പത്തിവിരിച്ച്​ രാജവെമ്പാലകൾ; ഭയന്ന്​ വിറച്ച് ജനം...

അ​ടി​മാ​ലി: നേ​ര്യ​മം​ഗ​ലം റേ​ഞ്ചി​ൽ വാ​ള​റ ഫോ​റ​സ്റ്റ് സ്റ്റേ​ഷ​ന് സ​മീ​പം ക​മ്പി​ലൈ​ൻ പ്ര​ദേ​ശ​ത്ത്​ രാ​ജ​വെ​മ്പാ​ല​ക​ൾ വി​ള​യാ​ടു​ക​യാ​ണ്. ഒ​രാ​ഴ്ച​ക്കി​ടെ അ​ഞ്ച് രാ​ജ​വെ​മ്പാ​ല​ക​​ളെ​യാ​ണ്​ പി​ടി​കൂ​ടി​യ​ത്. ഇ​തോ​ടെ വീ​ട്ടി​ൽ​നി​ന്ന്​ പു​റ​ത്തി​റ​ങ്ങാ​ൻ ഭ​യ​പ്പെ​ടു​ക​യാ​ണ് ഈ ​കു​ടി​യേ​റ്റ കാ​ർ​ഷി​ക ഗ്രാ​മ​ത്തി​ലെ ജ​ന​ങ്ങ​ൾ. ആ​റാം​മൈ​ൽ-​പ​ഴ​മ്പി​ളി​ച്ചാ​ൽ റോ​ഡി​ൽ​നി​ന്ന്​ ക​മ്പി​ലൈ​ൻ വ​ഴി ഒ​ഴു​വ​ത്തേ​ക്ക് പോ​കു​ന്ന റോ​ഡി​ൽ ഒ​ഴു​വ​ത്ത​ടം ജ​ങ്​​ഷ​നോ​ട് ചേ​ർ​ന്നാ​ണ് രാ​ജ​വെ​മ്പാ​ല​ക​ളെ പി​ടി​കൂ​ടി​യ​ത്.

11 മു​ത​ൽ 16 അ​ടി വ​രെ നീ​ള​മു​ള്ള​തും 12 മു​ത​ൽ 19 കി​ലോ വ​രെ​യു​ള്ള​തു​മാ​യ രാ​ജ​വെ​മ്പാ​ല​ക​ളാ​ണ്​ പി​ടി​കൂ​ടി​യ​വ​യി​ൽ ഉ​ണ്ടാ​യി​രു​ന്ന​ത്. വാ​ള​റ ഫോ​റ​സ്റ്റ് സ്റ്റേ​ഷ​നി​ലെ ഡെ​പ്യൂ​ട്ടി റേ​ഞ്ച് ഓ​ഫി​സ​റു​ടെ നേ​തൃ​ത്വ​ത്തി​ൽ ഷൈ​ൻ മു​ത്തേ​ട​ത്താ​ണ് പാ​മ്പു​ക​ളെ പി​ടി​കൂ​ടി​യ​ത്. ഒ​ന്നി​ന് പി​റ​കെ ഒ​ന്നാ​യി ഒ​രേ​സ്ഥ​ല​ത്ത് ഇ​ത്ര​യും പാ​മ്പു​ക​ളെ പി​ടി​കൂ​ടു​ന്ന​ത് ആ​ദ്യ സം​ഭ​വ​മാ​ണെ​ന്ന് ഡെ​പ്യൂ​ട്ടി റേ​ഞ്ച് ഓ​ഫി​സ​ർ സു​നി​ൽ പ​റ​ഞ്ഞു. ആ​ദ്യം പി​ടി​യി​ലാ​യ​ത് പെ​ൺ രാ​ജ​വെ​മ്പാ​ല​യാ​യി​രു​ന്നു. പി​ന്നീ​ട് പി​ടി​യി​ലാ​യ​വ ആ​ൺ രാ​ജ​വെ​മ്പാ​ല​ക​ളു​മാ​ണ്.

