ടൺകണക്കിന്​ കെട്ടിക്കിടക്കുന്നു; പ്ലാസ്റ്റിക് മാലിന്യം പഞ്ചായത്തുകൾക്ക്​ ബാധ്യത

അ​ടി​മാ​ലി: വീ​ടു​ക​ളി​ൽ നി​ന്നും വ്യാ​പാ​ര സ്ഥാ​പ​ന​ങ്ങ​ളി​ൽ നി​ന്നും ശേ​ഖ​രി​ക്കു​ന്ന പ്ലാ​സ്റ്റി​ക് മാ​ലി​ന്യ​ങ്ങ​ൾ പ​ഞ്ചാ​യ​ത്തു​ക​ൾ​ക്ക് ബാ​ധ്യ​ത​യാ​കു​ന്നു.

മാ​ങ്കു​ളം, മൂ​ന്നാ​ർ, ദേ​വി​കു​ളം, രാ​ജാ​ക്കാ​ട്, രാ​ജ​കു​മാ​രി, പ​ള്ളി​വ​ാസ​ൽ ഉ​ൾ​പ്പെ​ടെ ജി​ല്ല​യി​ലെ ഭൂ​രി​ഭാ​ഗം പ​ഞ്ചാ​യ​ത്തു​ക​ൾ​ക്കും പ്ലാ​സ്റ്റി​ക് മാ​ലി​ന്യം ബാ​ധ്യ​ത​യാ​യി മാ​റു​ക​യാ​ണ്. ക്ലീ​ൻ കേ​ര​ള ഇ​വ കൃ​ത്യ​മാ​യി എ​ടു​ക്കാ​ത്ത​താ​ണ് കാ​ര​ണം. പ​ഞ്ചാ​യ​ത്തു​ക​ൾ ഹ​രി​ത ക​ർ​മ​സേ​ന​യെ ഉ​പ​യോ​ഗി​ച്ചാ​ണ് പ്ലാ​സ്റ്റി​ക്​ മാ​ലി​ന്യം ശേ​വ​രി​ക്കു​ന്ന​ത്.

ഇ​വ പ​ഞ്ചാ​യ​ത്തു​ക​ൾ പ​ല​യി​ട​ങ്ങ​ളി​ലാ​യി സൂ​ക്ഷി​ച്ച് ക്ലീ​ൻ കേ​ര​ള​ക്ക് കൈ​മാ​റു​ക​യാ​ണ് ചെ​യ്യു​ന്ന​ത്. എ​ന്നാ​ൽ ല​ഭ്യ​മാ​കു​ന്ന പ്ലാ​സ്റ്റി​ക്കി​ന്‍റെ മൂ​ന്നി​ലൊ​ന്ന്​ പോ​ലും ഇ​വ​ർ ഏ​റ്റെ​ടു​ക്കാ​ത്ത​തി​നാ​ൽ ട​ൺ ക​ണ​ക്കി​ന് മാ​ല്യ​മാ​ണ് കെ​ട്ടി​ക്കി​ട​ക്കു​ന്ന​ത്.

മൂ​ന്നാ​ർ, ദേ​വി​കു​ളം പ​ഞ്ചാ​യ​ത്തു​ക​ളി​ൽ ശേ​ഖ​രി​ക്കു​ന്ന പ്ലാ​സ്റ്റി​ക് മാ​ലി​ന്യം പൊ​തു​സ്ഥ​ല​ങ്ങ​ളി​ൽ പ​ര​ന്നു​കി​ട​ക്കു​ന്ന​താ​യി പ​രാ​തി​യു​ണ്ട്. ദേ​വി​കു​ള​ത്തും ല​ഷ്മി​യി​ലും ഉ​ള്ള ഡം​ബി​ങ്​ യാ​ർ​ഡു​ക​ളി​ൽ പ​തി​വാ​യി വ​ന്യ​മൃ​ഗ​ങ്ങ​ൾ എ​ത്തി മാ​ലി​ന്യം ഭ​ക്ഷി​ക്കു​ന്നു. മാ​ലി​ന്യം സം​സ്ക​രി​ക്കാ​ൻ എ​ത്തി​യ ര​ണ്ട്​ തൊ​ഴി​ലാ​ളി​ക​ളെ കാ​ട്ടാ​ന ആ​ക്ര​മി​ച്ച് പ​രി​ക്കേ​ൽ​പ്പി​ച്ച​ത് അ​ടു​ത്ത നാ​ളി​ലാ​ണ്.

