വെണ്ടര്‍ ലൈസന്‍സി ഉപേക്ഷിച്ചു; മുദ്രപത്രം കിട്ടാതെ ഉപഭോക്താക്കള്‍

അ​ടി​മാ​ലി: സാ​ങ്കേ​തി​ക ത​ക​രാ​റും ക​മീ​ഷ​ന്‍ കു​റ​വും കാ​ര​ണം അ​ടി​മാ​ലി​യി​ല്‍ വെ​ണ്ട​ര്‍ ലൈ​സ​ന്‍സി​ക​ൾ ഇ​ല്ലാ​താ​യ​തോ​ടെ മു​ദ്ര​പ​ത്ര​ങ്ങ​ള്‍ ല​ഭി​ക്കാ​തെ ആ​വ​ശ്യ​ക്കാ​ര്‍ വ​ല​യു​ന്നു.

മു​ദ്ര​പ്പ​ത്ര​ങ്ങ​ള്‍ ഇ–സ്റ്റാ​മ്പി​ങ്ങി​ലേ​ക്ക് മാ​റി​യ​താ​ണ് പ്ര​ശ്‌​ന​മാ​യ​ത്. സാ​ങ്കേ​തി​ക ത​ക​രാ​ര്‍ മൂ​ലം ദി​വ​സ​വും 30 ല്‍ ​താ​ഴെ മു​ദ്ര​പ​ത്ര​ങ്ങ​ളാ​ണ് ന​ല്‍കി​യി​രു​ന്ന​ത്. 100 രൂ​പ​ക്ക് 4.5 രൂ​പ​യാ​ണ് ക​മീ​ഷ​ന്‍. വെ​ണ്ട​ര്‍ മു​റി​വാ​ട​ക​യും ക​മ്പ്യൂ​ട്ട​റും പ്രി​ന്റ​റും പേ​പ്പ​റും സ്വ​ന്തം ചെ​ല​വി​ല്‍ ക​ണ്ടെ​ത്ത​ണം.

നെ​റ്റ് ത​ക​രാ​ര്‍ മൂ​ലം ആ​വ​ശ്യ​ക്കാ​ര്‍ക്ക് മു​ദ്ര​പ്പ​ത്ര​ങ്ങ​ള്‍ ന​ല്‍കാ​ന്‍ പ​റ്റാ​ത്ത ബു​ദ്ധി​മു​ട്ടും ഉ​ണ്ടാ​യ​തോ​ടെ അ​ടി​മാ​ലി​യി​ലെ ലൈ​സ​ന്‍സി ഉ​പേ​ക്ഷി​ക്കു​ക​യാ​യി​രു​ന്നു. ആ​റു മാ​സ​ത്തേ​ക്ക് താ​ൽ​ക്കാ​ലി​ക​മാ​യി ന​ല്‍കി​യ ലൈ​സ​ന്‍സി​യാ​ണ് ആ​ദ്യം 15 ദി​വ​സ​ത്തേ​ക്ക് അ​പേ​ക്ഷ ന​ല്‍കി സ്ഥാ​പ​നം അ​ട​ച്ച​ശേ​ഷം തു​ട​ര്‍ന്ന് ലൈ​സ​ന്‍സി വേ​ണ്ടെ​ന്ന് വെ​ച്ച​ത്.

മൂ​ന്നാ​ര്‍, ദേ​വി​കു​ളം, രാ​ജ​കു​മാ​രി, ഇ​ടു​ക്കി എ​ന്നി​വി​ട​ങ്ങ​ളി​ലാ​ണ് അ​ടി​മാ​ലി​ക്ക് സ​മീ​പം വെ​ണ്ട​ര്‍ ലൈ​സ​ന്‍സി​ക​ള്‍ ഉ​ള​ള​ത്. 30 കി​ലോ​മീ​റ്റ​റി​ല്‍ കൂ​ടു​ത​ല്‍ ദൂ​ര​ത്ത് ചെ​ന്ന് മു​ദ്ര​പ്പ​ത്ര​ങ്ങ​ള്‍ വാ​ങ്ങാ​മെ​ന്ന് വെ​ച്ചാ​ലും സാ​ങ്കേ​തി​ക ത​ക​രാ​ര്‍ മൂ​ലം ല​ഭി​ക്കു​മെ​ന്ന്​ ഉ​റ​പ്പി​ല്ല. ഇ​വി​ടെ എ​ത്തി​യാ​ലും മു​ദ്ര​പ്പ​ത്ര​ങ്ങ​ള്‍ ല​ഭി​ക്കാ​ന്‍ സാ​ധ്യ​ത കു​റ​വാ​ണ്. ഈ ​സാ​ഹ​ച​ര്യ​ത്തി​ല്‍ അ​ടി​മാ​ലി​യി​ല്‍ പു​തി​യ ലൈ​സ​ന്‍സി​യെ നി​യ​മി​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​യി.