ഇ​വ​യു​ടെ ഇ​ണ​ചേ​ര​ൽ സ​മ​യ​മാ​ണ്, ഇ​താ​കാം ഒ​ന്നി​ന് പി​റ​കെ ഒ​ന്നാ​യി ഒ​രേ സ്ഥ​ല​ത്ത് എ​ത്താ​ൻ കാ​ര​ണം. ഉ​രു​ള​ൻ​ത​ണ്ണി ക​ണ്ടാം​ചേ​രി​യി​നി​ന്നും ഒ​രു രാ​ജ​വെ​മ്പാ​ല​യെ​യും കൂ​ടി പി​ടി​കൂ​ടി​യി​രു​ന്നു. കാ​ട്ടാ​ന, പ​ന്നി, കു​ര​ങ്ങ്, പോ​ത്ത്, മ്ലാ​വ്, ക​ടു​വ, പു​ലി, മ​യി​ൽ തു​ട​ങ്ങി​യ വ​ന്യ​ജീ​വി​ക​ളും ജ​ന​വാ​സ മേ​ഖ​ല​യി​ലേ​ക്കും കൃ​ഷി​യി​ട​ങ്ങ​ളി​ലേ​ക്കും ഇ​റ​ങ്ങു​ന്ന​ത് ഹൈ​റേ​ഞ്ചി​ൽ ജ​ന​ജീ​വി​തം കൂ​ടു​ത​ൽ ദു​സ്സ​ഹ​മാ​ക്കി.

ഷൈ​ൻ മു​ത്തേ​ട​ത്ത് പി​ടി​കൂ​ടി​യ​ത് 56 രാ​ജ​വെ​മ്പാ​ല​ക​ളെ

അ​ടി​മാ​ലി: നേ​ര്യ​മം​ഗ​ലം റേ​ഞ്ചി​ന് കീ​ഴി​ലെ അം​ഗീ​കൃ​ത പാ​മ്പു​പി​ടി​ത്ത​ക്കാ​ര​ൻ പൈ​ങ്ങോ​ട്ടൂ​ർ മു​ത്തേ​ട​ത്ത് വീ​ട്ടി​ൽ ഷൈ​ൻ മു​ത്തേ​ട​ത്ത് ഇ​തു​വ​രെ പി​ടി​കൂ​ടി​യ​ത് 56 രാ​ജ​വെ​മ്പാ​ല​ക​ളെ. 30 വ​ർ​ഷ​ത്തി​ലേ​റെ​യാ​യി പാ​മ്പു​പി​ടി​ത്തം തു​ട​രു​ന്ന ഷൈ​ൻ മൂ​ർ​ഖ​ൻ ഉ​ൾ​പ്പെ​ടെ 8000ല​ധി​കം പാ​മ്പു​ക​ളെ പി​ടി​കൂ​ടി​യി​ട്ടു​ണ്ട്.

ഉ​ഗ്ര​വി​ഷ​മു​ള്ള​തും വ​ലു​പ്പ​വും നീ​ള​വും കൂ​ടു​ത​ലു​ള്ള​തു​മാ​യ രാ​ജ​വെ​മ്പാ​ല​ക​ളെ പി​ടി​കൂ​ടു​ന്ന​ത് മാ​ത്ര​മാ​ണ് രേ​ഖ​പ്പെ​ടു​ത്തി​വെ​ക്കു​ന്ന​ത്. പി​ടി​കൂ​ടു​ന്ന പാ​മ്പു​ക​ളെ ഉ​ൾ​വ​ന​ത്തി​ൽ തു​റ​ന്നു​വി​ടും. ഇ​ഞ്ച​ത്തൊ​ട്ടി ഫോ​റ​സ്റ്റ് സ്റ്റേ​ഷ​ന് കീ​ഴി​ലെ ഉ​രു​ള​ൻ​ത​ണ്ണി ഔ​ട്ട്പോ​സ്റ്റി​ൽ വാ​ച്ച​റാ​ണ് ഷൈ​ൻ മു​ത്തേ​ട​ത്ത്. 20 അ​ടി​യി​ലേ​റെ നീ​ള​മു​ള്ള രാ​ജ​വെ​മ്പാ​ല​യെ വ​രെ താ​ൻ പി​ടി​കൂ​ടി​യി​ട്ടു​ണ്ടെ​ന്ന്​ ഇ​ദ്ദേ​ഹം പ​റ​ഞ്ഞു.

