ട്രൈബൽ വികസന പദ്ധതികൾ; 63 ലക്ഷം രൂപയുടെ ബില്ലിന്​ അംഗീകാരം

അ​ടി​മാ​ലി: പ​ട്ടി​ക​വ​ർ​ഗ വി​ക​സ​ന ഓ​ഫി​സി​ന് കീ​ഴി​ൽ ന​ട​പ്പാ​ക്കു​ന്ന അം​ബേ​ദ്ക​ർ സെ​റ്റി​ൽ​മെ​ന്‍റ്​ ഡെ​വ​ല​പ്മെ​ന്‍റ്​ പ​ദ്ധ​തി​ക്ക് കീ​ഴി​ലെ പ്ര​വൃ​ത്തി​ക​ൾ സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്ക​ണ​മെ​ന്ന് ക​ല​ക്ട​ർ ഷീ​ബ ജോ​ർ​ജ് നി​ർ​ദേ​ശി​ച്ചു. ജി​ല്ല​ത​ല മോ​ണി​റ്റ​റി​ങ്​ ക​മ്മി​റ്റി​യി​ൽ അ​ധ്യ​ക്ഷ​ത വ​ഹി​ക്കു​ക​യാ​യി​രു​ന്നു അ​വ​ർ. പ​ദ്ധ​തി​യു​ടെ ഭാ​ഗ​മാ​യ 10 സ​ങ്കേ​ത​ങ്ങ​ളി​ൽ ഏ​ഴെ​ണ്ണ​ത്തി​ലെ നി​ർ​മാ​ണ പ്ര​വൃ​ത്തി​ക​ളു​ടെ പാ​ർ​ട്ട് ബി​ൽ യോ​ഗം അം​ഗീ​ക​രി​ച്ചു.

മൊ​ത്തം 63,12,178 ല​ക്ഷം രൂ​പ​യു​ടെ ബി​ല്ലാ​ണ് യോ​ഗം അം​ഗീ​ക​രി​ച്ച​ത്. അ​ഞ്ചാം​മൈ​ൽ, കൊ​ച്ചു​കൊ​ട​ക്ക​ല്ല്, ത​ല​നി​ര​പ്പ​ൻ, ക​മ്മാ​ളം​കു​ടി, ഈ​ച്ചാ​പെ​ട്ടി, ചെ​മ്പ​ട്ടി, പ​ന്ത​ടി​ക്ക​ളം സ​ങ്കേ​ത​ങ്ങ​ളി​ലെ പ്ര​വൃ​ത്തി​ക​ളാ​ണ് യോ​ഗം അ​വ​ലോ​ക​നം ചെ​യ്ത​ത്. തു​ട​ർ​ന്ന് ന​ട​ന്ന ജി​ല്ല​ത​ല വ​ർ​ക്കി​ങ്​ ഗ്രൂ​പ് യോ​ഗം ഈ ​വ​ർ​ഷ​ത്തെ കോ​ർ​പ​സ് ഫ​ണ്ട് പ്രോ​ജ​ക്ട്​ പ്രൊ​പ്പോ​സ​ലു​ക​ളും ച​ർ​ച്ച​ചെ​യ്തു. ഐ.​ടി.​ഡി.​പി തൊ​ടു​പു​ഴ, ഐ.​ടി.​ഡി.​പി അ​ടി​മാ​ലി എ​ന്നി​വി​ട​ങ്ങ​ളി​ലെ പ്രൊ​പ്പോ​സ​ലു​ക​ളാ​ണ് യോ​ഗം ച​ർ​ച്ച ചെ​യ്ത​ത്. ഐ.​​ടി.​ഡി.​പി തൊ​ടു​പു​ഴ ഓ​ഫി​സി​ന് ആ​ദ്യ​ഗ​ഡു​വാ​യി 17 ല​ക്ഷം രൂ​പ​യും അ​ടി​മാ​ലി ഓ​ഫി​സി​ന് 39,63,601 രൂ​പ​യു​മാ​ണ് അ​നു​വ​ദി​ച്ച​ത്.

യോ​ഗ​ത്തി​ൽ വ​ർ​ക്കി​ങ്​ ഗ്രൂ​പ് അം​ഗ​ങ്ങ​ളാ​യ കെ.​എ. ബാ​ബു, കെ.​കെ. ബാ​ല​കൃ​ഷ്ണ​ൻ, കെ.​ജി സ​ത്യ​ൻ, മ​റ്റ് അം​ഗ​ങ്ങ​ൾ ജി​ല്ല പ്ലാ​നി​ങ്​ ഓ​ഫി​സ​ർ ദീ​പ ച​ന്ദ്ര​ൻ, മ​റ്റ് ഉ​ദ്യോ​ഗ​സ്ഥ​ർ തു​ട​ങ്ങി​യ​വ​ർ പ​ങ്കെ​ടു​ത്തു.