കുടിവെള്ളത്തിന്​ നെട്ടോട്ടം; നോക്കുകുത്തിയായി കുഴല്‍ക്കിണറുകള്‍

അ​ടി​മാ​ലി: മു​ന്‍ വ​ര്‍ഷ​ങ്ങ​ളി​ല്‍ നി​ന്ന് വ്യ​ത്യ​സ്ഥ​മാ​യി ഇ​ക്കു​റി വേ​ന​ലും കു​ടി​വെ​ള​ള ക്ഷാ​മ​വും രൂ​ക്ഷ​മാ​കു​ന്നു. എ​ന്നാ​ല്‍ കു​ടി​വെ​ള​ള പ്ര​ശ്‌​ന​ങ്ങ​ള്‍ പ​രി​ഹ​രി​ക്കാ​ന്‍ സ​ര്‍ക്കാ​ര്‍ കാ​ര്യ​മാ​യ ഇ​ട​പെ​ട​ല്‍ ന​ട​ത്തു​ന്നി​ല്ലെ​ന്ന്​ ആ​ക്ഷേ​പം. മു​മ്പൊ​ക്കെ വേ​ന​ല്‍ ശ​ക്ത​മാ​കു​മ്പോ​ള്‍ വാ​ഹ​ന​ങ്ങ​ളി​ലും മ​റ്റും കു​ടി​വെ​ള​ളം എ​ത്തി​ച്ചി​രു​ന്നെ​ങ്കി​ലും ഇ​ക്കു​റി അ​തൊ​ന്നും ഉ​ണ്ടാ​യി​ട്ടി​ല്ല.

ഹൈ​റേ​ഞ്ച് രൂ​ക്ഷ​മാ​യ കു​ടി​വെ​ള​ള ക്ഷാ​മ​ത്തി​ലേ​ക്ക് നീ​ങ്ങു​ബോ​ള്‍ ത​ക​രാ​റി​ലാ​യ കു​ഴ​ല്‍ക്കി​ണ​റു​ക​ള്‍ ന​ന്നാ​ക്കാ​നും ന​ട​പ​ടി​യി​ല്ല. ജി​ല്ല​യി​ലെ ഓ​രോ പ​ഞ്ചാ​യ​ത്തി​ലും 15 മു​ത​ല്‍ 30 വ​രെ കു​ഴ​ല്‍ കി​ണ​റു​ക​ളാ​ണ് ഉ​പ​യോ​ഗ​മി​ല്ലാ​തെ കി​ട​ക്കു​ന്ന​ത്. കൊ​ച്ചി-​ധ​നു​ഷ്‌​കോ​ടി ദേ​ശീ​യ​പാ​ത​യി​ല്‍ അ​ടി​മാ​ലി, കൂ​മ്പ​ന്‍പാ​റ, വാ​ള​റ മേ​ഖ​ല​യി​ല്‍ മാ​ത്രം എ​ട്ട്​ കു​ഴ​ല്‍കി​ണ​റാ​ണ് ഉ​പ​യോ​ഗ്യ​മ​ല്ലാ​തെ കി​ട​ക്കു​ന്ന​ത്. ജി​ല്ല ഗ്രൗ​ണ്ട് വാ​ട്ട​ര്‍ വ​കു​പ്പ്​ നേ​ര​ത്തെ ഇ​ത്ത​രം പ്ര​ശ്‌​ന​ങ്ങ​ള്‍ പ​രി​ഹ​രി​ച്ച് ന​ല്‍കി​യി​രു​ന്നു.

എ​ന്നാ​ല്‍ ഇ​വ​രും ഈ ​വി​ഷ​യ​ത്തി​ല്‍ യാ​തൊ​രു ന​ട​പ​ടി​യും സ്വീ​ക​രി​ക്കു​ന്നി​ല്ല. കൂ​ടു​ത​ല്‍ കു​ഴ​ല്‍ കി​ണ​റു​ക​ളി​ലും ഹാ​ൻ​ഡ്​ പ​മ്പ് ത​ക​രാ​റി​ലാ​യ​താ​ണ് ത​ട​സ്സ​ത്തി​ന് കാ​ര​ണം. എ​ന്നാ​ല്‍ ആ​വ​ശ്യാ​നു​സ​ര​ണം ഹാ​ന്‍ഡ്​ പ​മ്പു​ക​ള്‍ ല​ഭി​ക്കാ​ത്ത​തും പ്ര​ശ്‌​ന​മാ​ണെ​ന്ന് വി​വി​ധ പ​ഞ്ചാ​യ​ത്ത​ധി​കൃ​ത​ര്‍ പ​റ​യു​ന്നു. ഹൈ​റേ​ഞ്ചി​ല്‍ കു​ടി​വെ​ള​ള ക്ഷാ​മം പ​രി​ഹ​രി​ക്കു​ക​യെ​ന്ന ല​ക്ഷ്യ​ത്തോ​ടെ​യാ​ണ് ത്രി​ത​ല പ​ഞ്ചാ​യ​ത്തു​ക​ള്‍ ആ​ദി​വാ​സി കോ​ള​നി​ക​ളി​ല​ട​ക്കം നേ​ര​ത്തെ വ്യാ​പ​ക​മാ​യി കു​ഴ​ല്‍ കി​ണ​ര്‍ നി​ർ​മി​ച്ച​ത്.

