സാറക്ക് വേണം സുമനസുകളുടെ സഹായം

അ​ടി​മാ​ലി: ജീ​വി​ത സാ​യാ​ഹ്ന​ത്തി​ൽ രോ​ഗ​വും ദാ​രി​ദ്ര്യ​വും ഒ​രു​പോ​ലെ ദു​രി​ത​ത്തി​ലാ​ക്കി​യ കു​ടും​ബം സ​ഹാ​യം തേ​ടു​ന്നു. ശാ​ന്ത​ൻ​പാ​റ പ​ഞ്ചാ​യ​ത്തി​ലെ ശ​ങ്ക​പ്പ​ൻ പാ​റ​യ്ക്ക് സ​മീ​പം താ​മ​സി​ക്കു​ന്ന രാ​ജു​വും ഭാ​ര്യ സാ​റ​യു​മാ​ണ് ജീ​വി​തം മു​ന്നോ​ട്ടു കൊ​ണ്ടു പോ​കാ​ൻ ക​ഴി​യാ​ത്ത വി​ധം ബു​ദ്ധി​മു​ട്ടി​ലാ​യ​ത്.

മ​ക്ക​ളി​ല്ലാ​ത്ത ഈ ​ദ​മ്പ​തി​ക​ൾ​ക്ക് സ്വ​ന്ത​മാ​യി വീ​ടോ, ഭൂ​മി​യോ ഇ​ല്ല. കൂ​ലി​പ്പ​ണി​യെ​ടു​ത്ത് ക​ഴി​ഞ്ഞി​രു​ന്ന ഇ​വി​ടെ ഇ​വ​രു​ടെ ജീ​വി​തം കീ​ഴ്മേ​ൽ മ​റി​ഞ്ഞ​ത് അ​ഞ്ചു വ​ർ​ഷം മു​ൻ​പാ​ണ്. പ്ര​മേ​ഹ രോ​ഗം മൂ​ർ​ച്ഛി​ച്ച​തോ​ടെ സാ​റ​യു​ടെ വ​ല​ത് കാ​ൽ​പാ​ദം മു​റി​ച്ചു മാ​റ്റേ​ണ്ടി വ​ന്നു.

പാ​ദം മു​റി​ച്ചു​മാ​റ്റി​യ​തി​നു ശേ​ഷം മു​റി​വു​ണ​ങ്ങാ​ത്ത​തി​നാ​ൽ തീ​രാ​വേ​ദ​ന​യു​ടെ പി​ടി​യി​ലാ​ണ് ഇ​വ​ർ. വി​ദ​ഗ്ധ ചി​കി​ത്സ ല​ഭി​ക്കു​ന്ന ആ​ശു​പ​ത്രി​യി​ൽ പ്ര​വേ​ശി​പ്പി​ച്ചാ​ൽ ഇ​പ്പോ​ഴ​ത്തെ അ​വ​സ്ഥ​യ്ക്ക് മാ​റ്റം ഉ​ണ്ടാ​കു​മെ​ന്നാ​ണ് സ​ർ​ക്കാ​ർ ആ​ശു​പ​ത്രി​യി​ലെ ഡോ​ക്ട​ർ​മാ​ർ പ​റ​യു​ന്ന​ത്. സാ​റ​ക്ക് പ്രാ​ഥ​മി​ക ആ​വ​ശ്യ​ങ്ങ​ൾ നി​റ​വേ​റ്റാ​ൻ പോ​ലും മ​റ്റൊ​രാ​ളു​ടെ സ​ഹാ​യം വേ​ണ്ട​തി​നാ​ൽ രാ​ജു​വി​നും കൂ​ലി​പ്പ​ണി​ക്ക് പോ​കാ​ൻ ക​ഴി​യു​ന്നി​ല്ല.

പ്ര​മേ​ഹം, ര​ക്ത​സ​മ്മ​ർ​ദ്ദം എ​ന്നി​വ രാ​ജു​വി​നെ​യും അ​വ​ശ​നാ​ക്കി. ഇ​രു​വ​ർ​ക്കും മ​രു​ന്നി​നു​മാ​ത്രം മാ​സം​തോ​റും അ​യ്യാ​യി​ര​ത്തോ​ളം രൂ​പ വേ​ണ്ടി​വ​രും. നാ​ട്ടു​കാ​ര​നാ​യ ബെ​ന്നി ചെ​റി​യാ​ൻ ഇ​വ​ർ​ക്ക് താ​മ​സി​ക്കാ​ൻ ഒ​രു വീ​ട് സൗ​ജ​ന്യ​മാ​യി ന​ൽ​കി​യി​ട്ടു​ണ്ട്. നാ​ട്ടു​കാ​ർ ആ​രെ​ങ്കി​ലും ന​ൽ​കു​ന്ന സ​ഹാ​യം കൊ​ണ്ടാ​ണ് ഒ​രു നേ​ര​മെ​ങ്കി​ലും ഭ​ക്ഷ​ണം ക​ഴി​ച്ച് ഇ​വ​ർ ജീ​വ​ൻ നി​ല​നി​ർ​ത്തു​ന്ന​ത്.

ഭൂ​ര​ഹി​ത​രാ​യ ഈ ​കു​ടും​ബ​ത്തി​ന് ചി​ന്ന​ക്ക​നാ​ലി​ൽ അ​ഞ്ച് സെൻറ് ഭൂ​മി അ​നു​വ​ദി​ച്ചു എ​ന്ന് റ​വ​ന്യൂ വ​കു​പ്പി​ൽ നി​ന്ന് അ​റി​യി​പ്പ് ല​ഭി​ച്ചെ​ങ്കി​ലും തു​ട​ർ​ന്ന് ഒ​രു പ്ര​തി​ക​ര​ണ​വും ഇ​ല്ല. തു​ട​ർ ചി​കി​ത്സ​ക്കും മ​രു​ന്നി​നും സ​ഹാ​യം സ്വീ​ക​രി​ക്കാ​നാ​യി സാ​റ​യു​ടെ പേ​രി​ൽ യൂ​ണി​യ​ൻ ബാ​ങ്ക് രാ​ജ​കു​മാ​രി ശാ​ഖ​യി​ൽ അ​ക്കൗ​ണ്ട് ചേ​ർ​ന്നി​ട്ടു​ണ്ട്. അ​ക്കൗ​ണ്ട് ന​മ്പ​ർ: 37 22 0 2 1 2 0 0 0 1 4 5 8 , ഐ. ​എ​ഫ്. എ​സ്. സി ​കോ​ഡ് യു ​ബി ഐ ​എ​ൻ 0 53 72 25.