നഗര സൗന്ദര്യവത്​കരണം വിജയംകണ്ടില്ല; പഞ്ചായത്തിന് നഷ്ടം ലക്ഷങ്ങള്‍

അ​ടി​മാ​ലി: അ​ടി​മാ​ലി ന​ഗ​രം സൗ​ന്ദ​ര്യ​വ​ത്​​ക​രി​ക്കു​ന്ന​തി​ന്റെ ഭാ​ഗ​മാ​യി ന​ട​പ്പാ​ക്കി​യ പ​ദ്ധ​തി​യും പൂ​ന്തോ​ട്ടം പ​ദ്ധ​തി​യും വി​ജ​യം​ക​ണ്ടി​ല്ല. ന​ട​പ്പാ​ക്കി​യ ഇ​ന​ത്തി​ല്‍ പ​ഞ്ചാ​യ​ത്തി​ന് ന​ഷ്ട​മാ​യ​ത് ല​ക്ഷ​ങ്ങ​ള്‍. പ​ഞ്ചാ​യ​ത്ത് ഭ​ര​ണ​സ​മി​തി അ​ധി​കാ​ര​ത്തി​ലെ​ത്തി​യ ശേ​ഷം കൊ​ട്ടി​ഗ്​​ഘോ​ഷി​ച്ച് ന​ട​പ്പാ​ക്കി​യ ആ​ദ്യ പ​ദ്ധ​തി​യാ​ണ് അ​ധി​കൃ​ത​രു​ടെ അ​ഴി​മ​തി​യും കെ​ടു​കാ​ര്യ​സ്ഥ​ത​യും​മൂ​ലം പ​രാ​ജ​യ​പ്പെ​ട്ട​ത്.

പൈ​പ്പു​ക​ള്‍ സ്ഥാ​പി​ക്കാ​ൻ ര​ണ്ട് ഘ​ട്ട​ങ്ങ​ളി​ലാ​യി 7.5 ല​ക്ഷ​വും സോ​ളാ​ര്‍ ലൈ​റ്റു​ക​ള്‍ സ്ഥാ​പി​ക്കാ​ൻ ഏ​ഴു​ല​ക്ഷ​വും മു​ട​ക്കി​യ പ​ദ്ധ​തി​യാ​ണ് പ​രാ​ജ​യ​പ്പെ​ട്ട​ത്. പൈ​പ്പി​ല്‍ മാ​ലി​ന്യ നി​ക്ഷേ​പ ബോ​ക്‌​സും അ​തി​ന് മു​ക​ളി​ല്‍ ചെ​ടി​ച്ച​ട്ടി​യും സ്ഥാ​പി​ച്ച ശേ​ഷ​മാ​ണ് ചെ​ടി​ക​ള്‍ വെ​ച്ചു​പി​ടി​പ്പി​ച്ച​ത്. ചെ​ടി​ച്ച​ട്ടി​യും ചെ​ടി​യും പൂ​ർ​ണ​മാ​യി ന​ശി​ച്ചു. മാ​ലി​ന്യം നീ​ക്കം​ചെ​യ്യാ​ത്ത​തി​നാ​ല്‍ ടൗ​ണി​ല്‍ പ​ല​യി​ട​ത്തും ശാ​പ​മാ​യി മാ​ലി​ന്യ ബി​ന്നു​ക​ൾ നി​ല​കൊ​ള്ളു​ന്നു.

വ​ലി​യ ഇ​രു​മ്പ് പൈ​പ്പ് സ്ഥാ​പി​ച്ച ശേ​ഷം സോ​ളാ​ര്‍ വ​ഴി​വി​ള​ക്കും ഇ​തി​ല്‍ പി​ടി​പ്പി​ച്ചി​രു​ന്നു. തു​ട​ക്ക​ത്തി​ല്‍ ആ​റു​മാ​സം വ​ലി​യ പ്ര​ശ്‌​ന​ങ്ങ​ളി​ല്ലാ​തെ മു​ന്നോ​ട്ട് പോ​യെ​ങ്കി​ലും പി​ന്നീ​ട് ശ്ര​ദ്ധ ഇ​ല്ലാ​താ​യ​തോ​ടെ ഇ​വ നാ​ശ​ത്തി​ല്‍ എ​ത്തു​ക​യാ​യി​രു​ന്നു. ടൗ​ണി​ല്‍ 150ലേ​റെ ഇ​ട​ങ്ങ​ളി​ലാ​ണ് ഇ​ത്ത​ര​ത്തി​ല്‍ ഇ​രു​മ്പ് തൂ​ണും ചെ​ടി​ച്ച​ട്ടി​യും വ​ഴി​വി​ള​ക്കും സ്ഥാ​പി​ച്ച​ത്.

റോ​ഡ​രി​കി​ൽ രാ​ഷ്ട്രീ​യ പാ​ര്‍ട്ടി​ക​ളു​ടെ കൊ​ടി​ക​ളും പ​ര​സ്യ ബോ​ര്‍ഡു​ക​ളും എ​ടു​ത്ത് മാ​റ്റ​ണ​മെ​ന്ന് കോ​ട​തി വി​ധി വ​ന്നി​രു​ന്നു. ഇ​തി​ന് ശേ​ഷ​മാ​ണ് പ​ഞ്ചാ​യ​ത്ത് വൈ​ദ്യു​തി ലൈ​നു​ക​ളു​ടെ അ​ടി​യി​ല്‍ ഉ​ള്‍പ്പെ​ടെ ടൗ​ണി​ന്റെ വി​വി​ധ ഭാ​ഗ​ങ്ങ​ളി​ല്‍ പൈ​പ്പു​ക​ള്‍ സ്ഥാ​പി​ച്ച് മാ​ലി​ന്യ നി​ക്ഷേ​പ ബോ​ക്‌​സും ചെ​ടി​യും സ്ഥാ​പി​ച്ച​ത്. പ​ഞ്ചാ​യ​ത്തി​ന്‍റെ ത​ന​ത് പ​ണ്ട് ഉ​പ​യോ​ഗി​ച്ചാ​ണ് പ​ദ്ധ​തി ന​ട​പ്പാ​ക്കി​യ​ത്. ക​ല്ലാ​ര്‍കു​ട്ടി റോ​ഡി​ല്‍ കോ​ള​ജ് കു​ന്ന് ഭാ​ഗ​ത്തും ദേ​ശീ​യ​പാ​ത​യി​ല്‍ പോ​റ്റാ​സ് പ​ടി​യി​ലും വ​ന്‍തു​ക മു​ട​ക്കി പൂ​ന്തോ​ട്ടം ഒ​രു​ക്കു​ന്ന പ​ദ്ധ​തി​യും ന​ട​പ്പാ​ക്കി​യി​രു​ന്നു.

ഇ​തും പ​ണം ന​ഷ്ട​പ്പെ​ട്ട പ​ദ്ധ​തി​യാ​യി. പൂ​ന്തോ​ട്ട പ​ദ്ധ​തി തൊ​ഴി​ലു​റ​പ്പ് പ​ദ്ധ​തി​യി​ലാ​ണ് ന​ട​പ്പാ​ക്കി​യ​ത്. ഇ​തോ​ടെ വാ​ര്‍ഡ്ത​ല പ്ര​വ​ര്‍ത്ത​ന​ങ്ങ​ളു​ടെ വ​ലി​യ ന​ഷ്​​ട​വും ഉ​ണ്ടാ​യി.