കേബിൾ കുരുക്ക്​; കെ.എസ്​.ഇ.ബി നോട്ടീസ്​ നൽകിത്തുടങ്ങി

തൊ​ടു​പു​ഴ: ജി​ല്ല​യി​ൽ വൈ​ദ്യു​തി തൂ​ണു​ക​ളി​ൽ അ​ന​ധി​കൃ​ത​മാ​യും അ​പ​ക​ട​ക​ര​മാ​യും വ​ലി​ച്ചി​ട്ടു​ള്ള കേ​ബി​ളു​ക​ൾ നീ​ക്കാ​ൻ കെ.​എ​സ്.​ഇ.​ബി ന​ട​പ​ടി തു​ട​ങ്ങി. ആ​ദ്യ​ഘ​ട്ട​മെ​ന്ന നി​ല​യി​ൽ അ​ന​ധി​കൃ​ത കേ​ബി​ളു​ക​ളും പൊ​തു​ജ​ന​ങ്ങ​ൾ​ക്ക്​ ഭീ​ഷ​ണി​യാ​കും വി​ധ​ത്തി​ൽ വ​ലി​ച്ചി​ട്ടു​ള്ള കേ​ബി​ളു​ക​ളും നീ​ക്ക​ണം എ​ന്നാ​വ​ശ്യ​പ്പെ​ട്ട്​​ ബ​ന്ധ​പ്പെ​ട്ട​വ​ർ​ക്ക്​ നോ​ട്ടീ​സ്​ ന​ൽ​കി​യ​താ​യി ​കെ.​എ​സ്.​ഇ.​ബി ഡെ​പ്യൂ​ട്ടി ചീ​ഫ്​ എ​ൻ​ജി​നീ​യ​ർ കെ.​ആ​ർ. രാ​ജീ​വ്​ പ​റ​ഞ്ഞു.

ജി​ല്ല​യു​ടെ പ​ല ഭാ​ഗ​ങ്ങ​ളി​ലും വൈ​ദ്യു​തി പോ​സ്റ്റു​ക​ളി​ലെ കേ​ബി​ൾ കൂ​ട്ടം കാ​ൽ​ന​ട​ക്കാ​ർ​ക്കും ഇ​രു​ച​ക്ര വാ​ഹ​ന​ങ്ങ​ൾ​ക്കും ഭീ​ഷ​ണി​യാ​കു​ന്ന​താ​യി മാ​ർ​ച്ച്​ ര​ണ്ടി​ന്​ ‘മാ​ധ്യ​മം’ റി​പ്പോ​ർ​ട്ട്​ ചെ​യ്തി​രു​ന്നു. 10 ദി​വ​സ​മാ​ണ്​ അ​ന​ധി​കൃ​ത കേ​ബി​ളു​ക​ൾ നീ​ക്കാ​ൻ അ​നു​വ​ദി​ച്ചി​ട്ടു​ള്ള​ത്. സ​മ​യ​പ​രി​ധി​ക്ക​കം നീ​ക്കി​യി​ല്ലെ​ങ്കി​ൽ കെ.​എ​സ്.​ഇ.​ബി ബ​ല​മാ​യി നീ​ക്കു​ക​യും ഇ​തി​ന്‍റെ ചെ​ല​വ്​ ബ​ന്ധ​പ്പെ​ട്ട​വ​രി​ൽ​നി​ന്ന്​ ഈ​ടാ​ക്കു​ക​യും ചെ​യ്യും. ഇ​തി​നാ​യി പ്ര​ത്യേ​ക ഡ്രൈ​വ്​ സം​ഘ​ടി​പ്പി​ക്കാ​നാ​ണ്​ തീ​രു​മാ​നം. ജി​ല്ല​യി​ൽ പീ​രു​മേ​ട്, അ​ടി​മാ​ലി, തൊ​ടു​പു​ഴ, ക​ട്ട​പ്പ​ന എ​ന്നി​ങ്ങ​നെ നാ​ല്​ ഇ​ല​ക്​​ട്രി​ക്ക​ൽ ഡി​വി​ഷ​നു​ക​ൾ​ക്ക്​ കീ​ഴി​ലെ വൈ​ദ്യു​തി തൂ​ണു​ക​ളി​ൽ​നി​ന്ന്​ അ​ന​ധി​കൃ​ത​വും അ​പ​ക​ട​ഭീ​ഷ​ണി ഉ​യ​ർ​ത്തു​ന്ന​തു​മാ​യ കേ​ബി​ളു​ക​ൾ നീ​ക്കു​ന്ന പ്ര​വ​ർ​ത്ത​ന​ങ്ങ​ൾ​ക്ക്​ നേ​തൃ​ത്വം ന​ൽ​കാ​ൻ നാ​ല്​ എ​ക്സി​ക്യൂ​ട്ടി​വ്​ എ​ൻ​ജി​നീ​യ​ർ​മാ​രെ ചു​മ​ത​ല​പ്പെ​ടു​ത്തി​യി​ട്ടു​ണ്ട്. പോ​സ്റ്റു​ക​ളി​ലെ സു​ര​ക്ഷി​ത​മ​ല്ലെ​ന്ന്​ ക​ണ്ടെ​ത്തു​ന്ന എ​ല്ലാ കേ​ബി​ളു​ക​ളും നീ​ക്കും. ഓ​രോ റോ​ഡ്​ ​അ​ടി​സ്ഥാ​ന​ത്തി​ലാ​കും കെ.​എ​സ്.​ഇ.​ബി കേ​ബി​ളു​ക​ൾ നീ​ക്കു​ക. ഇ​ക്കാ​ര്യം പൊ​തു​ജ​ന​ങ്ങ​ളെ മു​ൻ​കൂ​ട്ടി അ​റി​യി​ക്കും.

സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്ന്​ കേ​ബി​ളി​ൽ കു​രു​ങ്ങി യാ​ത്ര​ക്കാ​ർ​ക്ക്​ പ​രി​ക്കേ​റ്റ സം​ഭ​വ​ങ്ങ​ൾ റി​പ്പോ​ർ​ട്ട്​ ചെ​യ്യ​പ്പെ​ട്ടി​രു​ന്നു. ഈ ​സാ​ഹ​ച​ര്യ​ത്തി​ൽ പോ​സ്റ്റു​ക​ളി​ലെ അ​ന​ധി​കൃ​ത കേ​ബി​ളു​ക​ൾ നീ​ക്കാ​നും കേ​ബി​ൾ വ​ലി​ക്കു​ന്ന​ത്​ നി​യ​മാ​നു​സൃ​ത​മാ​ണെ​ന്ന്​ ഉ​റ​പ്പാ​ക്കാ​നു​മാ​ണ്​ കെ.​എ​സ്.​ഇ.​ബി തീ​രു​മാ​നം.

ജി​ല്ല​യി​ൽ തി​ര​ക്കേ​റി​യ പ​ട്ട​ണ​ങ്ങ​ളാ​യ തൊ​ടു​പു​ഴ​യി​ലും ക​ട്ട​പ്പ​ന​യി​ലും അ​ടി​മാ​ലി​യി​ലും പീ​രു​മേ​ട്​ മേ​ഖ​ല​യി​ലെ ഗ്രാ​മീ​ണ റോ​ഡു​ക​ളി​ലും​ വൈ​ദ്യു​തി തൂ​ണു​ക​ളി​ലെ കേ​ബി​ൾ ശൃം​ഖ​ല​ക​ൾ പൊ​തു​ജ​ന​ങ്ങ​ൾ​ക്ക്​ വ​ലി​യ ഭീ​ഷ​ണി​യാ​ണ്​ ഉ​യ​ർ​ത്തു​ന്ന​ത്. പു​റ​ത്തേ​ക്ക്​ ത​ള്ളി​യും താ​ഴേ​ക്കു​വീ​ണും കി​ട​ക്കു​ന്ന ഇ​വ ഏ​തു​സ​മ​യ​വും അ​പ​ക​ടം വ​രു​ത്താ​വു​ന്ന അ​വ​സ്ഥ​യി​ലാ​ണ്. ഇ​വ​യി​ൽ പ​ല​തും അ​ന​ധി​കൃ​ത​മാ​യി വ​ലി​ച്ച കേ​ബി​ളു​ക​ളാ​ണെ​ന്ന്​ കെ.​എ​സ്.​ഇ.​ബി അ​ധി​കൃ​ത​ർ​ത​ന്നെ പ​റ​യു​ന്നു.