കുരങ്ങ്​ ശല്യം; പൊറുതിമുട്ടി അടിമാലി

അ​ടി​മാ​ലി: കു​ര​ങ്ങു​ക​ളു​ടെ ശ​ല്യ​ത്താ​ൽ പൊ​റു​തി​മു​ട്ടി അ​ടി​മാ​ലി പ​ഞ്ചാ​യ​ത്തി​ലെ വി​വി​ധ പ്ര​ദേ​ശ​ങ്ങ​ൾ. മു​മ്പ്​ വ​ല്ല​പ്പോ​ഴും മാ​ത്രം എ​ത്തി​യി​രു​ന്ന വാ​ന​ര​സം​ഘം ഇ​പ്പോ​ൾ ദി​വ​സ​വും ഗ്രാ​മ​ങ്ങ​ൾ കൈ​യ​ട​ക്കു​ക​യാ​ണ്. വേ​ന​ൽ ക​ടു​ത്ത​തോ​ടെ​യാ​ണ് വാ​ന​ര​ന്മാ​ർ കൂ​ട്ട​ത്തോ​ടെ അ​തി​ർ​ത്തി​പ്ര​ദേ​ശ​ത്തെ ജ​ന​വാ​സ​മേ​ഖ​ല​യാ​യ കൂ​മ്പ​ൻ​പാ​റ, അ​ടി​മാ​ലി, ത​ല​മാ​ലി, മ​ച്ചി​പ്ലാ​വ്, ചാ​റ്റു​പാ​റ, അ​മ്പ​ല​പ്പ​ടി, പ​ത്താം​മൈ​ൽ, മു​ടി​പ്പാ​റ, വാ​ള​റ ഭാ​ഗ​ങ്ങ​ളി​ലേ​ക്ക് എ​ത്തു​ന്ന​ത്.

രാ​വി​ലെ വ​രു​ന്ന വാ​ന​ര​ന്മാ​ർ രാ​ത്രി​യോ​ടെ​യാ​ണ് മ​ട​ങ്ങു​ന്ന​ത്. ഇ​തി​നി​ടെ വാ​ഴ, തെ​ങ്ങ്, കൊ​ക്കോ അ​ട​ക്ക​മു​ള്ള കൃ​ഷി ന​ശി​പ്പി​ക്കും. വീ​ടു​ക​ളി​ൽ ക​ട​ന്ന് ആ​ഹാ​ര​സാ​ധ​ന​ങ്ങ​ളും വ​സ്ത്ര​ങ്ങ​ളും കൈ​ക്ക​ലാ​ക്കും. വാ​ട്ട​ർ ടാ​ങ്കു​ക​ളി​ലും അ​ല​ങ്കാ​ര​മ​ത്സ്യ​ങ്ങ​ൾ വ​ള​ർ​ത്തു​ന്ന കു​ള​ങ്ങ​ളി​ലും ഇ​റ​ങ്ങി കു​ളി​ക്കും. വീ​ടു​ക​ളു​ടെ ചു​മ​രു​ക​ളി​ലും പ​രി​സ​ര​ത്തും മ​ല​മൂ​ത്ര വി​സ​ർ​ജ​നം ന​ട​ത്തി വൃ​ത്തി​കേ​ടാ​ക്കും. ഇ​തി​ൽ​നി​ന്ന് രോ​ഗ​ങ്ങ​ൾ പ​ട​രു​മെ​ന്ന ആ​ശ​ങ്ക​യും നാ​ട്ടു​കാ​ർ​ക്കു​ണ്ട്.

കു​ട്ടി​ക​ളെ​യും വ​യോ​ധി​ക​രെ​യും ആ​ക്ര​മി​ക്കാ​നും ചി​ല വാ​ന​ര​ന്മാ​ർ ശ്ര​മി​ക്കാ​റു​ണ്ട്. ആ​ക്ര​മ​ണ​കാ​രി​യാ​യ കു​ര​ങ്ങു​ക​ളെ ക​ണ്ട് ഓ​ടു​മ്പോ​ൾ വീ​ണ് കു​ട്ടി​ക​ൾ​ക്കും വ​യോ​ധി​ക​ർ​ക്കും പ​രി​ക്കേ​ൽ​ക്കു​ന്ന സം​ഭ​വ​വു​മു​ണ്ട്. കു​ര​ങ്ങ് ശ​ല്യം കാ​ര​ണം പ​ല ക​ർ​ഷ​ക​രും കൃ​ഷി​യി​ൽ​നി​ന്നും പി​ൻ​വാ​ങ്ങി. നാ​ട്ടി​ലി​റ​ങ്ങു​ന്ന കു​ര​ങ്ങു​ക​ളെ പി​ടി​കൂ​ടാ​ൻ വ​നം​വ​കു​പ്പി​ന്‍റെ സ​ഹ​ക​ര​ണ​ത്തോ​ടെ പ​ഞ്ചാ​യ​ത്ത് ശ്ര​മി​ക്ക​ണ​മെ​ന്ന ആ​വ​ശ്യം ഉ​യ​ർ​ന്നി​ട്ടും ന​ട​പ​ടി​യി​ല്ല.