ഇ​വി​ടെ മാ​ലി​ന്യം നി​റ​ച്ച ചാ​ക്കു​ക​ളും പൊ​ട്ടി​പ്പൊ​ളി​ഞ്ഞ ചാ​ക്കു​ക​ളി​ലെ പ്ലാ​സ്റ്റി​ക് മാ​ലി​ന്യ​വും പ​ര​ന്നു​കി​ട​ക്കു​ന്ന​ത്. വ​ഴി​യി​ൽ കി​ട​ക്കു​ന്ന മാ​ലി​ന്യം മ​ഴ പെ​യ്ത​തോ​ടെ പ​ല ഭാ​ഗ​ത്തേ​ക്കും ചി​ത​റി​പ്പോ​യ​താ​യി നാ​ട്ടു​കാ​ർ പ​രാ​തി​പ്പെ​ട്ടു. ഓ​രോ വീ​ട്ടു​കാ​രും പ​ണം ന​ൽ​കി കൈ​മാ​റു​ന്ന പ്ലാ​സ്റ്റി​ക് മാ​ലി​ന്യം ഇ​ങ്ങ​നെ അ​ല​ക്ഷ്യ​മാ​യി കൂ​ട്ടി​യി​ടു​ന്ന​തി​നെ​തി​രെ പ​ല​വ​ട്ടം പ​രാ​തി​പ്പെ​ട്ടി​ട്ടും പ​ഞ്ചാ​യ​ത്ത് അ​ധി​കൃ​ത​ർ ന​ട​പ​ടി എ​ടു​ക്കു​ന്നി​ല്ല.

ഇ​വി​ടെ കൊ​ണ്ടി​ടു​ന്ന ചാ​ക്കു​ക​ൾ നാ​യ്ക്ക​ളും മ​റ്റും ക​ടി​ച്ചു​കീ​റി​യാ​ണ്​ മാ​ലി​ന്യം പു​റ​ത്താ​കു​ന്ന​തെ​ന്നു പ​റ​യു​ന്നു. പ്ര​ത്യേ​ക ഇ​രു​മ്പ് കൂ​ടു​ക​ളി​ൽ സൂ​ക്ഷി​ച്ച ശേ​ഷം പ​ഞ്ചാ​യ​ത്ത് ഇ​ട​പെ​ട്ട്​ സ​മ​യാ​സ​മ​യ​ങ്ങ​ളി​ൽ നീ​ക്കം ചെ​യ്യ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. മാ​ങ്കു​ള​ത്ത് സ്മാ​ർ​ട്ട് അം​ഗ​ൻ​വാ​ടി​യോ​ട് ചേ​ർ​ന്ന് വ​ൻ​തോ​തി​ൽ പ്ലാ​സ്റ്റി​ക് മാ​ലി​ന്യം കൂ​ട്ടി​യി​ട്ടി​രി​ക്കു​ന്ന​ത് കു​ട്ടി​ക​ൾ​ക്ക് പോ​ലും ദോ​ഷ​മാ​യി മാ​റു​ക​യാ​ണ്.

പ്ലാ​സ്റ്റി​ക് നി​രോ​ധ​നം ജ​ല​രേ​ഖ​യാ​യി

അ​ടി​മാ​ലി: 50 മൈ​ക്രോ​ണി​ന് താ​ഴെ​യു​ള്ള പ്ലാ​സ്റ്റി​ക് വി​ൽ​ക്കു​ന്ന​തും വാ​ങ്ങു​ന്ന​തും സ​ർ​ക്കാ​ർ നി​രോ​ധി​ച്ചി​ട്ടു​ണ്ട്. എ​ന്നാ​ൽ ജി​ല്ല​യി​ലെ​മ്പാ​ടും ഇ​ത്ത​രം മാ​ലി​ന്യ​ങ്ങ​ൾ വ്യാ​പ​ക​മാ​യി വി​പ​ണി​യി​ലു​ണ്ട്. വി​നോ​ദ സ​ഞ്ചാ​ര കേ​ന്ര​ങ്ങ​ളി​ലും വ​ന്യ​ജീ​വി സ​ങ്കേ​ത​ങ്ങ​ളി​ൽ പോ​ലും മാ​ലി​ന്യം അ​ല​ക്ഷ്യ​മാ​യി കി​ട​ക്കു​ന്നു. നേ​ര​ത്തെ പ​രി​ശോ​ധ​ന​ക​ൾ ന​ട​ന്നി​രു​ന്നു. എ​ന്നാ​ൽ ഇ​പ്പോ​ൾ ഇ​വ​യൊ​ന്നും എ​വി​ടെ​യും ന​ട​ക്കു​ന്നി​ല്ല.