ആനച്ചാൽ ടൂറിസ്റ്റ്​ കേന്ദ്രം; ശൗചാലയ മാലിന്യം തള്ളുന്നതും ഇവിടെ

അ​ടി​മാ​ലി: വി​നോ​ദ​സ​ഞ്ചാ​ര രം​ഗ​ത്ത്​ അ​തി​വേ​ഗം വ​ള​ർ​ന്നു​വ​രു​ന്ന ആ​ന​ച്ചാ​ൽ പ്ര​ദേ​ശ​ത്ത്​ ശൗ​ചാ​ല​യ​ മാ​ലി​ന്യം ത​ള്ളു​ന്ന​ത്​ ഹോ​ട്ട​ലു​ക​ൾ തു​ട​രു​ന്നു. മൂ​ന്നാ​റി​ൽ എ​ത്തു​ന്ന​വ​രി​ൽ അ​ധി​ക​വും ആ​ന​ച്ചാ​ലി​ലും എ​ത്തു​ന്ന​തി​നാ​ൽ തി​ര​ക്ക് വ​ർ​ധി​ച്ച​തോ​ടെ ഇ​വി​ടെ പ​രി​സ്ഥി​തി സു​ര​ക്ഷ മാ​നി​ക്ക​പ്പെ​ടു​ന്നി​ല്ല. മേ​ഖ​ല​യി​ൽ മു​ള​ച്ചു​പൊ​ന്തി​യ റി​സോ​ർ​ട്ടു​ക​ളാ​ണ്​ ഇ​തി​ൽ മു​ഖ്യ പ്ര​തി​ക​ൾ. റി​സോ​ർ​ട്ടു​കാ​ർ ശൗ​ചാ​ല​യ മാ​ലി​ന്യം പൊ​തു​ഇ​ട​ങ്ങ​ളി​ൽ ത​ള്ളു​ന്ന​ത്​ ആ​ന​ച്ചാ​ലു​കാ​ർ​ക്ക് ത​ല​വേ​ദ​ന​യാ​യി.

ഞാ​യ​റാ​ഴ്ച പു​ല​ർ​ച്ച ചെ​ങ്കു​ളം അ​ണ​ക്കെ​ട്ടി​ന് സ​മീ​പം പ്ര​വ​ർ​ത്തി​ക്കു​ന്ന റി​സോ​ർ​ട്ട് വ​ൻ​തോ​തി​ൽ ശൗ​ചാ​ല​യ മാ​ലി​ന്യം മോ​ട്ടോ​ർ പ​മ്പ് സെ​റ്റ് ഉ​പ​യോ​ഗി​ച്ച് ചെ​ങ്കു​ളം അ​ണ​ക്കെ​ട്ടി​ലേ​ക്ക് ത​ള്ളി​യ​താ​ണ് ഒ​ടു​വി​ല​ത്തെ സം​ഭ​വം. ഒ​രു​മാ​സം മു​മ്പ്​ ബാ​ർ പ്ര​വ​ർ​ത്തി​ക്കു​ന്ന റി​സോ​ർ​ട്ടി​ൽ​നി​ന്ന്​ മാ​ലി​ന്യം റോ​ഡി​ലേ​ക്ക് ഒ​ഴു​ക്കി​യി​രു​ന്നു.

പ​ഞ്ചാ​യ​ത്ത്-​ആ​രോ​ഗ്യ വ​കു​പ്പ് അ​ധി​കൃ​ത​ർ ന​ട​ത്തി​യ പ​രി​ശോ​ധ​ന​യി​ൽ ഇ​വി​ടെ മാ​ലി​ന്യം സം​സ്ക​രി​ക്കാ​ൻ മ​തി​യാ​യ സം​വി​ധാ​നം ഇ​ല്ലെ​ന്ന് ക​ണ്ടെ​ത്തി. ആ​ന​ച്ചാ​ൽ ടൗ​ണി​ലും ഈ​ട്ടി സി​റ്റി​ക്ക് പോ​കു​ന്ന വ​ഴി​യി​ലു​മാ​യാ​ണ് ശൗ​ചാ​ല​യ മാ​ലി​ന്യം ഒ​ഴു​കി​യ​ത്.

