വനം വകുപ്പ്​ റിപ്പോർട്ട് തിരിച്ചടിയായി; ഇടുക്കി–ഉടുമ്പന്നൂർ റോഡ്​ നിർമാണം നിലച്ചു

ചെ​റു​തോ​ണി: വ​നം വ​കു​പ്പ്​ പ്ര​തി​കൂ​ല റി​പ്പോ​ർ​ട്ട് ന​ൽ​കി​യ​തോ​ടെ ഇ​ടു​ക്കി-​ഉ​ടു​മ്പ​ന്നൂ​ർ റോ​ഡ്​ നി​ർ​മാ​ണം വീ​ണ്ടും നി​ല​ച്ചു. റോ​ഡ്​​ക​ട​ന്നു​പോ​കു​ന്ന ഭാ​ഗം ആ​ന​ത്താ​ര​യാ​ണെ​ന്ന് ഡി.​എ​ഫ്.​ഒ ന​ൽ​കി​യ റി​പ്പോ​ർ​ട്ടാ​ണ് വി​ന​യാ​യ​ത്. കൈ​ത​പ്പാ​റ, മ​ണി​യാ​റം​കു​ടി, മ​ക്കു​വ​ള്ളി, മ​ന​യ​ത്ത​ടം എ​ന്നി​വി​ട​ങ്ങ​ളി​ൽ താ​മ​സി​ക്കു​ന്ന​വ​ർ ഈ ​റോ​ഡ്​ പൂ​ർ​ത്തി​യാ​കാ​ൻ കാ​ത്തി​രി​പ്പ്​ തു​ട​ങ്ങി​യി​ട്ട്​ പ​തി​റ്റാ​ണ്ടു​ക​ളാ​യി.

റോ​ഡ്​ പൂ​ർ​ത്തി​യാ​ക്കു​ന്ന​തി​ൽ ജ​ന​പ്ര​തി​നി​ധി​ക​ൾ താ​ൽ​പ​ര്യ​മെ​ടു​ക്കു​ന്നി​ല്ല​ന്നാ​ണ് നാ​ട്ടു​കാ​രു​ടെ ആ​ക്ഷേ​പം. തൊ​ടു​പു​ഴ നി​ന്ന്​ മൂ​ല​മ​റ്റം കു​ള​മാ​വ്​ വ​ഴി ജി​ല്ല ആ​സ്ഥാ​ന​ത്തേ​ക്ക്​ പോ​കു​ന്ന ദൂ​രം 36 കി​ലോ​മീ​റ്റ​ർ കു​റ​ക്കാ​ൻ ഇ​ടു​ക്കി-​ഉ​ടു​മ്പ​ന്നൂ​ർ റോ​ഡി​ന്​ ക​ഴി​യും. പൈ​നാ​വി​ലേ​ക്ക് ചെ​റു​തോ​ണി വ​ഴി​യ​ല്ലാ​തെ എ​ത്താ​നു​മാ​കും.

പ​ട്ടം താ​ണു​പി​ള്ള മു​ഖ്യ​മ​ന്ത്രി​യാ​യി​രു​ന്ന കാ​ല​ത്ത് അ​ധി​ക ഭ​ക്ഷ്യോ​ൽ​പാ​ദ​ന​ത്തി​നു വേ​ണ്ടി ക​ർ​ഷ​ക​രെ കു​ടി​യി​രു​ത്തി​യ സ്ഥ​ല​മാ​ണ്​ കൈ​ത​പ്പാ​റ. ഇ​വി​ടെ മ​ക്കു​വ​ള്ളി, മ​ന​യ​ത്ത​ടം പ്ര​ദേ​ശ​ങ്ങ​ളി​ലും നി​ര​വ​ധി പേ​ർ താ​മ​സി​ക്കു​ന്നു. ഈ ​പ്ര​ദേ​ശ​ത്തെ താ​മ​സ കേ​ന്ദ്ര​ങ്ങ​ൾ ഒ​ഴി​ച്ചു​ള്ള സ്ഥ​ല​ങ്ങ​ൾ കൂ​ടു​ത​ലും ഏ​ല​ക്കാ​ടു​ക​ളാ​ണ്. കേ​ര​ള ഫോ​റ​സ്റ്റ് ഡ​വ​ല​പ്​​മെ​ന്‍റ്​ കോ​ർ​പ​റേ​ഷ​ന്‍റേ​താ​ണ് ഏ​ല​ത്തോ​ട്ടം.

വെ​ള്ള​ത്തൂ​വ​ൽ പ​ള്ളം 110 കെ.​വി ലൈ​നി​നു​വേ​ണ്ടി വൈ​ദ്യു​തി ബോ​ർ​ഡ് 1948 ൽ ​നി​ർ​മി​ച്ച റോ​ഡ് നി​ല​വി​ലു​ണ്ട്. അ​ന്ന് ത​ടി കൊ​ണ്ടു​പോ​കു​ന്ന​തി​ന് ലോ​റി സ​ഞ്ച​രി​ക്കാ​നാ​യാ​ണ് റോ​ഡ് വെ​ട്ടി​യി​രു​ന്ന​ത്. തൊ​ടു​പു​ഴ നി​ന്ന്​ മൂ​ല​മ​റ്റം, കു​ള​മാ​വ്​ വ​ഴി​യു​ള്ള ഇ​ടു​ക്കി റോ​ഡി​നേ​ക്കാ​ൾ ക​യ​റ്റി​റ​ക്ക​ങ്ങ​ളും അ​പ​ക​ട​സാ​ധ്യ​ത​ക​ളും കു​റ​വു​ള്ള​താ​ണ് ഉ​ടു​മ്പ​ന്നൂ​ർ കൈ​ത​പ്പാ​റ വ​ഴി​യു​ള്ള റോ​ഡ്.

നാ​ട്ടു​കാ​രു​ടെ നി​ര​ന്ത​ര സ​മ​ര​ങ്ങ​ളു​ടെ​യും നി​വേ​ദ​ന​ങ്ങ​ളു​ടെ​യും ഫ​ല​മാ​യി പി.​എം.​ജി.​എ​സ്.​വൈ പ​ദ്ധ​തി​യി​ൽ​പ്പെ​ടു​ത്തി റോ​ഡ്​ നി​ർ​മി​ക്കാ​ൻ ഭ​ര​ണാ​നു​മ​തി ല​ഭി​ച്ച്​ സ​ർ​വേ ന​ട​പ​ടി​ക​ൾ പൂ​ർ​ത്തി​യാ​ക്കി​യ​പ്പോ​ഴാ​ണ് സ്ഥ​ലം ആ​ന​ത്താ​ര​യി​ൽ​പ്പെ​ട്ട​താ​ണെ​ന്ന ഡി.​എ​ഫ്.​ഒ​യു​ടെ റി​പ്പോ​ർ​ട്ട്.