കാട്ടാന വിളയാട്ടം; കടയും ജീപ്പും തകർത്തു

അ​ടി​മാ​ലി: ചി​ന്ന​ക്ക​നാ​ലി​ൽ പ​ഞ്ചാ​യ​ത്തി​ന്‍റെ വി​വി​ധ​യി​ട​ങ്ങ​ളി​ൽ കാ​ട്ടാ​ന ശ​ല്യം തു​ട​രു​ന്നു. ചൊ​വ്വാ​ഴ്ച ക​ട​യും ജീ​പ്പും ത​ക​ർ​ത്തു. മൂ​ന്ന്​ മ​ണി​ക്കൂ​റോ​ളം റോ​ഡി​ൽ നി​ല​യു​റ​പ്പി​ച്ച കാ​ട്ടാ​ന​ക​ൾ നാ​ട്ടു​കാ​രു​ടെ സ​ഞ്ചാ​ര​വും ത​ട​സ്സ​പ്പെ​ടു​ത്തി. പെ​രി​യ ക​നാ​ൽ സു​ബ്ര​ഹ്മ​ണ്യ​ത്തി​ന്‍റെ ക​ട​യാ​ണ് ത​ക​ർ​ത്ത​ത്. അ​രി​ക്കൊ​മ്പ​നാ​ണ് ത​ക​ർ​ത്ത​തെ​ന്ന് സു​ബ്ര​ഹ്മ​ണ്യ​ൻ പ​റ​ഞ്ഞു.

അ​ഞ്ചാം ത​വ​ണ​യാ​ണ് ഈ ​ക​ട​ക്ക് നേ​രെ ആ​ക്ര​മ​ണം. ക​ട​യോ​ട് ചേ​ർ​ന്ന് റോ​ഡി​ൽ സ്ഥാ​പി​ച്ച ദി​ശ ബോ​ർ​ഡും ന​ശി​പ്പി​ച്ചു. ഇ​തി​നു ശേ​ഷ​മാ​ണ് ച​ക്ക​ക്കൊ​മ്പ​ൻ എ​ന്ന​റി​യ​പ്പെ​ടു​ന്ന കാ​ട്ടാ​ന ജീ​പ്പ്​ ത​ക​ർ​ത്ത​ത്. ചൊ​വ്വാ​ഴ്ച രാ​വി​ലെ ബി​യ​ൽ​റാ​മി​നും എ​ൺ​പ​തേ​ക്ക​റി​നും ഇ​ട​ക്കാ​ണ് ആ​ക്ര​മ​ണം. തൊ​ഴി​ലാ​ളി​ക​ളെ തോ​ട്ട​ത്തി​ൽ ഇ​റ​ക്കി മ​ട​ങ്ങു​മ്പോ​ഴാ​യി​രു​ന്നു സം​ഭ​വം. ജീ​പ്പ് ഡ്രൈ​വ​ർ ഓ​ടി ര​ക്ഷ​പ്പെ​ട്ടു. വ​ഹ​ന​ത്തി​ന്‍റെ മു​ൻ​വ​ശ​ത്തെ ചില്ല്​ പൂ​ർ​ണ​മാ​യും ത​ക​ർ​ത്തു.

ആ​ന​യെ​ക്ക​ണ്ട് വാ​ഹ​നം പിറ​കോ​ട്ട് എ​ടു​ക്ക​വെ ബൈ​ക്കി​ൽ ഇ​ടി​ച്ച് യാ​ത്രി​ക​ന് പ​രി​ക്കേ​ൽ​ക്കു​ക​യും ചെ​യ്തു. അ​തേ​സ​മ​യം, ശ​ല്യ​ക്കാ​ര​നാ​യ അ​രി​ക്കൊ​മ്പ​നെ ഉ​ട​ൻ മ​യ​ക്കു​വെ​ടി​വെ​ച്ച് പി​ടി​കൂ​ടു​മെ​ന്ന് വ​നം വ​കു​പ്പ് അ​റി​യി​ച്ചു. ഈ ​ആ​ഴ്ച ത​ന്നെ വ​യ​നാ​ട്ടി​ൽ​നി​ന്നു​ള്ള പ്ര​ത്യേ​ക സം​ഘം പ്ര​വ​ർ​ത്ത​നം തു​ട​ങ്ങും. ര​ണ്ടു മാ​സ​ത്തി​ലേ​റെ​യാ​യി ശാ​ന്ത​ൻ​പാ​റ, ചി​ന്ന​ക്ക​നാ​ൽ മേ​ഖ​ല​യി​ൽ കാ​ട്ടാ​ന ശ​ല്യം അ​തി​രൂ​ക്ഷ​മാ​ണ്. വ​നം വ​കു​പ്പ് വാ​ച്ച​ർ ശ​ക്തി​വേ​ൽ കാ​ട്ടാ​ന​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​താ​ണ് ഒ​ടു​വി​ല​ത്തെ സം​ഭ​വം. ഈ ​കാ​ല​യ​ള​വി​ൽ ര​ണ്ടു റേ​ഷ​ൻ​ക​ട​യും എ​ട്ട്​ വ്യാ​പാ​ര സ്ഥാ​പ​ന​വും 16 വീ​ടും ത​ക​ർ​ത്തു.