ജനവാസ മേഖലയിൽ കാട്ടാന വിളയാട്ടം; ഭീ​തി​യോ​ടെ ജ​നം

അ​ടി​മാ​ലി: ദേ​വി​കു​ളം - ഉ​ടു​മ്പ​ൻ​ചോ​ല താ​ലൂ​ക്കി​ൽ വി​വി​ധ ഇ​ട​ങ്ങ​ളി​ൽ കാ​ട്ടാ​ന ശ​ല്യം അ​തി രൂ​ക്ഷ​മാ​കു​ന്നു. ജ​ന​വാ​സ മേ​ഖ​ല​യി​ൽ ഇ​റ​ങ്ങു​ന്ന കാ​ട്ടാ​ന​ക​ൾ കൃ​ഷി​ക​ള​ട​ക്കം ന​ശി​പ്പി​കു​ക​യാ​ണ്.

മൂ​ന്നാ​ർ മേ​ഖ​ല​യി​ൽ പ​ട​യ​പ്പ​യും ചി​ന്ന​ക്ക​നാ​ലി​ൽ ച​ക്ക​ക്കൊ​മ്പ​നും ക​ഴി​ഞ്ഞ ര​ണ്ട്​ ദി​വ​സ​മാ​യി ജ​ന​വാ​സ മേ​ഖ​ല​യി​ൽ ജ​ന​ത്തി​ന് വ​ലി​യ ഭീ​ഷ​ണി ഉ​യ​ർ​ത്തി ചു​റ്റി​ത്തി​രി​യു​ക​യാ​ണ്. ക​ഴി​ഞ്ഞ ദി​വ​സം മ​റ​യൂ​ർ റോ​ഡി​ൽ ഭീ​ക​രാ​ന്ത​രീ​ക്ഷം തീ​ർ​ത്ത പ​ട​യ​പ്പ ഇ​പ്പോ​ൾ മാ​ട്ടു​പ്പെ​ട്ടി, എ​ക്കോ പോ​യി​ന്‍റ്​ എ​ന്നി​വി​ട​ങ്ങ​ളി​ൽ ജ​ന​വാ​സ മേ​ഖ​ല​യി​ൽ ചു​റ്റി​തി​രി​യു​ക​യാ​ണ്. ഏ​താ​നും ആ​ഴ്ച​ക​ളാ​യി കാ​ണാ​മ​റ​യ​ത്താ​യി​രു​ന്ന ച​ക്ക​ക്കൊ​മ്പ​ൻ ചി​ന്ന​ക്ക​നാ​ൽ മേ​ഖ​ല​യി​ൽ വീ​ണ്ടും എ​ത്തി. റോ​ഡി​ലും കൃ​ഷി​യി​ട​ങ്ങ​ളി​ലു​മാ​യി ചു​റ്റി​തി​രി​യു​ന്ന ഈ ​കാ​ട്ടു​കൊ​മ്പ​ൻ ബി​യ​ൽ റാം, ​സി​ങ്കു​ക​ണ്ടം, മു​ന്നൂ​റ്റൊ​ന്ന് കോ​ള​നി എ​ന്നി​വി​ട​ങ്ങ​ളി​ൽ വ്യാ​പ​ക​മാ​യി കൃ​ഷി ന​ശി​പ്പി​ച്ചു.

അ​ടി​മാ​ലി പ​ഞ്ചാ​യ​ത്തി​ലെ വാ​ള​റ നാ​ല് സെ​ന്‍റ്​ കോ​ള​നി​യി​ൽ വ്യാ​ഴാ​ഴ്ച രാ​ത്രി കാ​ട്ടാ​ന എ​ത്തി. ഇ​വി​ടെ ആ​ദ്യ​മാ​യി​ട്ടാ​ണ് കാ​ട്ടാ​ന എ​ത്തു​ന്ന​ത്. വാ​ഴ, ജാ​തി തു​ട​ങ്ങി നി​ര​വ​ധി കൃ​ഷി​ക​ളും ന​ശി​പ്പി​ച്ചു. പാ​ട്ട​യ​ട​മ്പ്, കു​ള​മാം കു​ഴി ആ​ദി​വാ​സി കോ​ള​നി​ക​ളി​ലും കാ​ട്ടാ​ന ശ​ല്യം അ​തി രൂ​ക്ഷ​മാ​ണ്.

കാ​ല​വ​ർ​ഷം തു​ട​ങ്ങി വ​ന​ത്തി​ൽ വെ​ള്ള​വും തീ​റ്റ​യും വ​ർ​ധി​ച്ചി​ട്ടും കാ​ട്ടാ​ന​ക​ൾ ജ​ന​വാ​സ മേ​ഖ​ല​യി​ലും കൃ​ഷി​യി​ട​ങ്ങ​ളി​ലും വി​ഹ​രി​ക്കു​ന്ന​ത് ജ​ന​ങ്ങ​ളെ വ​ലി​യ ആ​ശ​ങ്ക​യി​ൽ ആ​ക്കു​ന്നു. മാ​ങ്കു​ളം, മ​റ​യൂ​ർ പ​ഞ്ചാ​യ​ത്തു​ക​ളി​ലും കാ​ട്ടാ​ന​ക​ൾ വ്യാ​പ​ക നാ​ശം വി​ത​ക്കു​ക​യാ​ണ്.