40000 മു​ത​ല്‍ ല​ക്ഷം രൂ​പ വ​രെ മു​ട​ക്കി​ലാ​ണ് പ​ല​യി​ട​ത്തും കു​ഴ​ല്‍ കി​ണ​റു​ക​ള്‍ നി​ർ​മി​ച്ച​ത്. എ​ന്നാ​ല്‍ ജി​ല്ല​യി​ല്‍ 10 ശ​ത​മാ​ന​ത്തി​ല്‍ താ​ഴെ കു​ഴ​ല്‍ കി​ണ​റു​ക​ളേ പ്ര​വ​ര്‍ത്തി​ക്കു​ന്നു​ള​ളൂ. ചെ​റി​യ മു​ത​ല്‍മു​ട​ക്കി​ല്‍ കു​ഴ​ല്‍ കി​ണ​റു​ക​ള്‍ പൂ​ര്‍വ സ്ഥി​തി​യി​ലാ​ക്കാ​മെ​ങ്കി​ലും ന​ട​പ​ടി സ്വീ​ക​രി​ക്കാ​ത്ത അ​ധി​കൃ​ത​രു​ടെ ന​ട​പ​ടി വി​മ​ര്‍ശ​ന​ത്തി​ന് ഇ​ട​യാ​ക്കി​യി​ട്ടു​മു​ണ്ട്. പ​ഴ​യ പ​ദ്ധ​തി​ക​ളി​ല്‍ പ​ണം മു​ട​ക്കി​യാ​ല്‍ ക​മ്മി​ഷ​ന്‍ ല​ഭി​ക്കി​ല്ലെ​ന്നും പു​തി​യ പ​ദ്ധ​തി​ക​ളാ​ണെ​ങ്കി​ല്‍ വ​ന്‍തു​ക ല​ഭി​ക്കു​മെ​ന്ന​തു​മാ​ണ് പ​ഴ​യ ജ​ല​പ​ദ്ധ​തി​ക​ള്‍ അ​വ​ഗ​ണി​ക്ക​പ്പെ​ട്ട് ന​ശി​ക്കാ​ന്‍ കാ​ര​ണ​മെ​ന്നും ആ​ക്ഷേ​പ​മു​ണ്ട്.

കു​ടി​നീരിന്​ ഒ​ന്ന​ര​കി​ലോ​മീ​റ്റ​ർ താ​ണ്ട​ണം

ദേ​വി​കു​ളം: വേ​ന​ൽ ക​ടു​ത്ത​തോ​ടെ ദേ​വി​കു​ളം കോ​ള​നി​യി​ലെ നൂ​റോ​ളം കു​ടും​ബ​ങ്ങ​ൾ ശു​ദ്ധ​ജ​ല​മി​ല്ലാ​തെ ദു​രി​ത​ത്തി​ൽ. ഒ​ന്ന​ര കി​ലോ​മീ​റ്റ​ർ ദൂ​ര​ത്തു​ള്ള ച​തു​പ്പി​ലെ നീ​രു​റ​വ​യി​ൽ​നി​ന്ന്​ വെ​ള്ളം ചു​മ​ന്ന് എ​ത്തി​ച്ചാ​ണ് മാ​സ​ങ്ങ​ളാ​യി കോ​ള​നി നി​വാ​സി​ക​ൾ വീ​ട്ടാ​വ​ശ്യ​ങ്ങ​ൾ ന​ട​ത്തു​ന്ന​ത്. കി​ലോ​മീ​റ്റ​റു​ക​ൾ ദൂ​ര​ത്തു​ള്ള തേ​യി​ല​ത്തോ​ട്ട​ത്തി​ലെ നീ​രു​റ​വ​ക​ളി​ൽ​നി​ന്ന്​ ഹോ​സു​ക​ളി​ട്ടാ​യി​രു​ന്നു കോ​ള​നി നി​വാ​സി​ക​ൾ വീ​ടു​ക​ളി​ൽ വെ​ള്ള​മെ​ത്തി​ച്ചി​രു​ന്ന​ത്.

