പൊതുസ്​ഥലങ്ങളിൽ തമ്പടിച്ച്​ ഭിക്ഷാടക സംഘങ്ങൾ; കൂ​ടു​ത​ലും അ​ന്ത​ർ​സം​സ്ഥാ​ന​ക്കാ​ർ

അ​ടി​മാ​ലി: കോ​വി​ഡ് കാ​ല​ത്തെ ഇ​ട​വേ​ള​ക്കു​ശേ​ഷം ജി​ല്ല​യി​ൽ ഭി​ക്ഷാ​ട​ന മാ​ഫി​യ വീ​ണ്ടും ക​ള​ത്തി​ലി​റ​ങ്ങി. ബ​സു​ക​ളി​ലും വ്യാ​പാ​ര സ്ഥാ​പ​ന​ങ്ങ​ളി​ലും പ​ഴ​യ​പ​ടി ആ​ൾ​ത്തി​ര​ക്കേ​റി​യ​തോ​ടെ​യാ​ണ് ഭി​ക്ഷാ​ട​ന​വും സ​ജീ​വ​മാ​യ​ത്.

ഉ​ത്സ​വ​ങ്ങ​ളി​ലെ​യും ആ​ഘോ​ഷ​ങ്ങ​ളി​ലെ​യും ജ​ന​ക്കൂ​ട്ട​ത്തെ മു​ത​ലെ​ടു​ത്തും ഭി​ക്ഷാ​ട​നം പൊ​ടി​പൊ​ടി​ക്കു​ന്നു​ണ്ട്. അ​ന്ത​ർ​സം​സ്ഥാ​ന​ങ്ങ​ളി​ൽ​നി​ന്നു​ള്ള​വ​രാ​ണ് ഭി​ക്ഷാ​ട​ക​രി​ലേ​റെ​യും.

ആ​ളു​ക​ളു​ടെ സ​ഹ​താ​പ​വും ക​രു​ണ​യും പ​ര​മാ​വ​ധി മു​ത​ലെ​ടു​ക്കാ​നാ​ണ് കൈ​ക്കു​ഞ്ഞു​ങ്ങ​ളെ​യും ചെ​റി​യ കു​ട്ടി​ക​ളെ​യും വ​യോ​ജ​ന​ങ്ങ​ളെ​യും ഭി​ന്ന​ശേ​ഷി​ക്കാ​രെ​യും രം​ഗ​ത്തി​റ​ക്കി​യു​ള്ള ഭി​ക്ഷാ​ട​നം. ചി​ല​രു​ടെ കൈ​യി​ൽ സ​ഹ​താ​പം പി​ടി​ച്ചു​പ​റ്റാ​ൻ അ​ച്ച​ടി​ച്ച വി​വ​ര​ങ്ങ​ള​ട​ങ്ങി​യ കാ​ർ​ഡു​ക​ളും കാ​ണാം. പൊ​ലീ​സ്​ ന​ട​പ​ടി ഉ​ണ്ടാ​കു​മ്പോ​ൾ ഒ​റ്റ​യ​ടി​ക്ക് മു​ങ്ങു​ന്ന ഭി​ക്ഷാ​ട​ക​സം​ഘം മാ​സ​ങ്ങ​ൾ​ക്കു​ള്ളി​ൽ തി​രി​ച്ചെ​ത്തും. മ​റ്റ് സം​സ്ഥാ​ന​ങ്ങ​ളി​ൽ ഉ​ള്ള സ്ഥാ​പ​ന​ങ്ങ​ളു​ടെ വ്യാ​ജ ര​സീ​തു​ക​ൾ ഉ​പ​യോ​ഗി​ച്ച് പ​ണ​പ്പി​രി​വ് ന​ട​ത്തു​ന്ന സം​ഘ​വും സ​ജീ​വ​മാ​ണ്. അ​ടു​ത്തി​ടെ മൂ​ന്നാ​റി​ൽ ഇ​ത്ത​ര​ത്തി​ൽ പി​രി​വ് ന​ട​ത്തി​യ ര​ണ്ടു​പേ​രെ പൊ​ലീ​സ് അ​റ​സ്റ്റ് ചെ​യ്തി​രു​ന്നു. ഇ​തി​നു​ശേ​ഷം അ​ടി​മാ​ലി​യി​ലും ത​ട്ടി​പ്പി​ന് ശ്ര​മി​ച്ച​വ​ർ പൊ​ലീ​സ് എ​ത്തി​യ​പ്പോ​ഴേ​ക്കും മു​ങ്ങി. ത​മി​ഴ്​​നാ​ട്ടി​ൽ​നി​ന്ന് വാ​ഹ​ന​ത്തി​ൽ യാ​ച​ക​രെ വ​ൻ​തോ​തി​ൽ ജി​ല്ല​യി​ലേ​ക്ക്​ എ​ത്തി​ക്കു​ന്നു​ണ്ട്. രാ​വി​ലെ എ​ത്തു​ന്ന​വ​ർ വൈ​കീ​ട്ടോ​ടെ മ​ട​ങ്ങും.