പെരുങ്കാലയിൽ കാട്ടാനക്കൂട്ടം

ചെ​റു​തോ​ണി: ജി​ല്ല ആ​സ്ഥാ​ന മേ​ഖ​ല​ക്ക്​ സ​മീ​പം പെ​രു​ങ്കാ​ല​യി​ൽ കാ​ട്ടാ​ന​ക്കൂ​ട്ടം ഇ​റ​ങ്ങി വ്യാ​പ​ക​മാ​യി കൃ​ഷി ന​ശി​പ്പി​ച്ചു. ശ​നി​യാ​ഴ്ച വൈ​കീ​ട്ട്​ ആ​റി​ന്​ ശേ​ഷ​മാ​ണ് കാ​ട്ടാ​ന​ക്കൂ​ട്ട​ത്തെ ക​ണ്ട​ത്. വാ​ഴ​ത്തോ​പ്പ് ഗ്രാ​മ​പ​ഞ്ചാ​യ​ത്തി​ലെ 14ാം വാ​ർ​ഡി​ലെ ശൗ​ര്യം​കു​ഴി​യി​ൽ വി​നോ​ദി​ന്‍റെ കൃ​ഷി​യി​ട​ത്തി​ലി​റ​ങ്ങി​യ കാ​ട്ടാ​ന​ക്കൂ​ട്ടം മ​ണി​ക്കൂ​റു​ക​ളോ​ളം പ്ര​ദേ​ശ​ത്തെ ഭീ​തി​യി​ലാ​ഴ്ത്തി. വി​നോ​ദി​ന്റെ കൃ​ഷി​യി​ട​ത്തി​ലും സ​മീ​പ​ത്തെ നി​ര​വ​ധി പ​റ​മ്പു​ക​ളി​ലും വ്യാ​പ​ക​മാ​യി കൃ​ഷി ന​ശി​പ്പി​ച്ചു.

നാ​ട്ടു​കാ​ർ ആ​ന​യെ തു​ര​ത്താ​ൽ ശ്ര​മി​ച്ചെ​ങ്കി​ലും പൂ​ർ​ണ​മാ​യി വി​ജ​യി​ച്ചി​ല്ല. തു​ട​ർ​ന്ന് ന​ഗ​രം​പാ​റ ഫോ​റ​സ്റ്റ് സ്റ്റേ​ഷ​നി​ൽ​നി​ന്ന്​ വ​നം വ​കു​പ്പ് ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി പ​ട​ക്കം പൊ​ട്ടി​ച്ചും മ​റ്റും ഏ​റെ​നേ​രം ന​ട​ത്തി​യ ശ്ര​മ​ത്തി​നൊ​ടു​വി​ലാ​ണ് ആ​ന​ക​ൾ കാ​ട്ടി​ലേ​ക്ക് ക​യ​റി​യ​ത്. ഞാ​യ​റാ​ഴ്ച പു​ല​ർ​ച്ച​യോ​ടെ​യാ​ണ് ഇ​വ​യെ കാ​ടു​ക​യ​റ്റി​യ​ത്. ര​ണ്ട് ദി​വ​സം തു​ട​ർ​ച്ച​യാ​യി ആ​ന​ക​ൾ എ​ത്തി​യ​താ​യാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്. ഇ​തു​വ​രെ​യും കാ​ട്ടാ​ന ഇ​റ​ങ്ങാ​തെ പ്ര​ദേ​ശ​ത്ത് ആ​ന​യി​റ​ങ്ങി​യ​തും വ​നാ​തി​ർ​ത്തി​യി​ൽ ത​മ്പ​ടി​ക്കു​ന്ന​തും നാ​ട്ടു​കാ​രെ ആ​ശ​ങ്ക​യി​ലാ​ഴ്ത്തി.