എ​ന്നാ​ൽ വേ​ന​ൽ രൂ​ക്ഷ​മാ​യ​തോ​ടെ നീ​രു​റ​വ​ക​ൾ എ​ല്ലാം ഉ​ണ​ങ്ങി. 1989-’90 കാ​ല​ഘ​ട്ട​ത്തി​ൽ പ​ഞ്ചാ​യ​ത്ത് നെ​റ്റി​ക്കു​ടി​യി​ൽ ത​ട​യ​ണ നി​ർ​മി​ച്ച് കോ​ള​നി​യി​ലെ സം​ഭ​ര​ണി​യി​ൽ വെ​ള്ള​മെ​ത്തി​ച്ച് 15 വ​ർ​ഷം കോ​ള​നി​യി​ൽ വി​ത​ര​ണം ചെ​യ്തി​രു​ന്നു. എ​ന്നാ​ൽ അ​റ്റ​കു​റ്റ​പ്പ​ണി​ക​ൾ ന​ട​ത്താ​ത്ത​തു​മൂ​ലം ത​ട​യ​ണ​ക്ക്​ ചോ​ർ​ച്ച​യു​ണ്ടാ​യ​തോ​ടെ ജ​ല​വി​ത​ര​ണം നി​ല​ക്കു​ക​യാ​യി​രു​ന്നു. പി​ന്നീ​ട് കോ​ള​നി​യി​ലെ ശു​ദ്ധ​ജ​ല​ക്ഷാ​മം പ​രി​ഹ​രി​ക്കു​ന്ന​തി​നാ​യി 2019 -’20 സാ​മ്പ​ത്തി​ക വ​ർ​ഷ​ത്തി​ൽ പ​ട്ടി​ക​ജാ​തി വ​കു​പ്പ് 25 ല​ക്ഷം രൂ​പ അ​നു​വ​ദി​ച്ചി​രു​ന്നു.

ഒ​രു കി​ലോ​മീ​റ്റ​ർ ദൂ​ര​ത്തു​ള്ള നെ​റ്റി​ക്കു​ടി​യി​ലെ ത​ട​യ​ണ ന​വീ​ക​രി​ച്ച ശേ​ഷം വെ​ള്ളം പൈ​പ്പു​ക​ൾ വ​ഴി കോ​ള​നി​യി​ലെ സം​ഭ​ര​ണി​യി​ലെ​ത്തി​ച്ച് വീ​ടു​ക​ളി​ൽ വി​ത​ര​ണം ചെ​യ്യാ​നാ​യി​രു​ന്നു ല​ക്ഷ്യ​മി​ട്ട​ത്. എ​ന്നാ​ൽ ജ​ല​വി​ഭ​വ വ​കു​പ്പ് ഉ​ദ്യോ​ഗ​സ്ഥ​ർ മ​റ്റു ന​ട​പ​ടി​ക​ൾ സ്വീ​ക​രി​ക്കാ​തെ വ​ന്ന​തോ​ടെ പ​ദ്ധ​തി ഉ​പേ​ക്ഷി​ക്കു​ക​യാ​യി​രു​ന്നു.

പ​രാ​തി​ക​ളെ തു​ട​ർ​ന്ന് ക​ഴി​ഞ്ഞ ന​വം​ബ​റി​ൽ ഈ ​പ​ദ്ധ​തി പു​ന​രു​ദ്ധ​രി​ക്കു​ന്ന​തി​നു​ള്ള സാ​ധ്യ​ത തേ​ടി ജ​ല​വി​ത​ര​ണ വ​കു​പ്പ് ഉ​ദ്യോ​ഗ​സ്ഥ​ർ സ്ഥ​ല​ത്ത് പ​രി​ശോ​ധ​ന ന​ട​ത്തി​യെ​ങ്കി​ലും പി​ന്നീ​ട് ന​ട​പ​ടി​ക​ളൊ​ന്നു​മു​ണ്ടാ​യി​ല്ല. ശു​ദ്ധ​ജ​ല സം​വി​ധാ​നം ഏ​ർ​പ്പെ​ടു​ത്താ​ത്ത​തി​ൽ പ്ര​തി​ഷേ​ധി​ച്ച് സ​മ​ര​പ​രി​പാ​ടി​ക​ൾ ന​ട​ത്താ​നു​ള്ള ഒ​രു​ക്ക​ത്തി​ലാ​ണ് കോ​ള​നി നി​വാ​സി​ക​ൾ.