മു​തു​വാ​ൻ കു​ടി​യി​ൽ അ​സ​ഹ്യ​മാ​യ ദു​ർ​ഗ​ന്ധം ഉ​ണ്ടാ​യ​തോ​ടെ നാ​ട്ടു​കാ​ർ ന​ട​ത്തി​യ പ​രി​ശോ​ധ​ന​യി​ൽ സ​മീ​പ​ത്ത് പ്ര​വ​ർ​ത്തി​ക്കു​ന്ന റി​സോ​ർ​ട്ടി​ൽ​നി​ന്ന്​ മാ​ലി​ന്യം മോ​ട്ടോ​ർ ഉ​പ​യോ​ഗി​ച്ച് പു​റ​ത്തേ​ക്ക് ഒ​ഴു​ക്കു​ന്ന​ത് ക​ണ്ടെ​ത്തി​യ​ത്.

ഏ​താ​നും മാ​സം മു​മ്പ്​ മേ​രി​ലാ​ൻ​ഡ്, ഈ​ട്ടി സി​റ്റി മേ​ഖ​ല​യി​ൽ മൂ​ന്ന് റി​സോ​ട്ടു​ക​ൾ ചി​ത്തി​ര​പു​രം ഡോ​ബി​പാ​ല​ത്ത് പ​ള്ളി​വാ​സ​ൽ ജ​ല​വൈ​ദ്യു​തി പ​ദ്ധ​തി​യോ​ട് ചേ​ർ​ന്നും പു​ഴ​യി​ൽ മാ​ലി​ന്യം ത​ള്ളി​യ​ത് ക​ണ്ടെ​ത്തി​യി​രു​ന്നു. ശ​ക്ത​മാ​യ ന​ട​പ​ടി​യി​ല്ലാ​തെ പി​ഴ അ​ട​ച്ച് മാ​ത്രം ഇ​ള​വ് ന​ൽ​കി​യ​താ​ണ് വീ​ണ്ടും മാ​ലി​ന്യം ത​ള്ളാ​ൻ കാ​ര​ണം.

ചെ​ങ്കു​ളം അ​ണ​ക്കെ​ട്ടി​ൽ ശൗ​ചാ​ല​യ മാ​ലി​ന്യം ത​ള്ളാ​ൻ ശ്ര​മി​ച്ച മൂ​ന്നു​പേ​രെ നേ​ര​ത്തേ നാ​ട്ടു​കാ​ർ പി​ടി​കൂ​ടി വെ​ള്ള​ത്തൂ​വ​ൽ പൊ​ലീ​സി​ന് കൈ​മാ​റി​യി​രു​ന്നു. വ​ഴി​വി​ള​ക്കു​ക​ളും നി​രീ​ക്ഷ​ണ കാ​മ​റ​ക​ളും സ്ഥാ​പി​ച്ചാ​ൽ ഇ​ത്ത​ര​ക്കാ​ർ​ക്കെ​തി​രെ ന​ട​പ​ടി സ്വീ​ക​രി​ക്കാ​ൻ സാ​ധി​ക്കും. പൊ​ലീ​സ് പ​ട്രോ​ളി​ങ്​ ഏ​ർ​പ്പെ​ടു​ത്തു​ക​യും വേ​ണം. ചെ​ങ്കു​ളം അ​ണ​ക്കെ​ട്ടി​ലെ ജ​ല​മാ​ണ്​ ആ​യി​ര​ക്ക​ണ​ക്കി​ന് കു​ടും​ബ​ങ്ങ​ൾ കു​ടി​ക്കാ​നും കു​ളി​ക്കാ​നും മ​റ്റ് ആ​വ​ശ്യ​ങ്ങ​ൾ​ക്കു​മാ​യി ശേ​ഖ​രി​ക്കു​ന്ന​ത്.