലെ ആ​ദ്യ അ​പ്സൈ​ക്കി​ൾ​ഡ് ഉ​ദ്യാ​ന​മാ​ണ് കാ​ടു​ക​യ​റി ന​ശി​ക്കു​ന്ന​ത്. പ​ഴ​യ മൂ​ന്നാ​ർ ബൈ​പാ​സ് പാ​ല​ത്തി​ന് സ​മീ​പ​മാ​ണ് പാ​ർ​ക്കാ​ണ് പാ​ർ​ക്ക് സ്ഥാ​പി​ച്ച​ത്.

യു.​എ​ൻ.​ഡി.​പി, ഹി​ൽ ധാ​രി, മൂ​ന്നാ​ർ പ​ഞ്ചാ​യ​ത്ത്, മൂ​ന്നാ​ർ ബ​യോ​ഡൈ​വേ​ഴ്സി​റ്റി റി​സ​ർ​ച് ആ​ൻ​ഡ് ക​ൺ​സ​ർ​വേ​ഷ​ൻ സൊ​സൈ​റ്റി എ​ന്നി​വ​യു​ടെ സ​ഹ​ക​ര​ണ​ത്തോ​ടെ ല​ക്ഷ​ങ്ങ​ൾ ചെ​ല​വ​ഴി​ച്ചു നി​ർ​മി​ച്ച പാ​ർ​ക്ക് 2022 ന​വം​ബ​റി​ൽ മ​ന്ത്രി എം.​വി. രാ​ജേ​ഷാ​ണ്‌ ഉ​ദ്ഘാ​ട​നം ചെ​യ്ത​ത്. കാ​ടു​ക​യ​റി​യും നി​ർ​മി​തി​ക​ൾ ക​ന​ത്ത കാ​റ്റി​ൽ നി​ലം​പ​തി​ച്ചും ന​ശി​ച്ചു.

മൂ​ന്നാ​റി​ലെ​ത്തു​ന്ന സ​ഞ്ചാ​രി​ക​ൾ​ക്ക് വി​ശ്ര​മി​ക്കു​ന്ന​തി​നും ത​ണു​പ്പ് ആ​സ്വ​ദി​ക്കു​ന്ന​തി​നു​മു​ള്ള പ്ര​ധാ​ന കേ​ന്ദ്ര​മാ​യി ഇ​തു മാ​റി​യി​രു​ന്നു. എ​ന്നാ​ൽ ഉ​ദ്യാ​നം ആ​രും പ​രി​ച​രി​ക്കാ​തെ വ​ന്ന​തോ​ടെ കാ​ടു​ക​യ​റി. മാ​ലി​ന്യ വ​സ്തു​ക്ക​ൾ​ക്കൊ​ണ്ട് നി​ർ​മി​ച്ച പ​ല ശി​ൽ​പ​ങ്ങ​ളും അ​റ്റ​കു​റ്റ​പ്പ​ണി​ക​ൾ ന​ട​ത്താ​തെ​യും ക​ന​ത്ത കാ​റ്റി​ൽ നി​ലം​പൊ​ത്തി തു​ട​ങ്ങി. സ​ന്ധ്യ​യാ​യാ​ൽ തെ​രു​വു​നാ​യ്ക്ക​ളു​ടെ വി​ശ്ര​മ​കേ​ന്ദ്ര​മാ​യി​രി​ക്കു​ക​യാ​ണ് ല​ക്ഷ​ങ്ങ​ൾ ചെ​ല​വി​ട്ടു നി​ർ​മി​ച്ച ഉ​ദ്യാ​നം. പ​ഴ​യ പ്ലാ​സ്റ്റി​ക്, ട​യ​റു​ക​ൾ, സ്ക്രാ​പ്, ഓ​ട്ട​മൊ​ബീ​ൽ അ​വ​ശി​ഷ്ട​ങ്ങ​ൾ, ഇ​ല​ക്ട്രോ​ണി​ക് വേ​സ്റ്റ് എ​ന്നി​വ ഉ​പ​യോ​ഗി​ച്ചാ​ണ് പാ​ർ​ക്ക് നി​ർ​മി​ച്ച​ത്.

പ​ഴ​യ ട​യ​റു​ക​ൾ ഉ​പ​യോ​ഗി​ച്ച് നി​ർ​മി​ച്ച ടൈ​ലു​ക​ൾ പാ​കി​യ ന​ട​പ്പാ​ത, 70 കി​ലോ വീ​തം പ്ലാ​സ്റ്റി​ക് ഉ​പ​യോ​ഗി​ച്ച് നി​ർ​മി​ച്ച ഇ​രി​പ്പി​ട​ങ്ങ​ൾ, പ്ലാ​സ്റ്റി​ക് കു​പ്പി​ക​ൾ നി​റ​ച്ച ആ​ന​യു​ടെ കൂ​റ്റ​ൻ പ്ര​തി​മ, ത​വ​ള​ക​ൾ​ക്കും മ​റ്റും വ​സി​ക്കു​ന്ന​തി​നു​ള്ള കു​ളം, മൂ​ന്നാ​റി​ൽ മാ​ത്രം ക​ണ്ടു​വ​രു​ന്ന അ​പൂ​ർ​വ സ​സ്യ​ങ്ങ​ൾ, ചെ​ടി​ക​ൾ, പ്ലാ​സ്റ്റി​ക് ഉ​പ​യോ​ഗി​ച്ച് നി​ർ​മി​ച്ച വ​ലി​യ പൂ​ക്ക​ൾ എ​ന്നി​വ​യെ​ല്ലാ​മാ​യി​രു​ന്നു ഉ​ദ്യാ​ന​ത്തി​ലെ പ്ര​ത്യേ​ക​ത​ക​ൾ.